ព័ត៌មានជាតិ
អគ្គស្នងការនគរបាលជាតិដាក់ចេញវិធានការ៦ចំណុចការពារសន្តិសុខសណ្ដាប់ធ្នាប់ក្នុងឱកាសបុណ្យចូលឆ្នាំចិន
អគ្គស្នងការដ្ឋាននគរបាលជាតិបានដាក់ចេញនូវវិធានការចំនួន៦ចំណុចដើម្បីធានាសន្តិសុខសណ្តាប់ធ្នាប់សាធារណៈ និងសុវត្ថិភាពសង្គមដើម្បីរួមចំណែកក្នុងការថែរក្សានូវសុខភាពសាធារណៈឲ្យបានល្អប្រសើរជូនប្រជាពលរដ្ឋក្នុងឱកាសបុណ្យចូលឆ្នាំថ្មីប្រពៃណី របស់ប្រជាជនចិននិងវៀតណាមដែលនឹងប្រព្រឹត្តទៅចាប់ពីថ្ងៃទី១១,១២,១៣ ខែកុម្ភៈ ឆ្នាំ២០២១ខាងមុខនេះ។
នាយឧត្តមសេនីយ៍សន្តិបណ្ឌិត នេត សាវឿន អគ្គស្នងការនគរបាលជាតិបានឲ្យដឹងនៅក្នុងសេចក្តីជូនដំណឹងមួយចុះថ្ងៃទី០១ខែកម្ភៈ នេះថា វិធានការទាំង៦ចំណុចនោះរួមមានទី១,ត្រូវយកចិត្តទុកដាក់ស្ដាប់និងប្រមូលព័ត៌មានពាក់ព័ន្ធសភាពការណ៍សន្តិសុខសណ្តាប់ធ្នាប់សាធារណៈពិសេសឧបាយកលសកម្មភាពបង្កអសន្តិសុខឬការញុះញង់នានាដើម្បីមានវិធានការបង្ការទប់ស្កាត់បំបាត់ប្រសិទ្ធភាពនិងបង្ក្រាបបានទាន់ពេលវេលា។ ទី២,ចាត់វិធានការការពារសន្តិសុខសណ្ដាប់ធ្នាប់នៅតាមទីវត្តអារាមព្រះវិហារចិនវៀតណាមដូចជាទីសក្ការៈនិងរមណីយដ្ឋាននានា ដោយយកចិត្តទុកដាក់បង្ការទប់ស្កាត់មិនឲ្យកើតមានបទល្មើសព្រហ្មទណ្ឌគ្រប់ប្រភេទ ជាពិសេសសកម្មភាពបង្កអុកឡុកដោយក្មេងទំនើង និងត្រូវរៀបចំសណ្ដាប់ធ្នាប់ឱ្យមានរបៀបរៀបរយល្អប្រសើរ។ ទី៣,ត្រូវយកចិត្តទុកដាក់រៀបចំសណ្ដាប់ធ្នាប់និងលំហូរចរាចរណ៍ដោយត្រូវបង្កើនការរឹតបន្តឹងការអនុវត្តច្បាប់ចរាចរណ៍ផ្លូវគោកសំដៅកាត់បន្ថយការកកស្ទះក៏ដូចជាហេតុការណ៍គ្រោះថ្នាក់ចរាចរព្រមទាំងបង្កលក្ខណៈងាយស្រួលដល់ប្រជាពលរដ្ឋក្នុងការធ្វើដំណើរនិងមានសុវត្ថិភាពទន្ទឹមនឹងនេះត្រូវពង្រឹងកិច្ចសហការជាមួយប្រព័ន្ធផ្សព្វផ្សាយដើម្បីផ្ដល់ព័ត៌មានអំពីស្ថានភាពចរាចរនិងវិធានការនានាដើម្បីការពារការកកស្ទះចរាចរណ៍។
ត្រូវសហការជាមួយអាជ្ញាធរដែនដីគ្រប់ថ្នាក់រំលឹកដាស់តឿនប្រជាពលរដ្ឋឲ្យមានការប្រុងប្រយ័ត្នចំពោះអគ្គិភ័យពិសេសភ្លើងទៀនធូបពេលសែនព្រេនភ្លើងចង្ក្រានចរន្តអគ្គិសនីគ្រឿងឆេះផ្សេងៗព្រមទាំងហាមឃាត់ដាច់ខាតការរដ្ឋានដុតកាំជ្រូចដែលអាចបង្កឱ្យមានអគ្គិភ័យឬបង្កសំឡេងផ្ទុះសំឡេងរំខានផ្សេងធ្វើឲ្យប៉ះពាល់ដល់អារម្មណ៍របស់ប្រជាពលរដ្ឋ ទន្ទឹមនឹងនោះត្រូវប្រមូលផ្ដុំកម្លាំងនិងមធ្យោបាយប្រចាំការត្រៀមលក្ខណៈចេញអន្តរាគមន៍ពន្លត់និងសង្គ្រោះហេតុការណ៍អគ្គិភ័យដែលបានកើតឡើងជាយថាហេតុ។ ទី៥,បន្តពង្រឹងកិច្ចសហការជាមួយស្ថាប័នអង្គភាពពាក់ព័ន្ធជាពិសេសជាមួយគណៈកម្មការប្រយុទ្ធប្រឆាំងជំងឺកូវីដ១៩ បង្កើនសកម្មភាពផ្សព្វផ្សាយអប់រំពីវិធានការសុខាភិបាលនៅតាមគោលដៅដែលមានការប្រមូលផ្តុំប្រជាពលរដ្ឋព្រមទាំងត្រៀមកម្លាំងមធ្យោបាយសម្ភារៈដើម្បីបង្ការទប់ស្កាត់និងសង្គ្រោះបានទាន់ពេលវេលា និងទី៦,ត្រូវពង្រឹងបន្ថែមការងារប្រចាំបញ្ជាគ្រប់ថ្នាក់នឹងការងារផ្ដល់ព័ត៌មានឲ្យបានឆាប់រហ័សដើម្បីដោះស្រាយសភាពការណ៍ដែលអាចកើតឡើងជាយថាហេតុព្រមទាំងបង្កើនការល្បាតយាមកាមនៅតាមភូមិឃុំសង្កាត់នៅក្នុងភូមិសាស្ត្រទទួលខុសត្រូវរបស់ខ្លួនដើម្បីការពារផ្ទះសម្បែងទ្រព្យសម្បត្តិប្រជាពលរដ្ឋដែលបានចាកចេញពីលំនៅឋានទៅសួរសុខទុក្ខសាច់ញាតិបងប្អូនឬធ្វើដំណើរកម្សាន្តសប្បាយទៅតាមតំបន់រមណីយដ្ឋាននានា៕
អត្ថបបទ ៖ សំអឿន
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៥ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)