ព័ត៌មានជាតិ

មេខ្យល់២នាក់ ត្រូវឃាត់ខ្លួន ក្រោយនាំពលករឆ្លងដែន អំឡុងប្រទេសថៃ កំពុងផ្ទុះជំងឺកូវីដ

បានផុស

៥ years មុន

នៅ

ថ្ងៃអង្គារ ២ កុម្ភៈ ២០២១

ដោយ

ជនសង្ស័យ២នាក់ ដែលជាមុខសញ្ញាមេខ្យល់នាំពលករខ្មែរឆ្លងដែន ចូលទៅកាន់ប្រទេសថៃ ដោយមិនស្របច្បាប់ ត្រូវបានកម្លាំងសមត្ថកិច្ចចម្រុះ ដែលឈរជើងនៅចំណុចច្រករបៀងស្វាយចេក ក្នុងទឹកដីស្រុកកំរៀង ធ្វើការឃាត់ខ្លួនតាមការឯកភាពពីលោកព្រះរាជអាជ្ញា ប៊ុណ្ណារ៉ា ដើម្បីបញ្ជូនខ្លួនទៅកាន់តុលាការ។

ការឃាត់ខ្លួននេះ បានធ្វើឡើងកាលពីថ្ងៃទី៣១ ខែមករា ឆ្នាំ២០២១ វេលាម៉ោង១២និង៥៥នាទី ថ្ងៃត្រង់ នៅចំណុចភូមិស្វាយ ឃុំបឹងរាំង ស្រុកកំរៀង ខេត្តបាត់ដំបង ដោយសារតែជនសង្ស័យទាំង ២ នាក់នេះ ជាប់ពាក់ព័ន្ធនិងករណីនាំយកពលករចេញដោយមិនស្របច្បាប់សម្រាប់ឆ្លងដែន។

ជនសង្ស័យទាំងពីរនាក់នោះ មានឈ្មោះ កែវ ជ្រឹង ភេទប្រុស អាយុ៥៧ឆ្នាំ រស់នៅភូមិស្វាយ ឃុំបឹងរាំង ស្រុកកំរៀង ខេត្តបាត់ដំបង មុខរបរលក់ដូរ និង ឈ្មោះ តឿក ក្រុងប៉ាត់ ហៅ(ចាន់) ភេទប្រុស អាយុ៤៤ឆ្នាំ រស់នៅភូមិស្វាយ ឃុំបឹងរាំង ស្រុកកំរៀង ខេត្តបាត់ដំបង មុខរបរកម្មករ ដែល បានធ្វើសកម្មភាពលួចនាំយកពលករខ្មែរចំនួន០៤ នាក់ ( ស្រី ១ នាក់ ) ដើម្បីឆ្លងចូលមកប្រទេសកម្ពុជា ហើយក៏ត្រូវកម្លាំងចម្រុះប្រចាំនៅគោលដៅប៉ុស្តិ៍នគរបាលច្រករបៀងស្វាយចេកឃាត់ខ្លួនបាន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅចំពោះមុខសមត្ថកិច្ច ជនសង្ស័យទាំងពីរនាក់នោះបានឆ្លើយសារភាពថា ពួកខ្លួនពិតជាបាននាំពលករចំនួន០៤នាក់ខាងលើពិតប្រាកដមែន ហើយយកថ្លៃឈ្នួលក្នុងម្នាក់ចំនួន១០០០(មួយពាន់)បាត ដើម្បីឆ្លងដែនចូលមកប្រទេសកម្ពុជា(ស្រុកកំរៀង)។ បច្ចុប្បន្នករណីខាងលើនេះជំនាញបានធ្វើការឃាត់ខ្លួនជនសង្ស័យទាំង ០២នាក់ តាមបញ្ជារបស់លោកព្រះរាជអាជ្ញា ដើម្បីកសាងសំណុំរឿងបញ្ជូនទៅការិយាល័យចាត់ការបន្តតាមនីតិវិធី៕

អត្ថបទ៖ សោ និយមរ័ត្ន

សូមចុចអាន៖ ចោរឆក់កាបូបជនជាតិកូរ៉េពីរនាក់ត្រូវសមត្ថកិច្ចចាប់បាន