ព័ត៌មានជាតិ
និយោជកសង្ឃឹមថា រដ្ឋាភិបាល នឹងសម្របសម្រួលភាគីសហជីព និងនិយោជក រកតួលេខប្រាក់ឈ្នួលមួយសមរម្យសម្រាប់កម្មករ ឆ្នាំ ២០២៤
ឧកញ៉ា ណាង សុធី អនុប្រធានក្រុមប្រឹក្សាជាតិប្រាក់ឈ្នួលអប្បបរមាអាណត្តិទី ៣ តំណាងភាគី និយោជក បានមានប្រសាសន៍ថា និយោជក ជឿជាក់លើរាជរដ្ឋាភិបាលដែលមានបទពិសោធន៍ច្បាស់លាស់ និងភាពចាស់ទុំក្នុងការសម្របសម្រួលភាគីនិយោជក និងសហជីព ដើម្បីធ្វើយ៉ាងណាស្វែងរកតួលេខមួយសមរម្យសម្រាប់កម្មករឆ្នាំ ២០២៤ ខាងមុខ។
ថ្លែងប្រាប់អ្នកសារព័ត៌មានក្រោយកិច្ចប្រជុំក្រុមប្រឹក្សាជាតិប្រាក់ឈ្នួលអប្បបរមា នៅព្រឹកថ្ងៃទី ១១ ខែកញ្ញា ឧកញ៉ា ណាង សុធី បានបន្តថា «ជាជំហរ និយោជកបានដំឡើងបន្ថែមដល់ ២០១,៥០ ដុល្លារ ដើម្បីឲ្យឈានទៅឆាប់ត្រូវគ្នា ដោយសំណូមភាគីសហជីពរកតួលេខមួយដូចគ្នា។ ប៉ុន្តែភាគីសហជីពមិនទាន់ដាក់តួលេខថ្មី។ ក្នុងនោះ ដោយសារសហជីពនៅមិនទាន់មានការដាក់តួលេខថ្មី ឯកឧត្ដមរដ្ឋមន្ត្រី បានស្នើសុំរក្សាតួលេខចាស់ដដែល ដោយឲ្យភាគីទាំងពីរថយទៅពិភាក្សាគ្នារកតួលេខរួមសម្រាប់ដាក់នៅក្នុងកិច្ចប្រជុំនៅថ្ងៃទី ១៨ ខាងមុខ»។
ឧកញ៉ា ណាង សុធី បានបញ្ជាក់ថា «ខ្ញុំជឿជាក់លើរាជរដ្ឋាភិបាលដែលមានបទពិសោធន៍ច្បាស់លាស់ និងភាពចាស់ទុំក្នុងការសម្របសម្រួលទាំងសងខាង ដើម្បីធ្វើយ៉ាងណាស្វែងរកតួលេខមួយសមរម្យសម្រាប់កម្មករឆ្នាំ ២០២៤ ខាងមុខ»។
ឧកញ៉ា ណាង សុធី បានបន្តទៀតថា យោងលក្ខណៈវិនិច្ឆ័យទាំង ៧ ចំណុច ការពិតយើងមិនមានលទ្ធភាពដំឡើងជូនទេ។ ប៉ុន្តែក៏មិនបានបន្ថយដែរ គឺនៅរក្សាប្រាក់ឈ្នួល ២០០ ដុល្លារ ក្នុងឆ្នាំ ២០២៣ ជាគោល។ ប៉ុន្តែដោយ សម្ដេចធិបតី ហ៊ុន ម៉ាណែត តិច ឬ ច្រើន ត្រូវតែជួយ យើងបានឈានទៅដល់ការឯកភាពគ្នាដំឡើងទៅតាមតួលេខមួយដែលយើងអាចមានលទ្ធភាពបាន»។
លោក គឹម ចាន់សំណាង អនុប្រធានក្រុមប្រឹក្សាជាតិប្រាក់ឈ្នួលអប្បបរមាអាណត្តិទី ៣ តំណាងភាគីសហជីព បានមានប្រសាសន៍ថា «សម្រាប់កិច្ចប្រជុំថ្ងៃនេះ ភាគីសហជីព នៅមិនទាន់មានតួលេខថ្មីទេ គឺនៅរក្សា ២១៥ ដដែល។ ប៉ុន្តែយើងនឹងបន្តពិភាក្សាគ្នាជាបន្តទៀត ព្រោះថាយើងមានសមាជិកចំនួន ១៧ រូប នៅមានមតិយោបល់ខ្លះនៅមិនទាន់ចូលគ្នាជាធ្លុងមួយនៅឡើយ។ ដូចនេះយើងត្រូវរកចំណុចរួមគ្នាមួយសម្រាប់ដាក់នៅក្នុងប្រជុំលើកក្រោយ»។
យ៉ាងណាលោកសង្ឃឹមថា ប្រជុំលើកក្រោយ នឹងមានតួលេខថ្មី ហើយភាគីនិយោជក ក៏នឹងមានតួលេខថ្មីដែរ ដើម្បីឲ្យមានបម្រែបម្រួលទាំងអស់គ្នា។
លោក ហេង សួរ រដ្ឋមន្ត្រីក្រសួងការងារ និងបណ្ដុះបណ្ដាលវិជ្ជាជីវៈ បានមានប្រសាសន៍ថា កិច្ចប្រជុំព្រឹកមិញនេះ ភាគីទាំងអស់ បានឯកភាពគ្នា កំណត់ប្រជុំប្រាក់ឈ្នួលអប្បបរមាសម្រាប់កម្មករឆ្នាំ ២០២៤ លឿនជាងការកំណត់ ពោលនឹងខិតខំបញ្ចប់នៅថ្ងៃទី ២៨ ខែកញ្ញា ឆ្នាំ ២០២៣ ខាងមុខនេះ ដែលតាមគម្រោងបញ្ចប់នៅថ្ងៃទី ២ តុលា។
លោករដ្ឋមន្ត្រី បានបន្តទៀតថា ពេលចប់កិច្ចប្រជុំនៅថ្ងៃទី ១១ កញ្ញានេះ ភាគីនីមួយៗ នឹងជួបប្រជុំផ្ទៃក្នុងម្ដងទៀត ដើម្បីរកឲ្យបាននូវគោលជំហរផ្លូវការរបស់ខ្លួននៅថ្ងៃទី ១៨ កញ្ញា ហើយភាគីនីមួយៗ នឹងពិនិត្យសំណូមពរដាច់ដោយឡែករៀងៗខ្លួន ដើម្បីដាក់ជូនក្រុមប្រឹក្សាជាតិប្រាក់ឈ្នួលអប្បបរមាធ្វើការពិចារណា និងដោះស្រាយ។
លោករដ្ឋមន្ត្រី បន្តទៀតថា នៅក្នុងកិច្ចប្រជុំនោះដែរ ភាគីតំណាងនិយោជកនៅតែរក្សាតួលេខ ១ ដុល្លារ និងតំណាងសហជីពរក្សាតួលេខ ១៥ ដុល្លារដដែល ទៅលើប្រាក់ឈ្នួលកម្មករបច្ចុប្បន្ន ២០០ ដុល្លារ ក្នុងមួយខែ។
លោករដ្ឋមន្ត្រី បានបញ្ជាក់ថា មូលហេតុដែលភាគីនិយោជក និងភាគីសហជីព មានតួលេខខុសគ្នាឆ្ងាយនេះ ដោយសារភាគីនីមួយៗ ឈរលើលក្ខណៈវិនិច្ឆ័យទាំង ៧ ចំណុច រៀងៗខ្លួន ដោយភាគីសហជីពផ្តោតលើអតិផរណាធ្វើឲ្យកម្មករចំណាយច្រើន ចំណូលធ្លាក់ចុះ និងភាគីនិយោជកផ្តោតទៅលើភាពប្រកួតប្រជែង តម្រូវការមានការថយចុះ និងបញ្ហាប្រឈមនៅក្នុងវិស័យ។
លោករដ្ឋមន្ត្រី បានបញ្ជាក់បន្ថែមថា ភាគីរាជរដ្ឋាភិបាល នឹងខិតខំសម្របសម្រួលដើម្បីធ្វើយ៉ាងណាស្វែងរកតួលេខរួមគ្នាមួយសម្រាប់ប្រាក់ឈ្នួលឆ្នាំ ២០២៤។ ករណីភាគីទាំងពីរអស់លទ្ធភាពក្នុងការចរចា យើងនឹងធ្វើការបោះឆ្នោតសម្រេចតែម្ដង។ យ៉ាងណាក៏ដោយ លោករដ្ឋមន្ត្រីសង្ឃឹមថា នឹងមានវឌ្ឍនភាពនៅក្នុងកិច្ចប្រជុំខាងមុខនេះ។
គួរបញ្ជាក់ថា នេះជាកិច្ចប្រជុំលើទី ៤ ហើយ ខណៈកិច្ចប្រជុំលើកទី ៥ នឹងរៀបចំនៅថ្ងៃទី ១៨ កញ្ញា ហើយប្រជុំចុងក្រោយនៅថ្ងៃទី ២៨ កញ្ញា ខាងមុខ៕
អត្ថបទ ៖ សំអឿន
ពលករខ្មែរនៅអារ៉ាប៊ីសាអូឌីតសប្បាយចិត្ត និងអរគុណរាជរដ្ឋាភិបាលកម្ពុជាចំពោះការខ្នះខ្នែងជួយឲ្យពួកគាត់ត្រឡប់មកកម្ពុជាវិញ
ប្រធានក្រុមការងារគណបក្សប្រជាជនកម្ពុជាចុះមូលដ្ឋានខេត្តក្រចេះ ថ្លែងអំណរគុណអង្គបោះឆ្នោតដែលបានបោះឆ្នោតជូនគណបក្សប្រជាជនកម្ពុជាឈ្នះការបោះឆ្នោតព្រឹទ្ធសភា
ករណីរំលោភបូកក្មេងស្រីនៅខេត្តសៀមរាប គ្រួសារជនសង្ស័យស្នើតុលាការផ្ដល់យុត្តិធម៌ឱ្យបានសងខាង
នាយកវិទ្យាស្ថានពហុបច្ចេកទេសខេត្តកំពង់ស្ពឺ ៖ កម្មវិធីបណ្តុះបណ្តាលជំនាញវិជ្ជាជីវៈគឺជាស្ពានបន្តក្តីស្រមៃយុវជនក្នុងការវិលត្រលប់មកកាន់ការសិក្សា
កម្ពុជា និងប្រទេសក្នុងមហាអនុតំបន់ទន្លេមេគង្គរួមគ្នាពិនិត្យ វាយតម្លៃពីហានិភ័យនៃគ្រឿងញៀន នៅតំបន់ផលិតត្រីកោណមាស
គម្រោងសាងសង់ស្ពានតភ្ជាប់ពីខេត្តកំពង់ឆ្នាំង-កំពង់ធំ កំពុងរង់ចាំថវិកាពីចិន
រុស្ស៊ី ផ្ទុះការវាយលុកដំណាក់កាលថ្មីលើ អ៊ុយក្រែន ប្រើទាំងរថពាសដែក ទម្លាក់គ្រាប់បែក និងបាញ់កាំភ្លើងធំ
ទីបំផុត បក្សដែលស្នើបង្កើតដោយលោក ឯម សុខសុវណ្ណ ត្រូវបានក្រសួងមហាផ្ទៃ ចុះឈ្មោះជាផ្លូវការ
អ៊ុយក្រែន បើកការវាយប្រហារចូលដីរុស្ស៊ី ចំទិវាជ័យជម្នះ
គ្រឹះស្ថានធនាគាររួមចំណែកជាង ៣៤០ លានដុល្លារទិញប័ណ្ណបំណុល គម្រោងព្រលានយន្តហោះតេជោតាខ្មៅ
-
សេដ្ឋកិច្ច៦ ថ្ងៃ agoធនាគារ SinoPac ទិញយកគ្រឹះស្ថានមីក្រូហិរញ្ញវត្ថុអម្រឹតក្នុងទឹកប្រាក់ជាង៥០០លានដុល្លារ
-
ជីវិតកម្សាន្ដ៧ ថ្ងៃ agoក្រោយលែងលះ តារាហុងកុង Roger សល់ទ្រព្យ ១១ លានដុល្លារ ខណៈអតីតភរិយាចុះចេញតែខ្លួន
-
សេដ្ឋកិច្ច៣ ថ្ងៃ agoគម្រោងសាងសង់ស្ពានតភ្ជាប់ពីខេត្តកំពង់ឆ្នាំង-កំពង់ធំ កំពុងរង់ចាំថវិកាពីចិន
-
ជីវិតកម្សាន្ដ៧ ថ្ងៃ agoសារព័ត៌មានកូរ៉េលើកហេតុផល គ្មានអ្នកហ៊ានពហិការ ក្រោយ Lisa បង្ហាញស្នេហាជាមួយកូនសេដ្ឋី LV
-
ព័ត៌មានអន្ដរជាតិ៦ ថ្ងៃ agoវិមានសេដ្ឋីកាស៊ីណូ ហុងកុង ធ្លាប់រស់ជាមួយភរិយាទីមួយ ដាក់លក់តម្លៃ ៣៨៣លានដុល្លារ ក្នុងន័យចែកទ្រព្យ
-
ព័ត៌មានជាតិ៧ ថ្ងៃ agoស្រុកចំនួន ៣ ក្នុងខេត្តបាត់ដំបងមានប្រភពទឹកធម្មជាតិទាក់ទាញទេសចរច្រើនជាងគេ
-
ព័ត៌មានអន្ដរជាតិ២០ ម៉ោង agoរុស្ស៊ី ផ្ទុះការវាយលុកដំណាក់កាលថ្មីលើ អ៊ុយក្រែន ប្រើទាំងរថពាសដែក ទម្លាក់គ្រាប់បែក និងបាញ់កាំភ្លើងធំ
-
សន្តិសុខសង្គម៥ ថ្ងៃ agoព័ត៌មានបឋម៖ អគ្គិភ័យកំពុងឆេះស្ថានីយប្រេងឥន្ធនៈនៅខេត្តព្រះវិហារ(មានវីដេអូ)