ព័ត៌មានជាតិ
សម្តេច ហ៊ុន ម៉ាណែត សង្ឃឹមវិនិយោគិនអាមេរិក សិក្សាអំពីសក្តានុពលសេដ្ឋកិច្ច និងឱកាសវិនិយោគនៅកម្ពុជា
សម្តេច ហ៊ុន ម៉ាណែត នាយករដ្ឋមន្រ្តីកម្ពុជា បានអញ្ជើញអ្នកវិនិយោគិន និងធុរជនអាមេរិក មកសិក្សាស្វែងយល់ពីសក្តានុពលកម្ពុជា។ សម្តេច សង្ឃឹមថា វិនិយោគិនអាមេរិក នឹងឃើញពីកាលនុវត្តភាពក្នុងការវិនិយោគ និងសិក្សាបន្ថែមអំពីសក្តានុពលសេដ្ឋកិច្ច និងឱកាសវិនិយោគនៅកម្ពុជា។ ការលើកឡើងរបស់សម្តេច ហ៊ុន ម៉ាណែត បែបនេះ ធ្វើឡើងនៅក្នុងពិធីបើកវេទិកាធុរកិច្ចអាមេរិក-កម្ពុជា ទីក្រុងញូវយ៉ក សហរដ្ឋអាមេរិក នាថ្ងៃទី២២ កញ្ញា ២០២៣។
សម្តេច បានលើកឡើងថា ការវិនិយោគដោយផ្ទាល់ពីអាមេរិក នៅកម្ពុជា មានកម្រិតទាបនៅឡើយ បើទោះជាអាមេរិក គឺជាប្រភពវិនិយោគដ៏ធំមួយនៅក្នុងសកលលោក។ នៅកម្ពុជាទំហំវិនិយោគផ្ទាល់ពីអាមេរិក បានបន្តកើនពី ២២៥លានដុល្លារ នៅឆ្នាំ ២០១០ កើនឡើង ៨៩៣លានដុល្លារ នៅឆ្នាំ ២០២២។
បើតាមសម្តេច ហ៊ុន ម៉ាណែត រដ្ឋាភិបាលបន្តផ្តល់ការគាំទ្រយ៉ាងមុតមាំ ដល់កាលានុវត្តភាពសម្រាប់បង្កើត ប្រតិបត្តិការ និងការពង្រឹងធុរកិច្ច ព្រមទាំងដោះស្រាយបញ្ហាប្រឈម ទាំងចាស់ និងថ្មី ដើម្បីជំរុញសន្ទុះនៃការអភិវឌ្ឍ ឱ្យបានពេញលេញ និងក្លាយជាដៃគូគន្លឹះរបស់រដ្ឋាភិបាល ក្នុងលើកកម្ពស់អភិវឌ្ឍ សម្រាប់ប្រយោជន៍ទៅវិញទៅមក។
ទន្ទឹមនេះ សម្តេចនាយករដ្ឋមន្រ្តីបានរំលឹកថា នាពេលថ្មីៗនេះ សាជីវកម្មពហុជាតិអាមេរិកវិនិយោគនៅកម្ពុជា រួមមាន ក្រុមហ៊ុន Ford កូកាកូឡា និងក្រុមហ៊ុន General Electric ដែលបានឆ្លុះបញ្ចាំងពីកំណើននៃទំហំទីផ្សារកម្ពុជា និងប្រាក់ចំណូលរបស់ប្រជាន។
ជាមួយសុខសន្តិភាពពេញកម្ពុជា រក្សាបានភាពរឹងមាំ សណ្តាប់ធ្នាប់សង្គម សន្តិសុខ សុវត្ថិភាព និងស្ថិរភាពនយោបាយ ដូចអាមេរិកដែរ ដោយកម្ពុជា ជឿជាក់លើសេរីភាព និងបានចាក់ឬសក្នុងលទ្ធិប្រជាធិបតេយ្យ ដូចមានចែងក្នុងរដ្ឋធម្មនុញ្ញ។ រាជរដ្ឋាភិបាល កម្ពុជា មានការតាំងចិត្តខ្ពស់ ក្នុងការគោរពអនុវត្តតាមលទ្ធិប្រជាធិបតេយ្យសេរីពហុបក្ស និងសិទ្ធិមនុស្ស។ នេះជាការគូសបញ្ជាក់បន្ថែមរបស់សម្តេច ហ៊ុន ម៉ាណែត។
សម្តេច បានសង្កត់ធ្ងន់ថា ទោះបីជាមានភាពវឹកវរនៅក្នុងសេដ្ឋកិច្ចសកល កម្ពុជាបានខិតខំប្រឹងប្រែង និងសម្រេចបានកំណើនសេដ្ឋកិច្ច ក្នុងរង្វង់ ៥.៦ ក្នុងឆ្នាំ ២០២៣នេះ។ យើងមានឆន្ទៈ ដើម្បីក្លាយជាប្រទេសមានប្រាក់ចំណូលខ្ពស់នៅឆ្នាំ ២០៥០។ រដ្ឋាភិបាលបានដាក់ចេញយុទ្ធសាស្រ្តបញ្ចកោណ ដែលជារបៀបវារៈនៃការអភិវឌ្ឍសង្គម សេដ្ឋកិច្ច ក្នុងរយៈពេល ២៥ឆ្នាំខាងមុខ។ យុទ្ធសាស្រ្តនេះ កំណត់យកអាទិភាពគន្លឹះចំនួន ៥គឺ មនុស្ស ផ្លូវ ទឹក និងបច្ចេកវិទ្យា ដើម្បីឆ្លើយតបទៅនឹងបដិវត្តន៍ឧស្សាហកម្ម៤.០ និងការរីកចម្រើនលើផ្នែកឌីជីថលសម្រាប់ការអភិវឌ្ឍសេដ្ឋកិច្ច សង្គម។ យុទ្ធសាស្រ្តនេះ បានផ្តោតសំខាន់លើការអភិវឌ្ឍមូលធនមនុស្ស និងបច្ចេកវិទ្យាឌីជីថល។
សម្តេច បានគូសបញ្ជាក់ទៀតថា គោលដៅចម្បងនៃយុទ្ធសាស្រ្តនេះ គឺមានពីរផ្នែក គឺមួយផ្នែកដើម្បីរក្សាចលនការនៃសុខសន្តិភាព កំណើនសេដ្ឋកិច្ច និងការអភិវឌ្ឍរួម ដើម្បីកសាង និងពង្រឹងមូលដ្ឋានគ្រឹះ សម្រាប់ជំរុញសម្ទុះនៃការអភិវឌ្ឍប្រទេសជាតិ៕
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២១ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង