ព័ត៌មានជាតិ

អាជ្ញាធរខេត្តកំពត រៀបចំសោភ័ណភាពទីធ្លាសាធារណៈក្នុងក្រុងកំពតរួចរាល់ ត្រៀមអបអរបុណ្យអុំទូក ២ ថ្ងៃ

បានផុស

៣ years មុន

នៅ

ថ្ងៃចន្ទ ១៦ តុលា ២០២៣

ដោយ

នាថ្ងៃទី ១៦ ខែតុលា ឆ្នាំ ២០២៣ នេះ អាជ្ញាធរខេត្តកំពត បានរៀបចំម៉ាញឹកតុបតែងលម្អសោភ័ណភាពតាមទីធ្លាសាធារណៈក្នុងក្រុងកំពតរួចជាស្រេច ជាពិសេសតាមរមណីយដ្ឋានភូមិសាស្ត្រខេត្តកំពត ដើម្បីត្រៀមចូលរួមអបអរសាទរ ព្រះរាជពិធីបុណ្យអុំទូក អកអំបុកសំពះព្រះខែ និងបណ្តែតប្រទីប រយៈពេល ២ ថ្ងៃ ចាប់ពីថ្ងៃទី ១០ រហូតដល់ថ្ងៃទី ១១ ខែវិច្ឆិកា ឆ្នាំ ២០២៣ ខាងមុខនេះ នៅព្រែកកំពង់បាយ ទៅដល់ឆ្នេរកោះស្មៅ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមសេចក្ដីជូនដំណឹងរបស់លោកនាយករដ្ឋបាលខេត្តកំពត បានឲ្យដឹងថា ចំពោះការរៀបចំការប្រណាំងទូកប្រពៃណីរយៈពេល ២ ថ្ងៃ ចាប់ពីថ្ងៃទី ១០ រហូតដល់ថ្ងៃទី ១១ ខែវិច្ឆិកា ឆ្នាំ ២០២៣ ខាងមុខនេះ នៅតាមបណ្ដោយព្រែកកំពង់បាយ(ដល់ឆ្នេរកោះស្មៅ) ដើម្បីចូលរួមអបអរសាទរព្រះរាជពិធីបុណ្យអុំទូក អកអំបុកសំពះព្រះខែ និងបណ្ដែតប្រទីប ឆ្នាំ ២០២៣ នេះ រដ្ឋបាលខេត្ត បានឲ្យក្រុមការងាររៀបចំម៉ាញឹកតុបតែងកែលម្អអំពូលភ្លើងតាមទីធ្លាសាធារណៈក្នុងក្រុងកំពត និងតាមរមណីយដ្ឋានឲ្យមានសោភ័ណភាពបានសម្រេចរួចរាល់នៅមុនថ្ងៃបុណ្យអុំទូកខាងមុខនេះ។

ជាមួយគ្នានេះ អាជ្ញាធរខេត្តកំពត ក៏បានអំពាវនាវដល់ប្រជាពលរដ្ឋ និងភ្ញៀវទេសចរជាតិ និងភ្ញៀវទេសចរអន្តរជាតិ មកពីគ្រប់មជ្ឈដ្ឋាននានា អាចមកចូលរួមលេងកម្សាន្តអបអរសាទរពិធីបុណ្យអុំទូកនៅព្រែកកំពង់បាយ ដល់ឆ្នេរកោះស្មៅ ស្ថិតក្នុងភូមិជុំគ្រៀល ឃុំជុំគ្រៀល ស្រុកទឹកឈូ ខេត្តកំពត ដែលធ្វើឡើងរយៈពេល ២ ថ្ងៃ ចាប់ពីថ្ងៃទី ១០ រហូតដល់ថ្ងៃទី ១១ ខែវិច្ឆិកា ឆ្នាំ ២០២៣ ខាងមុខនេះ។

បើតាមសេចក្ដីជូនដំណឹងពីអាជ្ញាធរ សម្រាប់ខេត្តកំពត នឹងមានកម្មវិធីអបអរសាទរព្រះរាជពិធីបុណ្យអុំទូក អកអំបុក និងសំពះព្រះខែ និងបណ្ដែតប្រទីប តាមបែបប្រពៃណីសាសនា កម្មវិធីកម្សាន្តសប្បាយៗ ជាច្រើន។ ហើយនៅក្នុងពិធីនេះមានការសម្ដែងសិល្បៈបុរាណផ្សេងៗ ដូចជា ការប្រគំតន្ត្រីនៅក្នុងពិធីបុណ្យអុំទូកនេះជាវប្បធម៌ខ្មែររយៈពេល ២ ថ្ងៃ ក្នុងពិធីបុណ្យអុំទូកជាប្រពៃណីជាតិខ្មែរ ចាប់ពីថ្ងៃទី ១០ រហូតដល់ថ្ងៃទី ១១ ខែវិច្ឆិកា ឆ្នាំ ២០២៣ ខាងមុខនេះ៕

អត្ថបទ ៖ សឹង រ៉ាត់