ព័ត៌មានជាតិ
សង្ឃឹមថា ( RCEP ) នឹងជំរុញល្បឿនសេដ្ឋកិច្ចពាណិជ្ជកម្ម និងការវិនិយោគដ៏ទូលំទូលាយក្នុងតំបន់ឆាប់ៗនេះ
លោកកិត្តិសេដ្ឋាបណ្ឌិតទេសរដ្ឋមន្ត្រី ចម ប្រសិទ្ធ បានថ្លែងដោយសង្ឃឹម ទុកជាមុននូវជោគជ័យ នៃកិច្ចប្រជុំនាសប្តាហ៍ក្រោយនេះ ជាមួយក្រសួងពាណិជ្ជកម្ម និងស្ថាប័នពាក់ព័ន្ធ ស្តី ពី តំបន់ពាណិជ្ជកម្មសេរី និងកម្មវិធីដៃគូសេដ្ឋកិច្ចទូលំទូលាយក្នុងតំបន់ ( RCEP ) ដែលជាកិច្ចព្រមព្រៀងសម្រាប់ជំរុញល្បឿនសេដ្ឋកិច្ចពាណិជ្ជកម្ម និងការវិនិយោគដ៏ទូលំទូលាយក្នុងតំបន់។
លោកកិត្តិសេដ្ឋាបណ្ឌិតទេសរដ្ឋមន្ត្រី ចម ប្រសិទ្ធ ថ្លែងបែបនេះ ក្នុងឱកាសឲ្យលោក Tassilo Brinzer ប្រធានសភាពាណិជ្ជកម្មសហគមន៍អឺរ៉ុបទើបតែងតាំងថ្មីប្រចាំកម្ពុជា ចូលជួបសំណេះសំណាលនិងសម្តែងការគួរសមនៅ ទីស្តីការក្រសួងនាល្ងាចម្សិលមិញ។
ក្នុងជំនួបរវាងលោកកិត្តិសេដ្ឋាបណ្ឌិត ទេសរដ្ឋមន្ត្រី ចម ប្រសិទ្ធ និងប្រធានសភាពាណិជ្ជកម្មសហគមន៍អឺរ៉ុបថ្មីប្រចាំកម្ពុជា លោក Tassilo Brinzer ទើបតែងតាំងថ្មី គឺដៃគូសន្ទនា បានលើកឡើងពីទំនាក់ទំនងកិច្ចសហប្រតិបត្តិការដ៏ល្អប្រសើរនៃភាគីទាំងពីរទាំងលើវិស័យសេដ្ឋកិច្ច និងវិស័យ អភិវឌ្ឍន៍នានា ក៏ដូចជាគម្រោងការផ្សេងៗ ដែលភាគីទាំងពីរ កំពុងរួមគ្នាអនុវត្ត និងលទ្ធផលអនុវត្តកន្លងមក។ គម្រោងនោះរួមមានដូចជា៖ ការអភិវឌ្ឍ វិស័យបច្ចេកវិទ្យា ការអភិវឌ្ឍ និងជំរុញសហគ្រាសធុនតូច និងមធ្យមបច្ចេកវិទ្យាបៃតង បញ្ហាការប្រែប្រួល អាកាសធាតុ និងការបណ្តុះបណ្តាលធនធានមនុស្សជាដើម។
ដោយឡែក ក្នុងជំនួបនោះដែរ ភាគីទាំងពីរបានផ្តោតការយកចិត្តទុកដាក់មួយចំនួនរួមមាន៖ការងារអាទិភាពដែលសភាសហគមន៍អឺរ៉ុប និងក្រសួង ត្រូវអនុវត្តរួមគ្នា-សេចក្ដីព្រាងច្បាប់ ស្តីពី ការវិនិយោគ -ការដោះស្រាយភាពជាន់ភារកិច្ចគ្នារវាងការចុះបញ្ជីផលិតផលរបស់វិទ្យាស្ថានស្តង់ដាកម្ពុជា និងក្រសួងសុខាភិបាល បច្ចេកវិទ្យា បៃតង និងការគាំទ្រសហគ្រាសធុនតូច និងមធ្យមពីបច្ចុប្បន្ន និងអនាគត សហប្រតិបត្តិការលើវិស័យកម្មសិទ្ធិបញ្ញា ផ្នែកប្រកាសនីយបត្រតក្កកម្ម វិស័យស្តង់ដា និងវិស័យ វិទ្យាសាស្ត្រ បច្ចេកវិទ្យា និងនវានុវត្តជាដើម។ល។
ជាចុងបញ្ជាប់នៃកិច្ចពិភាក្សា លោកកិត្តិសេដ្ឋាបណ្ឌិតទេសរដ្ឋមន្ត្រី ចម ប្រសិទ្ធ និងគណៈប្រតិភូ សភាពាណិជ្ជកម្ម សហគមន៍អឺរ៉ុប ដឹកនាំដោយលោក Tassilo Brinzer បានបង្ហាញនូវការប្តេជ្ញាចិត្ត ក្នុងការពង្រឹងកិច្ចសហប្រតិបត្តិការឲ្យយមានល្បឿនសន្ទុះទៅមុខ និងជោគជ័យនូវបញ្ហាដែលបានលើកឡើងខាងលើជាពិសេស គឺការអភិវឌ្ឍ និងជម្រុលវិស័យ SME , វិស័យបច្ចេកវិទ្យា វិទ្យាសាស្ត្រ និងឧស្សាហកម្មបៃតង ជាដើម។ ក្នុងនោះលោកកិត្តិសេដ្ឋាបណ្ឌិតទេសរដ្ឋមន្ត្រី ចម ប្រសិទ្ធ ក៏បានគាំទ្រ និងសង្ឃឹមទុកជាមុននូវជោគជ័យ នៃកិច្ចប្រជុំនាសប្តាហ៍ក្រោយ ជាមួយក្រសួងពាណិជ្ជកម្ម និងស្ថាប័នពាក់ព័ន្ធ ស្តីពី តំបន់ពាណិជ្ជកម្មសេរី និងកម្មវិធីដៃគូសេដ្ឋកិច្ចទូលំទូលាយក្នុងតំបន់ ( RCEP ) ដែលជាកិច្ចព្រមព្រៀងសម្រាប់ជំរុញល្បឿនសេដ្ឋកិច្ចពាណិជ្ជកម្ម និងការវិនិយោគដ៏ទូលំទូលាយក្នុងតំបន់៕
អត្ថបទ៖ វិមាន
-
ព័ត៌មានជាតិ១ សប្តាហ៍ agoពិធី “រៀបមង្គលការលេង” មួយគូ នៅវត្តបឹងត្រាវ ប្រមូលថវិកាសាងសង់វត្ត អបអរបុណ្យចូលឆ្នាំខ្មែរ
-
ព័ត៌មានជាតិ៦ ថ្ងៃ ago៦ថ្ងៃក្នុងព្រឹត្តិការណ៍ «នគរសង្ក្រាន្ត» មន្ទីរសុខាភិបាលរាជធានីភ្នំពេញ បានពិនិត្យ និងព្យាបាលជូនពលរដ្ឋជាង២ពាន់នាក់
-
ព័ត៌មានអន្ដរជាតិ២ ថ្ងៃ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
ព័ត៌មានអន្ដរជាតិ៤ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានជាតិ១ សប្តាហ៍ agoកម្ពុជារឹតបន្តឹង និងទប់ស្កាត់សំណល់អេឡិចត្រូនិក ខណៈអាស៊ីអាគ្នេយ៍កំពុងក្លាយជាគោលដៅថ្មី
-
ព័ត៌មានអន្ដរជាតិ៣ ថ្ងៃ agoវិមានក្រឹមឡាំង៖ ពូទីន ត្រៀមជួបហ្សេលេនស្គី ទាល់តែមានការចុះហត្ថលេខាលើកិច្ចព្រមព្រៀងសន្តិភាព
-
ព័ត៌មានជាតិ៧ ថ្ងៃ agoបដិសេធមិនឱ្យ សម រង្ស៊ី ចូលរួមការជួបជុំសមាគមខ្មែរនៅប៉ារីស គឺដើម្បីបញ្ចៀសការភ្ជាប់ជាមួយបុគ្គលនេះកំពុងជាប់ទោស
-
សន្តិសុខសង្គម២ ថ្ងៃ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ