ក្រុមហ៊ុនស្ថាបនាផ្លូវជាតិលេខ៣៣ កំពុងដំណើរការស្ថាបនាប្រព័ន្ធលូដើម្បីបញ្ជៀសការជន់លិចនៅចំណុចផ្សារ​កំពង់ត្រាច

ក្រុមហ៊ុនស្ថាបនាផ្លូវជាតិលេខ៣៣ នៅថ្ងៃទី៣០ ខែតុលា ឆ្នាំ២០២៣នេះ បាននិងកំពុងដំណើរការស្ថាបនាប្រព័ន្ធលូ និងរៀបចំខឿនដើម្បីបញ្ជៀសការជន់លិចដោយជំនន់ទឹកភ្លៀងនៅចំណុចផ្សារ​កំពង់ត្រាច ក្នុងភូមិកំពង់ត្រាចទី១ ឃុំកំពង់ត្រាចខាងកើត ស្រុកកំពង់ត្រាចខេត្តកំពត។

ជាមួយនឹងការស្ថាបនានេះ ប្រជាពលរដ្ឋមួយចំនួនក៏បានស្នើឲ្យក្រុមហ៊ុន ទុកផ្លូវសម្រាប់ដាក់បំពង់បង្ហូរទឹកចូលទៅក្នុងប្រព័ន្ធលូនោះផង ដើម្បីងាយស្រួលពួកគាត់ដាក់បំពង់បង្ហូរទឹកចូល ចៀសវាងការបង្ហូរទឹកមកលើដងផ្លូវដែលធ្វើឲ្យប៉ះពាល់ដល់ការធ្វើដំណើររបស់អ្នកដំណើរ។

សូមបញ្ជាក់ថា ពាក់ព័ន្ធការដាក់​ប្រព័ន្ធលូបង្ហូរទឹកកខ្វក់ និងលូរំដោះទឹកភ្លៀងនៃគម្រោងក្រុមហ៊ុនបានកែលម្អបរិស្ថានដាក់ប្រព័ន្ធលូតាមបណ្ដោយផ្លូវជាតិលេខ ៣៣ នេះ ក្រុមហ៊ុនបាននិងកំពុងអនុវត្តគម្រោងធ្វើការជួសជុលផ្លូវជាតិលេខ ៣១ និងតភ្ជាប់ផ្លូវជាតិលេខ ៣៣ ដល់ទីរួមខេត្តកំពតនេះឡើងវិញ៕

អត្ថបទ៖ សឹង រ៉ាត់