Connect with us

ព័ត៌មានជាតិ

ក្រសួងចេញផែនការអាទិភាព ២ ពង្រឹងសេវាដឹកជញ្ជូនឱ្យកាន់តែមានប្រសិទ្ធភាពខ្ពស់

បានផុស

នៅ

ក្រសួងសាធារណការ និងដឹកជញ្ជូន បានដាក់ចេញផែនការអាទិភាពចំនួនពីរដើម្បីពង្រឹងសេវាដឹកជញ្ជូនឱ្យកាន់តែមានគុណភាព និងប្រសិទ្ធភាពខ្ពស់សំដៅចូលរួមដល់កំណើនសេដ្ឋកិច្ចជាតិ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ថ្លៃងក្នុងពិធីសំណេះសំណាលជាមួយថ្នាក់ដឹកនាំ មន្ត្រីរាជការ នៃមន្ទីរសាធារណការ និងដឹកជញ្ជូន ខេត្តព្រះសីហនុកាលពី រសៀលថ្ងៃទី៣ វិច្ឆិកា លោក ប៉េង ពោធិ៍នា រដ្ឋមន្ត្រីក្រសួងសាធារណការ និងដឹកជញ្ជូន បានបញ្ជាក់ថា ក្នុងអាណត្តិទី៧នេះ ក្រសួងបានដាក់ចេញនូវផែនការសកម្មភាពពីរ ទី១. ការលើកកម្ពស់សេវាដឹកជញ្ជូនឱ្យកាន់តែមានគុណភាព ប្រសិទ្ធភាព លឿន ឆាប់រហ័ស និងស្អាតស្អំ និងទី២. ការលើកកម្ពស់ការតភ្ជាប់ការដឹកជញ្ជូនពហុមធ្យោបាយ ភស្តុភារកម្ម និងការអភិវឌ្ឍន៍ហេដ្ឋារចនាសម្ព័ន្ធផ្លូវថ្នល់ ស្ពាន ផ្លូវដែក ផ្លូវទឹក។

លោករដ្ឋមន្ត្រីបានបន្តថា ដើម្បីឱ្យអាទិភាពទាំងពីរនេះសម្រេចទៅបាន យើងមានយន្តការចំនួន៤ ផ្សេងទៀតក្នុងនោះ ១. ការពង្រឹងប្រសិទ្ធ ភាពអភិបាលកិច្ចផ្ទៃក្នុងរបស់ក្រសួង និងការអភិវឌ្ឍន៍ធនធានមនុស្ស ២. ប្រព្រឹត្តកម្មធនធានថវិកា ពង្រីងកាគ្រប់គ្រង និងប្រសិទ្ធភាពប្រើប្រាស់ថវិកា ស្វែងរកដៃគូអភិវឌ្ឍន៍ ដៃគូរវិនិយោគសាធារណ ព្រមទាំងពង្រឹងថវិកាកម្មវិធី និងគម្រោងវិនិយោគសាធារណៈ ការកែទម្រង់ប្រព័ន្ធគ្រប់គ្រងហិរញ្ញវត្ថុសាធារណរបស់ក្រសួងសាធារណការ ៣. ពង្រឹងការងារនីតិកម្ម និងការកសាងបទដ្ឋានបច្ចេកទេសជំរុញរៀបចំគោលនយោបាយច្បាប់ បទបញ្ញាត្តិបទដ្ឋានបច្ចេកទេស ដើម្បីពង្រឹងភាពច្បាស់លាស់ ទិដ្ឋភាពច្បាប់ និងការងារបច្ចេកទេសក្នុងវិស័យសាធារណការ និងដឹកជញ្ជូន និង ៤. ពង្រឹងការប្រើប្រាស់បច្ចេកវិទ្យាទំនើប (ឌីជីថល) ក្នុងការគ្រប់គ្រងស្ថាប័ន និងការផ្ដល់សេវាសាធារណៈ។ 

ក្នុងឱកាសនោះ លោក រដ្ឋមន្ត្រី បានធ្វើការផ្តាំផ្ញើដល់មន្ត្រីត្រូវពង្រឹងវិន័យការងារ តាមម៉ោងការងារ ការគោរពច្បាប់ បទបញ្ជា ចៀសវាងកាប៉ះពាល់ប្រសិទ្ធ ភាពការងារ និងតម្លៃរបស់អង្គភាព។ ត្រូវបន្តរក្សាប្រពៃណីសាមគ្គីភាព និងកិច្ចសហប្រតិបត្តិការផ្ទៃក្នុង ចេះរួមសុខរួមទុក្ខកសាងឱ្យបាននូវភាពសុខុដុមរមនាជួយគ្នាទៅវិញទៅមកទាំងស្មារតី សម្ភារ និងសេចក្តីត្រូវការក្នុងជីវភាពដោយឈរលើគោលការណ៍សមធម៌ និងតម្លាភាព។ ត្រូវរៀនសូត្រពីការងារ និងសិក្សាស្វែងយល់បន្ថែម ពិសេសគឺបច្ចេកវិទ្យាឌីជីថល ដើម្បីយើងអាចធ្វើការងារបានលឿនឆាប់រហ័ស។

ចំណែកប្រធានមន្ទីរ ត្រូវគិតគូរចាត់ចែងមន្ត្រីឱ្យទទួលការបណ្តុះបណ្តាលសិក្ខាសាលា ដើម្បីយកចំណេះដឹងទាំងនោះមកបន្ថែមល្បឿនការងារ។ ត្រូវផ្ដល់ការលើកសរសើរ លើកទឹកចិត្តដល់បុគ្គលិក មន្ត្រីរាជការដែលបានខិតខំប្រឹងប្រែងបំពេញការងារប្រកប ដោយប្រសិទ្ធភាព និងប្រសិទ្ធផល ត្រូវខិតខំកសាងហេដ្ឋារចនាសម្ព័ន្ធក្នុងខេត្តប្រកបដោយគុណភាពតាមស្តង់ដារបច្ចេកទេសឱ្យមានប្រសិទ្ធភាព និងការទទួលខុសត្រូវខ្ពស់ស្របតាមផែនការយុទ្ធសាស្រ្ត និងការណែនាំរបស់ថ្នាក់ដឹកនាំ។ ត្រូវរិះរក ឬផ្លាស់ប្តូរវិធីតាមដានត្រួតពិនិត្យ ការកសាងជួសជុល និងថែទាំផ្លូវថ្នល់តាមរបៀបដែលមានប្រសិទ្ធភាពជាងមុន ដើម្បីធានានូវគុណភាពផ្លូវ។ ត្រូវខិតខំបង្កើនកិច្ចសហប្រតិបត្តិការជាមួយដៃគូអភិវឌ្ឍន៍ អាជ្ញាធរដែនដី និងមន្ទីរជំនាញនានាជុំវិញខេត្ត និងខេត្តជិតខាង សំដៅបង្កើនការចូលរួមចំណែកក្នុងការទទួលខុសត្រូវ គ្រប់គ្រង កសាង ស្តារ និងអភិវឌ្ឍលើវិស័យហេដ្ឋារចនាសម្ព័ន្ធដឹកជញ្ជូនក្នុងខេត្តព្រះសីហនុ ឱ្យមានការអភិវឌ្ឍរីកចម្រើនប្រកបដោយប្រសិទ្ធភាព ប្រសិទ្ធផល និងគណនេយ្យភាព។

ជាមួយគ្នានេះដែរ លោករដ្ឋមន្ត្រីបានជំរុញការផ្សព្វផ្សាយអំពីច្បាប់ចរាចរណ៍ផ្លូវគោក និងការចូលរួមទប់ស្កាត់គ្រោះថ្នាក់ចរាចរណ៍នៅក្នុងខេត្ត តាមរយៈការកៀរគរផ្សេងៗ ដូចជា៖ ការចែកមួកសុវត្ថិភាព និងការចែកស្ទីកហ័រ ចំណាំងផ្លាត ព្រមទាំងរៀបចំការដាក់ផ្លាកសញ្ញា ឬគំនូសសញ្ញាចរាចរណ៍ ឬ Ramble Street តាមដងផ្លូវ ឬតាមតំបន់គ្រោះថ្នាក់ ឬជើងកបឱ្យបានត្រឹមត្រូវ។ ត្រូវខិតខំផ្តល់សេវាសាធារណៈឱ្យមានតម្លាភាព ប្រសិទ្ធភាព និងទាន់ពេលវេលា ចៀសវាងប៉ះពាល់ដល់ផលប្រយោជន៍ប្រជាពលរដ្ឋ ត្រូវប្រកាន់ភ្ជាប់នូវវប្បធម៌សេវាសាធារណៈ និងទិសស្លោក “មន្ត្រីរាជការជាអ្នកបម្រើរាស្ត្រ មិនមែនជាចៅហ្វាយរាស្ត្រ” នោះទេ៕

អត្ថបទ៖ សំអឿន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ៥ ម៉ោង មុន

តើវិបត្តិនៅសមុទ្រក្រហម បង្កឱ្យមានផលប៉ះពាល់អ្វីខ្លះដល់សហភាពអ៊ឺរ៉ុប?

ព័ត៌មានជាតិ៧ ម៉ោង មុន

លោក ហេង សួរ ដឹកនាំ​កិច្ចប្រជុំ​អន្តរក្រសួង​ស្តីពី​វិធាន​ការរួម​ដើម្បី​ទប់ស្កាត់​អគ្គិភ័យ​ក្នុង​វិស័យ​កម្ម​មន្ត​សាល និង​ឧស្សាហកម្ម​ទេសចរណ៍

ចរាចរណ៍៧ ម៉ោង មុន

ឆ្នាំ២០២៣ ខេត្តកំពង់ចាម មានអ្នកស្លាប់ព្រោះគ្រោះថ្នាក់ចរាចរណ៍ជាង១រយនាក់ និងរបួសជាង២រយនាក់

ព័ត៌មានអន្ដរជាតិ៩ ម៉ោង មុន

ជប៉ុន កាត់ទោសប្រហារជីវិតបុរសម្នាក់ ក្នុងករណីដុតស្ទូឌីយូគំនូរជីវចល KyoAni សម្លាប់មនុស្សជាង ៣០នាក់

ព័ត៌មានអន្ដរជាតិ១០ ម៉ោង មុន

សិង្ហបុរី និងចិន ចុះហេត្ថលេខាព្រមព្រៀង ទៅលើការចូលប្រទេសគ្នាទៅវិញទៅមក ដោយមិនមានទិដ្ឋាការរយៈពេល ៣០ ថ្ងៃ

ព័ត៌មានអន្ដរជាតិ៦ ថ្ងៃ មុន

ក្មេងស្រីហ្វីលីពីន-កូរ៉េ ដែលត្រូវសេដ្ឋីឌូបៃយកទៅចិញ្ចឹម ពេលនេះមានស្ថានភាពបែបណាហើយ?

ជីវិតកម្សាន្ដ៤ ថ្ងៃ មុន

លេចមុខតួឯកប្រុសក្នុងរឿង “កងដៃចាំស្នេហ៍” ស្នាងភ្នួស​ សុំឲ្យគ្រប់គ្នាអហោសិកម្ម

ចរាចរណ៍៥ ថ្ងៃ មុន

ករណី​បុករះ​ស្លាប់​៤នាក់​នៅ​ស្ពាន​អាកាស​ឫស្សី​កែវ​ មាន​ម្នាក់​ជា​និស្សិត​ពូកែ​ជំនាញ​ស្ថាបត្យកម្ម និង​នគរូបនីយវិទ្យា

ព័ត៌មានអន្ដរជាតិ៣ ថ្ងៃ មុន

យន្តហោះក្រុមហ៊ុនអាកាសចរណ៍ Jetstar មួយគ្រឿង បុកគ្នាជាមួយរថយន្តសន្តិសុខអាកាសយាដ្ឋាន

ព័ត៌មានជាតិ៦ ថ្ងៃ មុន

គម្រោង​ទឹកស្អាត​ធំបំផុត​ចាយ​ទុនជាង ១០០ លាន​​ដុល្លារ​នៅ​បាក់ខែង ​គ្រោង​​ចាប់ផ្តើម​សាងសង់​

Sokha Hotels

ព័ត៌មានពេញនិយម