ព័ត៌មានជាតិ
USAID កំពុងយកចិត្តទុកដាក់ខ្លាំងលើការបញ្ឈប់ការចោលសំរាមមិនត្រឹមត្រូវនៅកម្ពុជា
គម្រោងអនាគតបៃតងកម្ពុជា USAID កំពុងយកចិត្តទុកដាក់ខ្លាំងលើការបញ្ឈប់ការចោលសំរាមផ្តេសផ្តាស មិនត្រឹមត្រូវនៅក្នុងប្រទេសកម្ពុជា។ កាលពីសប្តាហ៍មុន USAID បានឧបត្ថម្ភដល់ការធ្វើសិក្ខាសាលស្តីពីបញ្ឈប់ការចោលសំរាមមិនត្រឹមត្រូវនេះ ដើម្បីពង្រឹងឱ្យមានការទុកដាក់សំរាម និងចោលសំរាមឱ្យបានត្រឹមត្រូវ។
គោលបំណងក្នុងការរៀបចំសិក្ខាសាលានេះដើម្បី ធ្វើបច្ចុប្បន្នទៅលើសកម្មភាព និងឧបករណ៍ទំនាក់ទំនងផ្លាស់ប្តូរឥរិយាបថសង្គម SBCC Toolkit នៃយុទ្ធនាការ បញ្ឈប់ការចោលសំរាមមិនត្រឹមត្រូវ។ ផ្សព្វផ្សាយពីឧបករណ៍ SBCC Toolkit នៃយុទ្ធនាការដល់ភាគីពាក់ព័ន្ធ។ ផ្តល់បទបង្ហាញពីគោលនិយោបាយសង្ខេបស្តីពី បញ្ឈប់ការចោលសំរាមមិនត្រឹមត្រូវជាដើម។
លោក អ៊ុក ស៊ីសុវណ្ណ ប្រធានគម្រោងអនាគតបៃតងកម្ពុជា USAID បានលើកឡើងថា គម្រោងអនាគតបៃតងកម្ពុជា USAID គឺជាគម្រោងក្រោមការឧបត្ថម្ភរបស់ USAID រយៈពេល៥ឆ្នាំ ហើយឆ្នាំនេះគឺជាដើមឆ្នាំទី៥នៃគម្រោង។ កន្លងមកគម្រោងមានប្រធានបទចំនួន៣ គឺបញ្ឈប់ការកាប់បំផ្លាញព្រៃឈើយកទៅធ្វើគ្រឿងសង្ហារិម បញ្ឈប់ការបរិភោគសត្វព្រៃ និងចុងក្រោយ គឺបញ្ឈប់ការបោះចោលសំរាមមិនត្រឹមត្រូវនេះ។
ប្រធានគម្រោង លោក អ៊ុក ស៊ីសុវណ្ណ បាននិយាយថា៖ “ថ្ងៃនេះ យើងបូកសរុបមកវិញ បន្ទាប់ពីយើងបង្កើត Tookits បានន័យថាសម្ភារៈផ្សព្វផ្សាយផ្សេងៗ យើងធ្វើយុទ្ធនាការ ហើយយកមកផ្សព្វផ្សាយដើម្បីឱ្យអស់លោកអ្នកស្រី និងក្មួយៗ ទទួលបាននូវបទពិសោធចំណេះដឹង ហើយនឹងយកទៅប្រើប្រាស់បន្ត”។
លោកបន្ថែមថា បញ្ហាសំរាមគឺជាបញ្ហាមួយដែលគួរឱ្យព្រួយបារម្ភ កាលណាបង្កើតឧបករណ៍ហើយ ត្រូវធ្វើការផ្សព្វផ្សាយឱ្យទូលំទូលាយ ក្នុងការបោះចោលសំរាមឱ្យបានត្រឹមត្រូវ។ ប្រជាជនគ្រប់រូបមានចំណែកគ្រប់គ្រងសំរាមរបស់ខ្លួនដោយខ្លួនេង មិនមែនជាបន្ទុករបស់នរណាម្នាក់ទេ។
ក្រៅពីធ្វើសិក្ខាសាលាដើម្បីផ្សព្វផ្សាយពីការចោលសំរាមហើយ គម្រោងអនាគតបៃតងកម្ពុជា USIAD ក៏នឹងបង្ហាញពីសមទ្ធិផលរបស់គម្រោងដែលបានធ្វើកន្លែងមកផងដែរ។ សូមជម្រាបថា SBCC Toolkits គឺជាឧបករណ៍ផ្សព្វផ្សាយសម្រាប់យុទ្ធនាការណ៍នេះ ដែលជាការណែនាំពីការណែនាំទុកដាក់សំរាមឱ្យបានត្រឹមត្រូវ មានទាំង Software and Hardware។ ទន្ទឹមនេះ SBCC Toolkits មិនត្រឹមតែមានសម្រាប់តែប្រធានបទ បញ្ឈប់ការចោលសំរាមមិនត្រឹមត្រូវនោះទេ ប្រធានបទ២ផ្សេងទៀត ដូចជាការកាប់ព្រៃឈើ និងបញ្ឈប់ការបរិភោគសត្វព្រៃក៏មានផងដែរ៕
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង