Connect with us

ព័ត៌មានជាតិ

ព្រះរាជពិធីបុណ្យអុំទូក៖ មានទូកងចូលប្រណាំង៣៣៨ទូក និងមានបណ្ដែតប្រទីបចំនួន៣០

បានផុស

នៅ

ព្រះរាជពិធីបុណ្យអុំទូក សំពះព្រះខែ និងអកអំបុកដែលប្រពឹត្តទៅចាប់ពីថ្ងៃទី២៦ ដល់ថ្ងៃទី២៨ ខែវិច្ឆិកា នឹងប្រារព្ធឡើងក្នុងទ្រង់ទ្រាយធំ ដោយមានទូកងចូលរួមប្រណាំងចំនួន៣៣៨ទូក និងប្រទីបធំៗចំនួន៣០។ នេះបើតាមសំណេរនៅលើគណនីហ្វេសប៊ុករបស់ អនុប្រធានក្រុមការងាររៀបចំប្រទីបក្រសួងការបរទេសសម្រាប់អបអរព្រះរាជពិធីបុណ្យអុំទូក លោក ឃី សុុវណ្ណរតនា នៅព្រឹកថ្ងៃទី១៣ ខែវិច្ឆិកា ឆ្នាំ២០២៣នេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រោយចូលរួមប្រជុំអន្តរក្រសួងស្តីពីការត្រៀមរៀបចំព្រះរាជពិធីបុណ្យអុំទូក បណ្តែតប្រទីប និងសំពះព្រះខែអកអំបុក នៅទីស្តីការគណៈកម្មាធិការរៀបចំបុណ្យជាតិ-អន្តរជាតិ លោក ឃី សុវណ្ណរតនា រដ្ឋលេខាធិការក្រសួងការបរទេស បានបង្ហោះនៅលើគណនីហ្វេសប៊ុកផ្ទាល់ខ្លួនថា “ឆ្នាំនេះ ពិធីបុណ្យអុំទូកនឹងត្រូវប្រារព្ធក្នុងទ្រង់ទ្រាយធំ នឹងមានទូកប្រណាំងចំនួន ៣៣៨ទូក និងប្រទីបធំៗចំនួន ៣០ប្រទីប”

សូមរម្លឹកឡើងវិញបន្តិចថា កាលពីថ្ងៃទី៣០ខែមិថុនាឆ្នាំ២០២៣ ក្នុងពេលចុះសួរសុខទុក្ខកម្មកររោងចក្រក្នុងខេត្តពោធិ៍សាត់ សម្ដេចតេជោ ហ៊ុន សែន  បានប្រកាសជាសាធារណៈថា ព្រះរាជពិធីបុណ្យអុំទូក សំពះព្រះខែ និងអកអំបុកក្នុងឆ្នាំ២០២៣នេះ នឹងប្រារព្ធឡើងលក្ខណៈទ្រង់ទ្រាយធំ បន្ទាប់ពីអាក់ខានកាលពីឆ្នាំកន្លងទៅ។

ជាក់ស្ដែង  ព្រះរាជពិធីបុណ្យអុំទូកដែលធ្លាប់ប្រព្រឹត្តទៅក្នុងទីក្រុងភ្នំពេញ​ ត្រូវបានអាក់ខានចំនួន៣ឆ្នាំជាប់ៗគ្នា គឺក្នុងឆ្នាំ២០១១,២០១២,២០១៣  ដោយសារក្រោយកើតមានការរត់ជាន់គ្នាស្លាប់នៅលើស្ពានពេជ្រកំឡុងពិធីបុណ្យអុំទូក និងក្រោយព្រះបរមរតនកោដ្ឋសោយទិវង្គត។ យ៉ាងណានៅឆ្នាំ២០១៤ កម្ពុជាបានប្រារព្ធព្រះរាជពិធីបុណ្យអុំទូកឡើងវិញ តែក៏អាក់ខាននៅឆ្នាំ បន្ទាប់ ២០១៥ ពីព្រោះតែបញ្ហាទឹកទន្លេទាបពេកពិបាកអុំ​។ បន្ទាប់មកចាប់ពីឆ្នាំ២០១៦ ដល់ឆ្នាំ២០១៩​ កម្ពុជាបានប្រារព្ធព្រះរាជពិធីបុណ្យអុំទូក ក្រោមរូបភាពសប្បាយរីករាយ។ យ៉ាងណានៅក្នុងឆ្នាំ២០២០,២០២១, កម្ពុជាបានអាក់ខាន មិនអាចប្រារព្ធព្រះរាជពិធីបុណ្យអុំទូក បានឡើយដោយសារកាលណោះកម្ពុជា ត្រូវបានញ៉ាំញីដោយវិបត្តកូវីដ១៩។

 អាក់ខានមិនបានប្រារព្ធក្នុងឆ្នាំ២០២២ ទោះបីជាស្ថានការណ៍កូវីដហាក់ល្អប្រសើរ លែងសូវមានករណីឆ្លងជំងឺកូវីដ១៩ ក៏ដោយក៏កម្ពុជានៅតែមិនអាចប្រារព្ធព្រះរាជពិធីបុណ្យអុំទូក បានឡើយ។ មិនអាចប្រារព្ធព្រះរាជពិធីអុំទូក សំពះព្រះខែ និងអកអំបុកបាន ក៏ដោយសារតែកម្ពុជាជាប់ដៃធ្វើជាម្ចាស់ផ្ទះរៀបចំកិច្ចប្រជុំកំពូលអាស៊ាន ក៏ដូចជាជាប់ដៃធានាសន្តិសុខ សណ្ដាប់ធ្នាប់ សាធារណៈ ជូនបណ្ដាប្រមុខរដ្ឋ និងមេដឹកនាំនានា ដែលមកចូលរួមកិច្ចប្រជុំកំពូលអាស៊ានលើកទី៤០ លើកទី៤១នៅកម្ពុជា៕

ដោយ៖ ង៉ិល ណារ៉ាត់

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

សេចក្ដីជូនដំណឹង២៦ នាទី មុន

គុណភាព​ល្អឥតខ្ចោះ​! ខុន​ដូ​ប្រណិត​រំដួល​ស៊ី​ធី​លំដាប់​ខ្ពស់​ដំបូង​នៅ​ភ្នំពេញ​ត្រូវបាន​ប្រគល់ជូន​ជា​ផ្លូវការ​

សេចក្ដីជូនដំណឹង៣១ នាទី មុន

សេចក្ដីជូនដំណឹងស្ដីពីការអញ្ជើញចូលរួមដេញថ្លៃគម្រោងទិញឧបករណ៍បញ្ជូនស៊ីញ៉ាល់ប្រចាំឆ្នាំ២០២៤

ព័ត៌មានជាតិ៥៥ នាទី មុន

សារមន្ទីរព្រះស្រីឦសានវរ្ម័ន ចាប់ដៃគ្នាជាមួយសមាគមធនាគារនៅកម្ពុជា ដើម្បីលើកកម្ពស់ចំណេះដឹងហិរញ្ញវត្ថុយុវជន

ព័ត៌មានអន្ដរជាតិ១ ម៉ោង មុន

Breaking News! ប្រធានាធិបតី វៀតណាម ប្រកាសលាលែងពីតំណែង

ជីវិតកម្សាន្ដ១ ម៉ោង មុន

នេន ទុំ ប្រកាស​ផលិតចម្រៀង​បន្សល់ទុកស្នាដៃចុងក្រោយដល់​វីរ:សិល្បករអាយ៉ៃលោក ព្រហ្ម ម៉ាញ 

Sokha Hotels

ព័ត៌មានពេញនិយម