Connect with us

ព័ត៌មានជាតិ

រដ្ឋបាលរាជធានី​ នឹងអនុវត្តគម្រោងធំៗជាច្រើននៅចុងឆ្នាំ២០២៣ និងដើមឆ្នាំ២០២៤

បានផុស

នៅ

នៅចុងឆ្នាំ២០២៣ និងដើមឆ្នាំ២០២៤ រដ្ឋបាលរាជធានីភ្នំពេញ មានការងារចាំបាច់ និងធំៗច្រើនដែលត្រូវអនុវត្ត ក្នុងនោះមានទាំងរៀបចំពិធីបុណ្យអុំទូក ការអនុវត្តគម្រោងដោះស្រាយការលិចលង់ដោយជំនន់ទឹកភ្លៀង ដែលមានទំហំទឹកប្រាក់ប្រមាណ១០០លានដុល្លារ គម្រោងស្ថាបនាស្ពានឆ្លងកាត់ទន្លេ ចន្លោះស្ពានព្រះមុនីវង្ស និងស្ពានព្រែកសំរោងទៅចំផ្សារទំនើបអុីអន៣ ក្នុងទំហំទឹកប្រាក់ប្រមាណ៧០លានដុល្លារ ជាមួយនិងការស្ថាបនាស្ពានកម្ពុជា+កូរ៉េ( ភ្នំពេញ-អរិយក្ស័ត្រ)ផងដែរ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នេះបើតាមការបញ្ជាក់អោយដឹងពីលោក កើត ឆែ អភិបាលរងរាជធានី ខណៈលោកអញ្ជើញជាតំណាងលោក ឃួង ស្រេង អភិបាលរាជធានីភ្នំពេញ ក្នុងកិច្ចប្រជុំសាមញ្ញាលើកទី៥៣ របស់ក្រុមប្រឹក្សារាជធានី អាណត្តិទី៣ នៅព្រឹកថ្ងៃទី១៥ វិច្ឆិកានេះ ក្រោមអធិបតីភាពលោក ម៉ប់ សារិន ប្រធានក្រុមប្រឹក្សារាជធានីភ្នំពេញ នៅសាលារាជធានីភ្នំពេញ ។

លោក កើត ឆែ បានលើកឡើងថា ចំពោះមុខនេះ រដ្ឋបាលរាជធានីភ្នំពេញ មានការងារចាំបាច់ និងធំៗជាច្រើនដែលត្រូវអនុវត្តបន្ទាន់ៗ ក្នុងនោះ ទី១ សម្រាប់ ចុងខែវិច្ឆិកានេះ រាជធានីភ្នំពេញ នឹងរៀបចំពិធី បុណ្យអុំទូក អកអំបុក សំពះព្រះខែ ដែលនឹងអាចមានមនុស្សចូលរួមប្រមាណ៣លាននាក់ ក្រោយពីពិធីនេះ ត្រូវការអាក់ខានអស់ជាច្រើនឆ្នាំ ដោយសារការរាតត្បាតដោយជំងឺកូវិដ-១៩។ ទី២ ការរៀបចំបុណ្យកឋិនទាន ។ ទី៣ ចំពោះមុខនេះ មន្ទីរសាធារណការនិងដឹកជញ្ជូនរាជធានី ក្រោមការយកចិត្តទុកដាក់ពីរដ្ឋបាលរាជធានីភ្នំពេញ ត្រូវធ្វើផែនការអោយបានរួចរាល់ក្នុងរយៈពេល៣ខែ ដើម្បីបង្កើតជាគម្រោងធ្វើយ៉ាងណាដោះស្រាយអោយបាននូវការលិចលង់ដោយជំនន់ទឹកភ្លៀង ដោយគម្រោងនេះ បានការគាំទ្រពី ក្រសួងសេដ្ឋកិច្ច និងហិរញ្ញវត្ថុរួចហើយ ដែលមានទឹកប្រាក់ប្រមាណ១០០លានដុល្លារ ដោយត្រូវអនុវត្តនៅឆ្នាំ២០២៤ គម្រោងនេះគឺ ក្រសួងសាធារណការនិងដឹកជញ្ជូន និងក្រសួងធានធានទឹកនិងឧត្តុនិយម សហការគ្នាដើម្បីអនុវត្តគម្រោង ក្នុងនោះ ក្រសួងធានធានទឹកនិងឧត្តុនិយមនឹងត្រូវប្រើប្រាស់ថវិកាប្រមាណ៥០លានដុល្លារ ដើម្បីបង្វែផ្លូវទឹកកុំអោយចូលមករាជធានីភ្នំពេញ។ គម្រោងស្ថាបនាស្ពានឆ្លងកាត់ទន្លេ ចន្លោះស្ពានព្រះមុនីវង្សនិងស្ពានព្រែកសំរោងពីខាងព្រែកប្រាទៅចំ ផ្សារទំនើបអុីអន៣ ក្នុងទំហំទឹកប្រាក់ប្រមាណ៧០លានដុល្លារ ជាមួយនិងការស្ថាបនាស្ពានកម្ពុជា + កូរ៉េផងដែរ ។ គម្រោងទាំងនេះគឺសុទ្ធតែមានផលប៉ះពាល់ច្រើនដែលទៀមទាអាជ្ញាធររាជធានីភ្នំពេញ ត្រូវដោះស្រាយជាមួយប្រជាពលរដ្ឋ។

លោក ម៉ប់ សារិន ប្រធានក្រុមប្រឹក្សារាជធានីភ្នំពេញ ក្នុងកិច្ចប្រជុំនេះ ក៏បានសម្តែងនូវការកោតសរសើរចំពោះ ការអនុវត្តការងាររបស់រដ្ឋបាលរាជធានីភ្នំពេញ ដែលបានផ្ដល់ការដឹកជញ្ជូនរថយន្តក្រុងចំនួន ៤៥៥គ្រឿងសម្រាប់ដឹកជញ្ជូនបងប្អូន កម្មករនិយោជិត និងប្រជាពលរដ្ឋ ពីរាជធានីភ្នំពេញទៅបណ្តាខេត្ត និងពីបណ្តា ខេត្ត មករាជធានីភ្នំពេញ ដោយមិនបង់ប្រាក់ នាឱកាសពិធីបុណ្យភ្ជុំបិណ្ឌ ដែលមានអ្នក ជិះសរុបចំនួន៥៨,៤២០នាក់។

ប្រជាពលរដ្ឋរាជធានីភ្នំពេញ បានអបអរសាទរនូវសមិទ្ធផល ការដាក់ឱ្យប្រើប្រាស់ស្ពានបេតុងខ្សែ កាបតភ្ជាប់តំបន់អភិវឌ្ឍកោះនរា និងតំបន់អភិវឌ្ឍកោះពេជ្រដែលធ្វើឱ្យចរាចរណ៍លើផ្លូវជាតិលេខ១ ពិសេសលើស្ពានព្រះមុនីវង្ស មានការធូរស្រាលច្រើន មិនមានការកកស្ទះដូចពេលមុនទៀត។ កោតសរសើរ អាជ្ញាធរ មានសមត្ថកិច្ចដែលបានខិតខំពង្រឹងការអនុវត្តច្បាប់ប្រយុទ្ធប្រឆាំង គ្រឿងញៀនក្នុងកិច្ចប្រតិបត្តិ ការបង្ក្រាប និងផ្សព្វផ្សាយពីគ្រោះថ្នាក់នៃការប្រើប្រាស់គ្រឿងញៀន។ ការគ្រប់គ្រងសំណល់ គឺប្រមូលសំរាម មិនមានការកកស្ទះ ដោយ«ក្នុងមួយថ្ងៃជិត៤ពាន់តោន»និងបានកោតសរសើរផងដែរ ចំពោះមន្ទីរ- សាធារណការរាជធានីភ្នំពេញដែលបានខិតខំការជួសជុល ស្តារលូ ដែលធ្វើឱ្យតំបន់មួយចំនួននៅក្នុងទីក្រុងលែងលិចលង់៕

អត្ថបទ៖ ស្រីរ័ត្ន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ២៥ នាទី មុន

ណាតូ ថា រុស្ស៊ី អាចវាយប្រហារគ្រប់គោលដៅនៅអឺរ៉ុប បើផ្ទុះសង្គ្រាម ជាមួយលោកខាងលិច 

បច្ចេកវិទ្យា៤០ នាទី មុន

វិធីប្លែកៗ ជនអានាមិកប្រើដើម្បីបោកបញ្ឆោត តាមប្រព័ន្ធបច្ចេកវិទ្យា

ព័ត៌មានអន្ដរជាតិ១០ ម៉ោង មុន

តុលាការ ម៉ាឡេស៊ី ចោទអតីតរដ្ឋមន្ត្រីហិរញ្ញវត្ថុពីបទ “មិនគោរពគោល​ការណ៍ ប្រកាសទ្រព្យសម្បត្តិ”

ព័ត៌មានអន្ដរជាតិ១១ ម៉ោង មុន

បេសកជនសិទ្ធិមនុស្ស UN បង្ហាញថា បើគ្មានអ្នកផ្ដល់សព្វាវុធ យោធា មីយ៉ាន់ម៉ា​ នឹងទន់ខ្សោយ

សន្តិសុខសង្គម១២ ម៉ោង មុន

តុលាការផ្តន្ទាទោស លោក William Guang  ឱ្យជាប់ពន្ធនាគារ៦ឆ្នាំ ពីបទលួច និងកាន់អាវុធខុសច្បាប់

Sokha Hotels

ព័ត៌មានពេញនិយម