ក្រសួងសង្គមកិច្ច គាំទ្រសកម្មភាពមនុស្សធម៏របស់អង្គការ GIZ UNDP និងUNICEF

ថ្នាក់ដឹកនាំក្រសួងសង្គមកិច្ច សម្តែងនូវការគាំទ្រពេញទំហឹងក្នុងកិច្ចប្រជុំស្តីលើការរៀបចំយន្តការ ក្នុងការអភិវឌ្ឍការងារជំនួយសង្គមក្រសួងសង្គមកិច្ច អតីតយុទ្ធជន និងយុវនីតិសម្បទា ជាមួយអង្គការតំណាងដៃគូរអភិវឌ្ឍន៍ GIZ UNDP និង UNICEF នាល្ងាចម្សិលមិញនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នេះជាការលើកឡើងរបស់លោក សំហេង បុរស រដ្ឋលេខាធិការ និងជាប្រធានអនុគណ:កម្មាធិការជំនួយសង្គមនិងជារដ្ឋលេខាធិការរបស់ក្រសួងសង្គមកិច្ច អតីតយុទ្ធជន និងយុវនីតិសម្បទាក្នុងកិច្ចប្រជុំជាមួយអង្គការតំណាងដៃគូអភិវឌ្ឍន៍ GIZ UNDP និង UNICEF ដើម្បីពិភាក្សាលើការរៀបចំយន្តការ ក្នុងការអភិវឌ្ឍការងារជំនួយសង្គមបន្តទៀត សម្រាប់ឆ្នាំ២០២១នេះ។

ក្នុងនាមក្រសួងសង្គមកិច្ច ដែលជាសរសរទ្រូងរបស់កម្ពុជាលោករដ្ឋលេខាធិការ សំហេង បុរស បានថ្លែងនូវការគាំទ្រទាំងស្រុងចំពោះកិច្ចប្រជុំនេះ ហើយសូមឲ្យមានការបន្តចូលរួមពីតំណាងមន្ទីរសង្គមកិច្ច អតីតយុទ្ធជន និងយុវនីតិសម្បទា ខេត្តមន្ត្រីបង្គោលទទួលបន្ទុកសុខុមាលភាពកុមារនៃមន្ទីរ ការិយាល័យសង្គមកិច្ច និងសុខុមាលភាពសង្គមក្រុង ស្រុក រួមទាំងអង្គការជាដៃគូ ទាំងពីរខាងលើនោះផងដែរ។ លោករដ្ឋលេខាធិការបានបន្ថែមថា ផែនការនេះមានការជួយបច្ចេកទេសពីក្រសួង និងមន្ទីរ សង្គមកិច្ច អតីតយុទ្ធជន និងយុវនីតិសម្បទា និងអង្កការUNICEF, GIZ UNDP រួមគ្នាដើម្បីលើកកម្ពស់ផែនការសកម្មភាពរំកិល២០២១-២០២២ និងការថែទាំកុមារនៅតាមគ្រួសារ និងសមារហណកម្មកុមារពីមណ្ឌលថែទាំ នានាទៀត៕

អត្ថបទ៖ វិមាន