Connect with us

ព័ត៌មានជាតិ

មកដល់ពេលនេះ តើទំនាក់ទំនងកម្ពុជា-វៀតណាម ឈានដល់កម្រិតណា?

បានផុស

នៅ

កម្ពុជា-វៀតណាម បានបង្កើតទំនាក់ទនងការទូតផ្លូវការជាមួយគ្នាអស់រយៈពេល ៥៦ឆ្នាំមកហើយ ដោយបានជួយគ្នាទៅវិញទៅមក ជាពិសេស នៅក្នុងសង្គ្រាមឥណ្ឌូ-ចិន។ គិតមកដល់ពេលនេះទំនាក់ទំនងរវាងប្រទេសទាំងពីរ នៅតែមានទំនាក់ទំនងល្អជាមួយគ្នាបន្តទៀត ទោះបីជាកម្ពុជាបានផ្លាស់ប្តូររាជរដ្ឋាភិបាលអាណត្តិថ្មីក៏ដោយ។ តើទំនាក់ទំនងរវាង កម្ពុជា-វៀតណាម ឈានដល់កម្រិតណា?

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Nguyen Huy Tang ឯកអគ្គរដ្ឋទូតវៀតណាមប្រចាំកម្ពុជា នៅក្នុងកិច្ចសម្ភាសពិសេសជាមួយ«កម្ពុជាថ្មី» បានឱ្យដឹងថា ទំនាក់ទំនងកម្ពុជា-វៀតណាម មិនកំណត់ថា ជាដៃគូយុទ្ធសាស្ត្រលើគ្រប់វិស័យនោះទេ ប៉ុន្តែ គឺជាទំនាក់ទំនងដ៏ពិសេសមួយ។ លោកថា នៅឆ្នាំ២០២៤ និងឆ្នាំក្រោយៗទៀត វៀតណាម នឹងបន្តជំរុញកិច្ចសហប្រតិបត្តិការជាមួយកម្ពុជាលើគ្រប់វិស័យ ដែលក្នុងនោះ មានកិច្ចសហប្រតិបត្តិការលើវិស័យសេដ្ឋកិច្ច ពាណិជ្ជកម្ម វិនិយោគ និងទេសចរណ៍ ជាវិស័យយ៉ាងសំខាន់ដែលថ្នាក់ដឹកនាំនៃប្រទេសទាំងពីរមានការចាប់អារម្មណ៍យ៉ាងខ្លាំង។

បន្ថែមពីនេះ ប្រទេសទាំងពីរ នឹងបន្តសហការគ្នា ដើម្បីអនុវត្តឱ្យបានល្អនូវសន្ធិសញ្ញា និងMOU នានា ដែលភាគីទាំងពីរបានចុះហត្ថលេខាក្នុងរយៈពេលកន្លងមក ដែលមានដូចជា MOU អំពីទេសចរណ៍សម្រាប់ដំណាក់កាល ២០២៣-២០២៨ សន្ធិសញ្ញាស្តីពីពាណិជ្ជកម្មព្រំដែន និងកិច្ចព្រមព្រៀងដើម្បីជំរុញពាណិជ្ជកម្មទ្វេភាគីកម្ពុជា-វៀតណាម សម្រាប់ឆ្នាំ២០២៣-២០២៤។ ទន្ទឹមនឹងនោះ ការវិនិយោគ និងធុរកិច្ចរបស់ប្រទេសទាំងពីរ នឹងជំរុញការស្វែងរកនូវឱកាសល្អ ដើម្បីវិនិយោគ និងផ្លាស់ប្តូរពាណិជ្ជកម្មជាមួយគ្នានៅក្នុងឆ្នាំ២០២៤ និងឆ្នាំក្រោយៗទៀត។ នេះ គឺជាការបញ្ជាក់បន្ថែមរបស់លោក Nguyen Huy Tang ឯកអគ្គរដ្ឋទូតវៀតណាមប្រចាំកម្ពុជា។

លោកបានបញ្ជាក់បន្ថែមថា វិស័យពាណិជ្ជកម្មរវាងប្រទេសទាំងពីរកំពុងមានការរីកចម្រើនយ៉ាងល្អប្រសើរ ប៉ុន្តែ ដើម្បីជំរុញឱ្យពាណិជ្ជកម្មរវាងប្រទេសទាំងពីរ (ការនាំចេញនាំចូលរវាងប្រទេសទាំងពីរ) ពិសេស ការនាំចេញរបស់កម្ពុជាទៅវៀតណាមឱ្យកាន់តែរីកចម្រើនល្អបន្ថែមទៀត ប្រទេសទាំងពីរគួរអនុវត្តនូវវិធានការមួយចំនួនដូចជា ទី១. ភាគីទាំងពីរគួរត្រួតពិនិត្យ និងធ្វើវិសោធនកម្មនូវប្រព័ន្ធច្បាប់ ដើម្បីអភិវឌ្ឍវិស័យពាណិជ្ជកម្មរវាងប្រទេសទាំងពីរ ទី២. ត្រូវពិនិត្យ និងកាត់បន្ថយ ឬអនុវត្តនូវគោលនយោបាយអនុគ្រោះពន្ធចំពោះទំនិញនានា ជាពិសេសទំនិញដែលមានប្រភពដើមនៃប្រទេសទាំងពីរ និងទី៣. ជំរុញធុរកិច្ចនៃប្រទេសទាំងពីរ គឺជំរុញកិច្ចសហប្រតិបត្តិការជាមួយគ្នាឱ្យបានល្អបន្ថែមទៀត៕

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

សេចក្ដីជូនដំណឹង៦ នាទី មុន

ក្រុមហ៊ុន ហនុមាន ដាក់លក់ហ្គង់ប្រដាល់មានហត្ថលេខា Manny Paciquiao ១ក្នុងតម្លៃ១ពាន់ដុល្លារ ខណៈចំណូលសរុបនឹងយកទៅធ្វើសប្បុរសធម៌

ព័ត៌មានជាតិ៣១ នាទី មុន

អ្នកវិភាគ និង​មេ​សហជីព​នៅ​កម្ពុជា​ ៖ សហជីព​ដែល​ប្រព្រឹត្ត​ខុសច្បាប់​ត្រូវតែ​កាត់ទោស​

ព័ត៌មានជាតិ២ ម៉ោង មុន

លោក​ហេង សួរ និង​នាយិកា​ADB​ប្រចាំ​នៅ​កម្ពុជា​ពិភាក្សា​លើ​វឌ្ឍនភាព​ស្តីពី​ការអភិវឌ្ឍ​ជំនាញ​នៅ​កម្ពុជា

ព័ត៌មានជាតិ២ ម៉ោង មុន

ស្ដេចប្រដាល់ហ្វីលីពីន សន្យានៅចំពោះមុខសម្ដេចធិបតី ថា នឹងជួយលើកស្ទួយគុនខ្មែរ

សេចក្ដីជូនដំណឹង២ ម៉ោង មុន

កម្មការិនីរោងចក្រកាត់ដេរម្នាក់នៅស្រុកអង្គស្នួល ខេត្តកណ្តាល ឈ្នះរង្វាន់១២៥លានរៀលពីភេសជ្ជៈប៉ូវកម្លាំង ខារ៉ាបាវ

Sokha Hotels

ព័ត៌មានពេញនិយម