​វិញ្ញាសា ៣ មុខ ដាក់ប្រឡងជ្រើសរើសមន្ត្រីកសិកម្មឃុំ​នៅសប្ដាហ៍ក្រោយ​

ការប្រឡងជ្រើសរើសមន្ត្រីជំនាញកសិកម្មឃុំ-សង្កាត់ ​នឹងចាប់ផ្ដើមដំណាក់កាលដំបូង នៅថ្ងៃទី ​១៧ ខែធ្នូ នេះ ដែលមានចំនួន ៣ ៣២៩ នាក់ ត្រូវបានវាយតម្លៃឱ្យជាប់ឈ្មោះចូលរួមប្រឡងជ្រើសរើស​មន្ត្រីមន្ត្រីកសិកម្មឃុំចំនួន ២៥០ នាក់ នៅក្នុងឆ្នាំ ២០២៣។

​វិញ្ញាសាប្រឡងជ្រើសរើមន្ត្រីកសិកម្មឃុំ ​ត្រូវធ្វើភ្លាមប្រឡងភ្លាម ​មាន ៣ វិញ្ញាសា រួមមាន៖ ជំនាញកសិកម្ម រយៈពេល ២ ម៉ោង វិញ្ញាសា​ភាសារអង់គ្លេស រយៈពេល ១ ម៉ោង ​និងវិញ្ញាសា​ពហុចម្លើយ ចំណេះដឹងទូទៅរយៈពេល១ ម៉ោង។

​ឯកឧត្តម ហ៊ុន ម៉ានី រដ្ឋមន្ត្រីក្រសួងមុខងាសាធារណៈ មានប្រសាសន៍ថា ​រាជរដ្ឋាភិបាល​យកមូល​ដ្ឋានអ្នកចេះជាប់ ដូចការប្រឡងបាក់ឌុបដែរ ខណៈយន្តការរៀប​ចំការប្រឡងធ្វើ​ឡើង​ដោយយុត្តិធម៌ និងតម្លាភាព ហើយអនុញ្ញាតឱ្យភាគពាក់ព័ន្ធចូលរួមតាមដានដំណើរការប្រឡង និងកែវិញ្ញាសារ។

​សូមជំរាបថា ​បេក្ខជនចូលរួមប្រឡងធ្វើជាមន្រ្តីកសិកម្មឃុំសង្កាត់នៅថ្ងៃទី ១៧ ធ្នូ ២០២៣ សរុប​មានចំនួន ៣ ៣២៩ នាក់ សម្រាប់ការជ្រើសរើស ២៥០ នាក់។ នៅដើមឆ្នាំ ២០២៤ ក្រសួងកសិកម្ម រុក្ខាប្រមាញ់នឹងជ្រើសរើសបន្ថែម ៨០០ នាក់ទៀត និង ឆ្នាំ ២០២៥ ថែម ៥៥០ នាក់ឲ្យគ្រប់ ១ ៦០០ នាក់៕