ព័ត៌មានជាតិ
តើជប៉ុន បានជួយអ្វីខ្លះដល់កម្ពុជាក្នុងរយៈពេលកន្លងមកនេះ?
គិតមកដល់ពេលនេះ កម្ពុជា-ជប៉ុន បានបង្កើតទំនាក់ទំនងជាផ្លូវការនឹងគ្នាអស់រយៈពេល ៧០ឆ្នាំមកហើយ ដោយក្នុងនាមជាមិត្តភាពយូរអង្វែងជប៉ុនបានផ្តល់ជំនួយជាច្រើនមកកាន់កម្ពុជា។ តើជប៉ុនបានជួយអ្វីខ្លះដល់កម្ពុជាក្នុងរយៈពេលកន្លងមកនេះ?
នៅក្នុងកិច្ចសម្ភាសជាមួយ«កម្ពុជាថ្មី» លោក UENO Atsushi ឯកអគ្គរាជទូតជប៉ុនប្រចាំកម្ពុជា បានឱ្យដឹងថា ចាប់តាំងពីទស្សវត្សឆ្នាំ១៩៩០មក ប្រទេសជប៉ុន បាន និងកំពុងគាំទ្រការសម្រេចបាននូវការរក្សាសន្តិភាព ការអភិវឌ្ឍលទ្ធិប្រជាធិបតេយ្យ និងការអភិវឌ្ឍសង្គមសេដ្ឋកិច្ចនៅកម្ពុជា។ លើសពីនេះ ជប៉ុនបានគាំទ្រដល់វឌ្ឍនភាពរបស់កម្ពុជាទាក់ទងនឹងការផ្លាស់ប្តូរវប្បធម៌ និងប្រជាជន ដូចជា ការអភិរក្ស និងជួសជុលប្រាសាទអង្គវត្ត និងការទទួលយកសិស្សានុសិស្សកម្ពុជា ទៅសិក្សានៅក្នុងប្រទេសជប៉ុន តាមរយៈអាហារូបករណ៍របស់រដ្ឋាភិបាលជប៉ុនជាដើម។
លោកបានបញ្ចាក់ថា ជំនួយអភិវឌ្ឍផ្លូវការដែលហៅកាត់ថា ODA គឺជាមធ្យោបាយដ៏មានសារៈសំខាន់មួយសម្រាប់គោលបំណងទាំងនោះ ដោយរួមបញ្ចូលគ្នានូវគ្រោងការផ្សេងៗ និងបន្តកិច្ចសហប្រតិបត្តិការលើគ្រប់វិស័យ ដូចជា ការអភិវឌ្ឍហេដ្ឋារចនាសម្ព័ន្ធមូលដ្ឋាន រួមមាន ផ្លូវថ្នល់ ស្ពាន កំពង់ផែ ការផ្គត់ផ្គង់ទឹកស្អាត ប្រព័ន្ធធារាសាស្ត្រ និងជំនួយដែលទាក់ទងដោយផ្ទាល់ទៅនឹងការលើកកម្ពស់គុណភាពជីវភាពរបស់ប្រជាជន មានដូចជា ការផ្តល់ជំនួយសាលារៀន មន្ទីពេទ្យ និងការបោសសម្អាតមីនជាដើម។ លើសពីនេះទៀត ក៏មានការគាំទ្រដល់ផ្នែកទន់ ដើម្បីសម្រេចបាននូវសង្គមប្រកបដោយនិរន្តរភាពតាមរយៈការអភិវឌ្ឍប្រព័ន្ធច្បាប់ ការពង្រឹងមុខងាររដ្ឋបាល ការគ្រប់គ្រងបរិស្ថាន និងការពង្រឹងអភិបាលកិច្ចផងដែរ។
លោក UENO Atsushi បានបន្ថែមថា រាជរដ្ឋាភិបាលជប៉ុន បានផ្តល់កិច្ចសហប្រតិបត្តិការណ៍ទាំងនេះ មិនត្រឹមតែតាមរយៈជំនួយផ្នែកហិរញ្ញវត្ថុ និងការផ្តល់សម្ភារៈប៉ុណ្ណោះទេ ប៉ុន្តែ ថែមទាំងតាមរយៈជំនួយធនធានមនុស្ស ដូចជា ការបញ្ជូនអ្នកជំនាញ ដើម្បីបង្កើនសមត្ថភាពរបស់ប្រជាជនកម្ពុជា។ លោកថា ប្រទេសជប៉ុនបានផ្តោតលើភាពជាម្ចាស់ការ និងការអភិវឌ្ឍធនធានមនុស្ស ក្នុងប្រទេសទទួលជំនួយ ហើយលក្ខណៈពិសេសដ៏ធំនៃជំនួយរបស់រដ្ឋាភិបាលជប៉ុន គឺបានកំណត់ការអភិវឌ្ឍធនធានមនុស្សនៅកម្ពុជាជាគោលដៅសំខាន់លើគ្រប់វិស័យ។
បន្ថែមពីនេះ ក្នុងដំណើរទស្សនកិច្ចរបស់នាយករដ្ឋមន្រ្តីជប៉ុនមកកាន់កម្ពុជាកាលពីឆ្នាំមុន ក៏បានកំណត់នូវកិច្ចសហប្រតិបត្តិការសំខាន់ៗចំនួន៥ រួមមាន ទី១ ហេដ្ឋារចនាសម្ព័ន្ធសំខាន់ៗ (កំពង់ផែក្រុងព្រះសីហនុ) ទី២ សន្តិសុខ ទី៣ សេដ្ឋកិច្ច ទី៤ សិទ្ធិមនុស្ស និងលទ្ធិប្រជាធិបតេយ្យ និងទី៥ ការពង្រឹងវិស័យថ្មីនៃកិច្ចសហប្រតិបត្តិការឌីជីថល សន្តិសុខអ៊ីនធឺណិត និងសន្តិសុខសេដ្ឋកិច្ច ព្រមទាំងគិតគូរយ៉ាងពេលលេញនូវបញ្ហាកិច្ចការគោលនយោបាយជាអាទិភាពគណៈរដ្ឋមន្ត្រីថ្មីរបស់កម្ពុជា។ នេះជាការបញ្ជាក់របស់លោក UENO Atsushi ឯកអគ្គរាជទូតជប៉ុនប្រចាំកម្ពុជា៕
-
ជីវិតកម្សាន្ដ៣ ថ្ងៃ ago
ពេជ្រ ចរណៃ រក្សាបានរាង និងសម្រស់ស្អាត មិនចាញ់តារាបរទេស
-
ព័ត៌មានជាតិ៥ ថ្ងៃ ago
គេហទំព័រ Weather៖ សប្តាហ៍នេះ កម្ពុជា នឹងក្តៅខ្លាំង ឈានដល់កម្រិតគ្រោះថ្នាក់ ៤០អង្សាសេ
-
សន្តិសុខសង្គម១ សប្តាហ៍ ago
មកដឹងពីចម្លើយសារភាពរបស់ជនដៃដល់ដែលចាក់សម្លាប់នារីរងគ្រោះក្នុងបុរីឈូកវ៉ា២
-
ព័ត៌មានជាតិ៤ ថ្ងៃ ago
កម្ពុជានឹងធ្លាក់ភ្លៀង ៤០% នាដើមរដូវវស្សាឆ្នាំនេះ ខណៈក្រសួងប្រកាសឱ្យប្រុងប្រយ័ត្នបាតុភូត ផ្គរ រន្ទះ និងខ្យល់កន្ត្រាក់
-
ព័ត៌មានជាតិ៥ ថ្ងៃ ago
តុលាការ បញ្ជាឱ្យចាប់ខ្លួនជនត្រូវចោទ ចោម ខ្វាន់ ពីបទរំលោភលើទំនុកចិត្តអ្នកដទៃ
-
សេចក្ដីជូនដំណឹង៤ ថ្ងៃ ago
អ្នកឧកញ៉ា ឡេង ណាវ៉ាត្រា បញ្ជាក់ច្បាស់ៗការដោះដូរ ផ្ទះយកដី គឺសម្រាប់តែអតិថិជនស្ម័គ្រចិត្ត ដែលពួកគាត់មានតម្រូវការចាំបាច់ចំណែកគម្រោង បុរី នៅតែប្រកាន់គោលជំហរបញ្ចប់ការដោះស្រាយជូនអតិថិជនទាំងស្រុងដដែល
-
សេចក្ដីជូនដំណឹង៥ ថ្ងៃ ago
ចូលឆ្នាំខ្មែរបានសប្បាយជួបជុំហើយ បានទាំងរង្វាន់ពីគ្រុឌឈ្នះផ្អើលពេញភូមិ
-
ជីវិតកម្សាន្ដ៥ ថ្ងៃ ago
តួអាសអាភាស Shu Qi ប្រារព្ធខួបអាពាហ៍ពិពាហ៍ ៨ ឆ្នាំជាមួយស្វាមីយ៉ាងផ្អែមល្ហែម