ព័ត៌មានជាតិ

សៀវភៅ «សម្លៀកបំពាក់បុរាណតាមចម្លាក់អប្សរានៅប្រាសាទអង្គរវត្ត» នឹងបកប្រែជាភាសាខ្មែរ-ចិន

បានផុស

៣ years មុន

នៅ

ថ្ងៃចន្ទ ១៥ មករា ២០២៤

ដោយ

នាថ្ងៃទី១៤ ខែមករា ឆ្នាំ២០២៤ រាជបណ្ឌិតសភាកម្ពុជា បានចុះអនុស្សរណៈនៃការយោគយល់គ្នាលើគម្រោងបកប្រែនិងបោះពុម្ពផ្សាយស្នាដៃសៀវភៅពីប្រវត្តិសាស្រ្ត ក៏ដូចជាតំបន់ទេសចរណ៍នៃប្រទេសកម្ពុជាពីភាសាខ្មែរទៅភាសាចិន និងពីភាសាចិនមកជាភាសាខ្មែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អនុស្សរណៈនៃការយោគយល់នេះធ្វើឡើងក្រោមអធិបតីភាពរបស់ឯកឧត្តម ហ៊ុន ម៉ានី រដ្ឋមន្រ្តីក្រសួងមុខងារសាធារណៈ និងជាសមាជិកគណៈអចិន្រ្តៃយ៍ និងជាអគ្គលេខាធិការគណៈចលនាមហាជននៃគណៈកម្មាធិការកណ្តាលគណបក្សប្រជាជនកម្ពុជា ជាមួយគណៈប្រតិភូជាន់ខ្ពស់នៃបក្សកុម្មុយនីស្តចិនដឹកនាំដោយលោក លី ស៊ូឡី សមាជិកការិយាល័យនយោបាយ និងជារដ្ឋមន្រ្តីក្រសួងឃោសនាការនៃគណៈកម្មាធិការមជ្ឈឹមបក្សកុម្មុយនីស្តចិន ក្នុងឱកាសដែលលោកបំពេញទស្សនកិច្ចផ្លូវការមកកាន់ព្រះរាជាណាចក្រកម្ពុជា។

លោក សុខ ទូច ប្រធានរាជបណ្ឌិត្យសភាកម្ពុជាបានឲ្យដឹងថា អនុស្សរណៈស្តីពី «ការបកប្រែនិងការបោះពុម្ពផ្សាយស្នាដៃសៀវភៅ» នេះរួមមានសៀវភៅបុរាណ, សៀវភៅប្រវត្តិសាស្ត្រ វប្បធម៌ និង ទេសចរណ៍ជាដើម ដោយនឹងមានការបកប្រែពីភាសាខ្មែរទៅភាសាចិន និងពីភាសាចិនមកជាភាសាខ្មែរ។