ព័ត៌មានជាតិ
បង្កើតសួនច្បារតាមប្រឡាយ នៅឧទ្យានឫស្សីត្រឹបដោយដាំដើមត្នោត និងផ្កាឥន្ធនេលលំអ
លោកបណ្ឌិត សុខ ទូច ប្រធានរាជបណ្ឌិតសភា បានប្រកាសនឹងដាំដើមត្នោត និងផ្កាឥន្ទនេល នៅតាមដងសងខាងប្រឡាយព្រំឧទ្យានរាជបណ្ឌិត្យសភាកម្ពុជាតេជោសែនឫស្សីត្រឹប ដោយនឹងប្រែក្លាយប្រឡាយទៅជាសួនច្បារនាថ្ងៃខាងមុខ។
លោកបណ្ឌិត សុខ ទូច បានមានប្រសាសន៍ថា លោកពិតជាអរគុណដល់ជនរួមជាតិទាំងអស់ ដែលបានចូលរួមថវិកានៅក្នុងការជីកប្រឡាយនៅរាជបណ្ឌិតសភាកម្ពុជាតេជោសែនឫស្សីត្រឹប។
លោកបានអះអាងថា «ក្រៅពីសកម្មភាពនេះ ក៏នឹងមានការដាំដើមត្នោត និងផ្កាឥន្ទនេល រឿងអីដែលយើងត្រូវទៅមើលផ្កានៅប្រទេសដទៃ បើផ្កានៅស្រុកខ្មែរសម្បូរបែបនេះ ដូច្នេះយើងធ្វើនេះដើម្បីបង្កើតសួនច្បារយើងទាំងអស់គ្នា។ មិនតែប៉ុណ្ណោះ នៅរាជបណ្ឌិតសភាតេជោសែនឫស្សីត្រឹប ក៏នឹងមានរៀបចំឱ្យមានចម្កាក់ដូចជាការឆ្លាក់ជារូបអប្សរា គោ ក្របី សេះ នៅទីនេះដើម្បីអាចឱ្យប្រជាពលរដ្ឋដែលរស់នៅទីនេះទទួលបានចំណូលសម្រាប់ផ្គត់ផ្គង់ជីវភាពផងដែរ»។
តាមរយៈសំណេរដដែល លោកបានបន្តថា «ខ្ញុំសូមថ្លែងអំណរគុណដល់បងប្អូនជនរួមជាតិទាំងអស់ ដែលបានចូលរួមក្នុងការជីកប្រឡាយនេះ។ បច្ចុប្បន្ននេះ យើងបានទទួលថវិកាជាប្រាក់រៀលចំនួន ១០០លានរៀល និងប្រាក់ដុល្លារចំនួន ១៥ម៉ឺនដុល្លារ ហើយយើងជីកបានប្រវែង ៥.៥គីឡូម៉ែត្រ ក្នុងរយៈពេលមួយខែ»។
«ខ្ញុំសូមថ្លែងអំណរគុណដល់រដ្ឋបាលព្រៃឈើស្រុកឆែប ដែលបានជួយកូនឈើចំនួន ៣០០០ដើម រួមមាន ផ្កាឥន្ទនេល ចំនួន ១៥៤០ដើម, អូយម៉ូយចំនួន ១០០ដើម , ក្ងោកចំនួន ១០០ដើម, អង្កាញ់ចំនួន ១៣០ដើម, លឿងរាជចំនួន ១៣០ដើម, បេងចំនួន ៣០០ដើម និងគ្រញូងចំនួន ៧០០ដើម»។
សម្រាប់សកម្មភាពដាំកូនឈើម្សិលមិញនេះដែរ គឺមានការចូលរួមពី ថ្នាក់ដឹកនាំមន្ត្រីរាជបណ្ឌិត្យសភាកម្ពុជា, សហគមន៍ និងកងកម្លាំងទាំងបីប្រភេទនៃស្រុកឆែប និងមន្ត្រីស្រុកឆែប ឃុំឆែបមួយ, ឆែបពីរ, រដ្ឋបាលព្រៃឈើឆែប, បរិស្ថាន, គណៈគ្រប់គ្រង បុគ្គលិក និស្សិតសាកលវិទ្យាល័យជាតិគ្រប់គ្រង, លោកគ្រូ អ្នកគ្រូ និងសិស្សាអនុសិស្សអនុវិទ្យាល័យឆែប៕
-
ព័ត៌មានជាតិ១ សប្តាហ៍ ago៦ថ្ងៃក្នុងព្រឹត្តិការណ៍ «នគរសង្ក្រាន្ត» មន្ទីរសុខាភិបាលរាជធានីភ្នំពេញ បានពិនិត្យ និងព្យាបាលជូនពលរដ្ឋជាង២ពាន់នាក់
-
ព័ត៌មានអន្ដរជាតិ៥ ថ្ងៃ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
ព័ត៌មានអន្ដរជាតិ៦ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានអន្ដរជាតិ៥ ថ្ងៃ agoវិមានក្រឹមឡាំង៖ ពូទីន ត្រៀមជួបហ្សេលេនស្គី ទាល់តែមានការចុះហត្ថលេខាលើកិច្ចព្រមព្រៀងសន្តិភាព
-
ព័ត៌មានជាតិ១ សប្តាហ៍ agoមន្រ្តីបរិស្ថានស្នើពលរដ្ឋកុំបរិភោគត្រីងាប់ និងផ្អាកប្រើប្រាស់ទឹកព្រែកត្រែង នៅស្រុករតនៈមណ្ឌល ខេត្តបាត់ដំបង
-
ព័ត៌មានជាតិ៤ ថ្ងៃ agoតំណាងអយ្យការសម្រេចចោទប្រកាន់លោកផ្កាយបីនិងលោកផ្កាយពីរ រួមអ្នកពាក់ព័ន្ធ៤នាក់ផ្សេងទៀត
-
សន្តិសុខសង្គម៤ ថ្ងៃ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ
-
ព័ត៌មានជាតិ១ ថ្ងៃ agoអាជ្ញាធរទាត់ចោលព័ត៌មានដែលផ្សាយថា ថៃបានឈ្លានពានចូលទឹកដីខ្មែរនៅខេត្តប៉ៃលិន