ព័ត៌មានជាតិ
លោកសុខ ទូច ជំរុញឲ្យស្ថាប័នស្រាវជ្រាវកម្ពុជាកូរ៉េ សិក្សាវិស័យអាទិភាព ចែករំលែកបទពិសោធន៍គ្នា
បណ្ឌិតសភាចារ្យ សុខ ទូច ប្រធានរាជបណ្ឌិតសភាកម្ពុជាបានគូសបញ្ជាក់ថា ដើម្បីបង្កើននៃកិច្ចសហប្រតិបត្តិការរួមគ្នាបន្ថែមទៀតនាពេលអនាគតរវាងកូរ៉េនិងកម្ពុជា ស្ថាប័នស្រាវជ្រាវនៃភាគីទាំងពីរអាចនឹងសិក្សាលទ្ធភាពពីវិស័យអាទិភាពនានានៅកម្ពុជាជាច្រើនទៀត។
នៅក្នុងពិធីបើកសិក្ខាសាលាស្តីពី «ភាពជាដៃគូអភិវឌ្ឍន៍កូរ៉េ-កម្ពុជា៖ ការស្វែងរកយន្តការសម្រាប់កិច្ចសហប្រតិបត្តិការនាពេលអនាគត» នៅទីក្រុងសេអ៊ូល នាថ្ងៃទី២០ ខែវិច្ឆិកា លោកបណ្ឌិត សុខ ទូច បានសម្ដែងនូវការកោតសរសើរ និងវាយតម្លៃខ្ពស់ចំពោះ ក្រុមព្រឹក្សាជាតិស្រាវជ្រាវសេដ្ឋកិច្ច មនុស្សសាស្ត្រ និងវិទ្យាសាស្ត្រសង្គម នៃសាធារណរដ្ឋកូរ៉េ (NRC) និងវិទ្យាស្ថានកូរ៉េសម្រាប់គោលនយោបាយសេដ្ឋកិច្ចអន្តរជាតិ (KIEP) ដែលបានផ្ដួចផ្ដើមគំនិតរៀបចំសិក្ខាសាលាអន្តរជាតិដ៏មានអត្ថន័យនិងអត្ថប្រយោជន៍នេះឡើង។
ជាមួយគ្នានោះ ដើម្បីបង្កើននៃកិច្ចសហប្រតិបត្តិការរួមគ្នាបន្ថែមទៀតនាពេលអនាគតរវាងកូរ៉េ និងកម្ពុជា តាមរយៈជំនួយអភិវឌ្ឍផ្លូវការកូរ៉េ (ODA) អ្នកសិក្សាស្រាវជ្រាវរបស់ស្ថាប័នស្រាវជ្រាវទាំងពីរ អាចនឹងសិក្សាលទ្ធភាពពីវិស័យអាទិភាពនានានៅកម្ពុជាជាច្រើនទៀត។ ក្នុងនោះរួមមាន វិស័យកសិកម្ម ទេសចរណ៍ បរិស្ថាន ជីវចម្រុះតាមដងទន្លេមេគង្គ ថាមពលស្អាត និងការរួមកិច្ចសហប្រតិបត្តិការលើធនធានមនុស្សផងដែរ។
មួយវិញទៀត តាមរយៈការរៀបចំសិក្ខាសាលានេះពិតជាមានសារៈសំខាន់ដែលផ្ដល់ឱកាសឲ្យអ្នកវិទ្យាសាស្ត្រ អ្នកសិក្សាស្រាវជ្រាវ និងអ្នករៀបចំគោលនយោបាយនៃស្ថាប័ន ស្រាវជ្រាវទាំងពីរបានពិភាក្សា និងផ្លាស់ប្តូរយោបល់ និងបទពិសោធន៍គ្នាទៅវិញទៅមក។
សូមជម្រាបថា កាលពីថ្ងៃទី១៥ ខែកញ្ញា ឆ្នាំ២០២៣ កន្លងទៅថ្មីៗនេះ រាជបណ្ឌិត្យសភាកម្ពុជា បានរៀបចំនូវសិក្ខាសាលាប្រភេទនេះម្តងរួចមកហើយ ដែលបានចំឡើងនៅក្នុងប្រទេសកម្ពុជា នៅពេលនោះវាគ្មិនរបស់ស្ថាប័នទាំងពីរបានជជែកគ្នាយ៉ាងច្រើន និងបានផ្តល់ជាធាតុចូលមួយយ៉ាងសំខាន់សម្រាប់រួមចំណែកដល់រដ្ឋាភិបាលរបស់ប្រទេសទាំងពីរ ក៏ដូចជាភាគីពាក់ព័ន្ធនានា ហើយកិច្ចពិភាក្សានាពេលនោះហាក់មានភាពស្និទស្នាលខ្លាំងបើទោះបីជាមានកំដៅខ្លះដែលកើតឡើងដោយការប្រឈមទស្សនគ្នាខ្លះក្តី៕
-
ព័ត៌មានជាតិ១ សប្តាហ៍ ago៦ថ្ងៃក្នុងព្រឹត្តិការណ៍ «នគរសង្ក្រាន្ត» មន្ទីរសុខាភិបាលរាជធានីភ្នំពេញ បានពិនិត្យ និងព្យាបាលជូនពលរដ្ឋជាង២ពាន់នាក់
-
ព័ត៌មានអន្ដរជាតិ៤ ថ្ងៃ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
ព័ត៌មានអន្ដរជាតិ៥ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានអន្ដរជាតិ៤ ថ្ងៃ agoវិមានក្រឹមឡាំង៖ ពូទីន ត្រៀមជួបហ្សេលេនស្គី ទាល់តែមានការចុះហត្ថលេខាលើកិច្ចព្រមព្រៀងសន្តិភាព
-
ព័ត៌មានជាតិ៣ ថ្ងៃ agoតំណាងអយ្យការសម្រេចចោទប្រកាន់លោកផ្កាយបីនិងលោកផ្កាយពីរ រួមអ្នកពាក់ព័ន្ធ៤នាក់ផ្សេងទៀត
-
សន្តិសុខសង្គម៣ ថ្ងៃ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ
-
ព័ត៌មានជាតិ៦ ថ្ងៃ agoមន្រ្តីបរិស្ថានស្នើពលរដ្ឋកុំបរិភោគត្រីងាប់ និងផ្អាកប្រើប្រាស់ទឹកព្រែកត្រែង នៅស្រុករតនៈមណ្ឌល ខេត្តបាត់ដំបង
-
ព័ត៌មានជាតិ៦ ម៉ោង agoអាជ្ញាធរទាត់ចោលព័ត៌មានដែលផ្សាយថា ថៃបានឈ្លានពានចូលទឹកដីខ្មែរនៅខេត្តប៉ៃលិន