Connect with us

ព័ត៌មានជាតិ

មន្ត្រីជាន់ខ្ពស់ចិន ថា ចិន​ នៅតែបន្តផ្ដល់ជំនួយដល់អង្គភាពស៊ីម៉ាក់កម្ពុជាលើប្រតិបត្តិការដោះ មីន

បានផុស

នៅ

នៅចំពោះមុខអគ្គនាយកស៊ីម៉ាក់កម្ពុជា នៅថ្ងៃទី១៥ ខែមករា ឆ្នាំ២០២៤ នាទីបញ្ជាការស៊ីម៉ាក់ រាជធានីភ្នំពេញ មន្ត្រីជាន់ខ្ពស់ចិន បានអះអាងថា រដ្ឋាភិបាលចិន​នៅតែបន្តគាំទ្រដល់រាជរដ្ឋាភិបាល​កម្ពុជាសម្រាប់កិច្ចប្រតិបត្តិការបោសសម្អាតមីន តាមរយៈការផ្ដល់ជំនួយ និងការហ្វឹកហ្វឺនធនធានមនុស្សដល់អង្គភាពស៊ីម៉ាក់។

រូបភាព៖ អង្គភាពស៊ីម៉ាក់កម្ពុជា
សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការអះអាងពីជំហររបស់រដ្ឋាភិបាលចិននេះ ធ្វើឡើងគ្រាដែលលោក ហេង រតនា ប្រតិភូរាជរដ្ឋាភិបាលទទួលបន្ទុកជាអគ្គនាយកនៃមជ្ឈមណ្ឌលសកម្មភាពកំចាត់មីនកម្ពុជា (CMAC) បានទទួលជួបពិភាក្សាការងារជាមួយគណៈប្រតិភូចិន ដឹកនាំដោយលោក Ma Shengkun អគ្គនាយករងនៃអគ្គនាយកដ្ឋានគ្រប់គ្រងអាវុធ នៃក្រសួងការបរទេសចិន និងលោកឧត្តមសេនីយ៍​ CAO Xilin អគ្គនាយករង​នៃអគ្គនាយកដ្ឋានគ្រប់គ្រងអាវុធ និងទំនាក់ទំនងអន្តរជាតិ នៃក្រសួងការពារជាតិចិន​។

ក្នុងកិច្ចពិភាក្សានេះ ​លោក ហេង រតនា អគ្គនាយកស៊ីម៉ាក់កម្ពុជា បានជម្រាបជូនគណៈប្រតិភូចិនអំពីប្រវត្តិសាវតា និងសកម្មភាពស្នូលរបស់អង្គភាពស៊ីម៉ាក់ក្នុងការបោសសម្អាតមីន និងគ្រាប់យុទ្ធភណ្ឌមិនទាន់ផ្ទុះនៅកម្ពុជា ពិសេសគម្រោងជំនួយចិនលុបបំបាត់គ្រាប់មីននៅកម្ពុជា ដែលជាហិរញ្ញប្បទានឥតសំណងរបស់ភាគីចិន ផ្តល់ឱ្យរាជរដ្ឋាភិបាលកម្ពុជា ចាប់តាំងពីឆ្នាំ២០១៨ រហូតមកដល់បច្ចុប្បន្ន។

រូបភាព៖ អង្គភាពស៊ីម៉ាក់កម្ពុជា

ជាការឆ្លើយតបលោកអគ្គនាយករងនៃអគ្គនាយកដ្ឋានគ្រប់គ្រងអាវុធ នៃក្រសួងការបរទេសចិន បានអបអរសាទរចំពោះទំនាក់ទំនង និងកិច្ចសហប្រតិបត្តិការរវាងកម្ពុជា-ចិន ព្រមទាំងបានកោតសរសើរចំពោះកិច្ចប្រតិបត្តិការរបស់អង្គភាពស៊ីម៉ាក់ តាមរយៈជំនួយឥតសំណងរបស់ប្រទេសចិន ដែលបានរួមចំណែកដល់ការបោសសម្អាតមីន ហើយបានផ្តល់ដីសុវត្ថិភាព និងការកសាងហេដ្ឋារចនាសម្ព័ន្ធជូនដល់ប្រជាពលរដ្ឋនៅតំបន់រងគ្រោះ ដោយសារសំណល់យុទ្ធភណ្ឌពីសង្គ្រាម។ តាមរយៈកិច្ចពិភាក្សានេះ លោកប្រធានគណៈប្រតិភូចិន ក៏បានបញ្ជាក់ពីជំហររបស់រដ្ឋាភិបាលចិន​ ក្នុងការបន្តគាំទ្ររាជដ្ឋាភិបាល​កម្ពុជា តាមរយៈការផ្តល់ជំនួយដល់កិច្ចប្រតិបត្តិការរបស់អង្គភាពស៊ីម៉ាក់ ទាំងជំនួយជាថវិកា​ ទាំងសម្ភារបច្ចេកទេស និងការហ្វឹកហ្វឺនធនធានមនុស្ស។

បើតាមការឱ្យដឹងពីអង្គភាពស៊ីម៉ាក់កម្ពុជា គឺចាប់ពីឆ្នាំ២០១៨ ដល់ឆ្នាំ២០២៣ ក្រោមជំនួយគាំទ្រពីរដ្ឋាភិបាលចិន តាម រយៈក្រសួងសេដ្ឋកិច្ច និងហិរញ្ញវត្ថុ គឺអង្គភាពស៊ីម៉ាក់កម្ពុជា បានបញ្ចប់ការអនុវត្តកិច្ចប្រតិបត្តិការបោសសម្អាតមីនមនុស្សធម៌ចំនួន៣ដំណាក់កាលរួចមកហើយ។ ក្នុងប្រតិបត្តិការទាំង៣ដំណាក់កាលនេះ មានទំហំទឹកប្រាក់សរុបចំនួន១៤លាន ៤សែន ដុល្លារអាមេរិក ដើម្បីគាំទ្រសកម្មភាពបោសសម្អាតមីន និងសំណល់យុទ្ធភណ្ឌសង្រ្គាមរបស់អង្គភាពស៊ីម៉ាក់ នៅក្នុងខេត្តកំពង់ធំ សៀមរាប ឧត្តរមានជ័យ ព្រះវិហារ ក្រចេះ ស្ទឹងត្រែង កំពង់ឆ្នាំង និងខេត្តស្វាយរៀង។

ជាលទ្ធផលដែលសម្រេចបាន គឺអង្គភាពស៊ីម៉ាក់ បានបោសសម្អាតផ្ទៃដីចម្ការមីន និងចម្ការគ្រាប់យុទ្ធភណ្ឌបានសរុបចំនួន ១០ ៧៥៥ហិកតា​ ដោយរុករកឃើញ និងកម្ទេចចោលគ្រាប់មីននិ ងយុទ្ធភណ្ឌមិនទាន់ផ្ទុះគ្រប់ប្រភេទសរុបចំនួន ៧៧ ៩៥៤គ្រាប់​ និងបានរួមចំណែកផ្តល់សុខសុវត្ថិភាពជូនប្រជាពលរដ្ឋរាប់ម៉ឺនគ្រួសារនៃខេត្តគោលដៅទាំងនោះ៕

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៣ ម៉ោង មុន

កម្មករ​នៃ​រោងចក្រ Y & W ជិត​២០០០​នាក់ បាន​បើកប្រាក់​ឈ្នួល និង​ប្រាក់​បំណាច់ ដោយ​ពេញចិត្ត និង​មាន​ជំនឿ​លើ​រាជរដ្ឋាភិបាល

ព័ត៌មានជាតិ៣ ម៉ោង មុន

ឯកអគ្គរដ្ឋទូត​សាធារណរដ្ឋ​សហភាព​មី​យ៉ាន់​ម៉ា បេ្ត​ជ្ញា​ចិត្ត​ក្នុង​ការជំរុញ​ទំនាក់ទំនង និង​កិច្ចសហប្រតិបត្តិការ​រ​វាង​មី​យ៉ាន់​ម៉ា​-​កម្ពុជា​ឱ្យ​កាន់តែ​រឹងមាំ

ព័ត៌មានអន្ដរជាតិ៦ ម៉ោង មុន

ការសិក្សា ៖ ស្រ្តីដែលមានផ្ទៃពោះខំប្រឹងធ្វើការក្រោមកម្ដៅខ្លាំង ប្រឈមហានិភ័យកូនស្លាប់ក្នុងពោះ

ព័ត៌មានជាតិ៦ ម៉ោង មុន

ស្ថានីយប្រព្រឹត្តកម្មទឹកកខ្វក់ទី ៣ នៅ​ខេត្តព្រះសីហនុដាក់សម្ពោធ​ឲ្យដំណើការជា​ផ្លូវការ

ព័ត៌មានអន្ដរជាតិ៧ ម៉ោង មុន

ជនចំណាកស្រុកជាង ៥០០ នាក់ចូលចតនៅ អង់គ្លេស តាមទូកតូចៗ

ព័ត៌មានជាតិ៦ ថ្ងៃ មុន

ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅ​តែរឹងទទឹងមិនព្រមវាយកម្ទេចរបងចេញ

ព័ត៌មានអន្ដរជាតិ២ ថ្ងៃ មុន

Breaking News! បណ្ដាញសង្គម Facebook មានបញ្ហានៅទូទាំងពិភព​លោកជាថ្មី

ព័ត៌មានអន្ដរជាតិ៦ ថ្ងៃ មុន

អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ

ព័ត៌មានជាតិ៥ ថ្ងៃ មុន

សម្តេច​​​ ហ៊ុន សែន ​៖​ ហេតុ​អ្វី​បាន​ជា​មក​ដល់​ពេល​នេះ​ហើយ​មាន​មន្ត្រី​យើង​ប្រព្រឹត្ត​បែប​នេះ​ ដោយ​ពាក់​ស្បែក​ជើង​ចូល​ក្នុង​ព្រះ​វិហារ?

ជីវិតកម្សាន្ដ១ ថ្ងៃ មុន

ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»

Sokha Hotels

ព័ត៌មានពេញនិយម