ព័ត៌មានជាតិ
សម្ដេចធិបតី អញ្ជើញប្រធានព្រឹទ្ធសភាបារាំងធ្វើទស្សនកិច្ចនៅកម្ពុជា ក្រោយការបោះឆ្នោតព្រឹទ្ធ សភារួច
ក្នុងជំនួបជាមួយលោក Gérard Larcher ប្រធានព្រឹទ្ធសភាបារាំង នៅទីក្រុងប៉ារីស សម្ដេចធិបតី នាយករដ្ឋមន្ត្រីកម្ពុជា បានអញ្ជើញលោកប្រធានព្រឹទ្ធសភាបារាំងរូបនេះ មកបំពេញទស្សនកិច្ចផ្លូវការនៅកម្ពុជា ក្រោយការបោះឆ្នោតជ្រើសតាំងសមាជិកព្រឹទ្ធសភា ខាងមុខនេះ។
![](https://www.kampucheathmey.com/wp-content/uploads/2024/01/image-1164-1024x682.png)
ក្នុងឱកាសនៃដំណើរទស្សនកិច្ចផ្លូវការនៅទីក្រុងប៉ារីស ប្រទេសបារាំង សម្តេចធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា បានចូលជួបសម្តែងការគួរសម និងពិភាក្សាការងារជាមួយលោក Gérard Larcher ប្រធានព្រឹទ្ធសភាបារាំង នារសៀលថ្ងៃទី១៨ ខែមករា ឆ្នាំ២០២៤។ ក្នុងជំនួបនេះ លោកប្រធានព្រឹទ្ធសភាបារាំង បានសម្តែងនូវបដិសណ្ឋារកិច្ចចស្វាគមន៍យ៉ាងកក់ក្តៅចំពោះការអញ្ជើញមកបំពេញទស្សនកិច្ចផ្លូវការជាលើកទី១ របស់សម្តេចធិបតី ហ៊ុន ម៉ាណែត ក្នុងនាមជានាយករដ្ឋមន្ត្រីកម្ពុជា នៅក្នុងប្រទេសបារាំងនាពេលនេះ។
![](https://www.kampucheathmey.com/wp-content/uploads/2024/01/image-1165-1024x682.png)
ជំនួបទល់មុខជាមួយសម្ដេចធិបតី, លោក Gérard Larcher ប្រធានព្រឹទ្ធសភាបារាំង បានរំឭកអំពីកិច្ចសហប្រតិបត្តិការល្អរវាងប្រទេសទាំងពីរ និយាយជារួម និងនិយាយដោយទ្បែក កិច្ចសហប្រតិបត្តិការល្អរវាងស្ថាប័នព្រឹទ្ធសភាកម្ពុជា និងបារាំង ក្នុងរយៈកាលប្រមាណ២៥ឆ្នាំ កន្លងមកនេះ ដោយគិតចាប់តាំងពីឆ្នាំ១៩៩៩មក។
ជាការឆ្លើយតប សម្តេចធិបតី នាយករដ្ឋមន្ត្រីកម្ពុជា បានសម្តែងនូវក្តីរីករាយចំពោះជំនួបពិភាក្សាការងារនាឱកាសនេះ និងបានជម្រាបលោកប្រធានព្រឹទ្ធសភា អំពីលទ្ធផលនៃជំនួបជាមួយប្រធានាធិបតីបារាំង អេម៉ានូអែល ម៉ាក្រុង ជាពិសេសវឌ្ឍនភាពនៃកិច្ចសហប្រតិបត្តិលើវិស័យជាច្រើន ដែលជាប្រយោជន៍រួមនៃប្រទេសទាំងពីរ កម្ពុជា-បារាំង ជាអាទិ៍ វិស័យនយោបាយ សេដ្ឋកិច្ច វប្បធម៌ និងភាសា ជាដើម។ ក្នុងឱកាសនោះ សម្តេចធិបតី ក៏បានអញ្ជើញលោកប្រធានព្រឹទ្ធសភាបារាំង មកបំពេញទស្សនកិច្ចផ្លូវការនៅកម្ពុជា ជាពិសេសនៅក្រោយការបោះឆ្នោតជ្រើសតាំងសមាជិកព្រឹទ្ធសភា នីតិកាលទី៥ នាខែកុម្ភៈ ឆ្នាំ២០២៤ ឆាប់ៗខាងមុខនេះ។
![](https://www.kampucheathmey.com/wp-content/uploads/2024/01/6-2-1024x614.jpg)
បន្ទាប់ពីជំនួបផ្លូវការជាមួយប្រធានព្រឹទ្ធសភាបារាំង សម្ដេចនាយករដ្ឋមន្ត្រី និងគណៈប្រតិភូជាន់ខ្ពស់រាជរដ្ឋាភិបាលកម្ពុជា ក៏បានបន្តធ្វើទស្សនកិច្ចក្នុងវិមានព្រឹទ្ធសភាបារាំង ដែលមានការទទួលបដិសណ្ឋារកិច្ចយ៉ាងស្និទស្នាលពីលោក Vincent EBLÉ ប្រធានក្រុមមិត្តភាពសភាបារាំង កម្ពុជា ឡាវ នៃព្រឹទ្ធសភាបារាំង ផងដែរ៕
![](https://www.kampucheathmey.com/wp-content/uploads/2024/01/image-1166-1024x682.png)
-
សេដ្ឋកិច្ច៦ ថ្ងៃ ago
ការវិនិយោគរបស់ក្រុមហ៊ុនជប៉ុន កំពុងជួយរុញឱ្យកំណើនសេដ្ឋកិច្ចកម្ពុជាកាន់តែងើបឡើងបន្ថែមទៀត
-
KPT+៧ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ៤ ថ្ងៃ ago
អ្នកនាំពាក្យទទូចដល់អ្នកប្រើបណ្តាញសង្គមបញ្ឈប់ចែកចាយជាបន្ទាន់ និងលុបចេញរាល់មាតិកាដែលពាក់ព័ន្ធឃាតកម្មឃោរឃៅ
-
ព័ត៌មានជាតិ៦ ថ្ងៃ ago
ក.ប.ប រកឃើញថាឈ្មួញនាំចូលផ្លែទុរេនពីប្រទេសជិតខាង និងមានជ្រលក់ថ្នាំ ហើយលក់បន្លំថាជាទុរេនក្នុងស្រុក
-
ព័ត៌មានជាតិ២ ថ្ងៃ ago
លោក ជួន ណារិន្ទ បញ្ជាឱ្យហៅគ្រូមន្តអាគមយកកាំភ្លើងពោះខ្លួនឯងមកសួរនាំ ទោះសាមីខ្លួនសុំទោសជាសាធារណៈ
-
ព័ត៌មានជាតិ១ សប្តាហ៍ ago
តើឧកញ៉ាមានសិទ្ធិកាន់កាប់ និងប្រើប្រាស់កាំភ្លើង ដែរឬទេ?
-
ព័ត៌មានជាតិ៥ ថ្ងៃ ago
បុរសម្នាក់ ត្រូវសត្វថ្លែនខាំបណ្តាលឱ្យស្លាប់ ក្រោយបញ្ជូនទៅសង្គ្រោះនៅមណ្ឌលសុខភាព
-
កីឡា១ សប្តាហ៍ ago
លោក សួង បញ្ញា ប្រកាសឈប់ពីការបង្ហាត់គុនខ្មែរ និងការងារនៅទទក