ព័ត៌មានជាតិ
នាយកវិទ្យាស្ថានពហុបច្ចេកទេសមិត្តភាពកម្ពុជា-ចិន ខេត្តព្រះសីហនុ ថា ការបណ្តុះបណ្តាលជំនាញវិជ្ជាជីវៈវគ្គទី ១ ផ្តោតលើ ៣ ចំណុចសំខាន់ៗ
លោក ប៊ូ សំអាត នាយកនៃវិទ្យាស្ថានពហុបច្ចេកទេសមិត្តភាពកម្ពុជា ចិនខេត្តព្រះសីហនុ បានលើកឡើងថា ការបណ្តុះបណ្តាលជំនាញវិជ្ជាជីវៈ និងបច្ចេកទេសវគ្គទី ១ វិទ្យាស្ថានរបស់លោកគឺផ្តោតទៅលើ ៣ចំណុចសំខាន់ ដើម្បីឱ្យការបណ្តុះបណ្តាលប្រកបដោយគុណភាព សិក្ខាកាមឆាប់ទទួលបានចំណេះដឹង និងមានភាពរីករាយក្នុងការសិក្សា។
![](https://www.kampucheathmey.com/wp-content/uploads/2024/01/១-55-1024x682.jpg)
បើតាមលោក ប៊ូ សំអាត ៣ចំណុចសំខាន់មានដូចជា ទី១. ការរៀនទ្រឹស្តីនៅក្នុងថ្នាក់ ទី២. ការអនុវត្តផ្ទាល់នៅក្នុងរោងជាង និងបន្ទប់ពិសោធន៍ដែលមាននៅក្នុងសាលាផ្ទាល់ និងទី៣. ការចុះកម្មសិក្សានៅតាមរោងចក្រសហគ្រាសនានា។ សម្រាប់ដំណាក់កាលនីមួយៗសុទ្ធសឹងតែជារបៀបនៃការសិក្សាមួយធ្វើឱ្យសិស្សចង់រៀនសូត្រ និងទទួលបានចំណេះដឹងប្រកបដោយវិជ្ជាជីវៈ។
![](https://www.kampucheathmey.com/wp-content/uploads/2024/01/៣-33-1024x783.jpg)
លោកបន្ថែមថា ការបណ្តុះបណ្តាលជំនាញវិជ្ជាជីវៈ និងបច្ចេកទេសវគ្គទី ១ កំពុងដំណើរការទៅយ៉ាងរលូន សិស្សានុសិស្ស សិក្ខាកាមបានមករៀនគ្រប់ៗគ្នាប្រកបដោយភាពរីករាយ។ សិក្ខាកាមចូលរួមយ៉ាងសកម្មភាពរាល់សកម្មភាពបង្រៀន សិក្សាស្រាវជ្រាវ និងការអនុវត្តន៍ផ្ទាល់នានា ផងដែរ។ តាមរយៈការយកចិត្តទុកដាក់រៀនសូត្ររបស់យុវជននេះ លោកសង្ឃឹមថា ការបណ្តុះបណ្តាលជំនាញវិជ្ជាជីវៈរបស់ពួកគេ នឹងទទួលបានលទ្ធផលល្អ មានសមត្ថភាពបន្ទាប់ពីរៀនចប់រយៈពេល ៤ខែខាងមុខ។
![](https://www.kampucheathmey.com/wp-content/uploads/2024/01/៤-15-1024x768.jpg)
លោកគូសបញ្ជាក់ថា សម្រាប់វិទ្យាស្ថាននៅតែបន្តទទួលពាក្យយុវជនមកចុះឈ្មោះចូលរៀនជំនាញវិជ្ជាជីវៈដដែលបើទោះបីការបណ្តុះបណ្តាលជំនាញវិជ្ជាជីវៈវគ្គទី១កំពុងដំណើរការក៏ដោយ។ សម្រាប់យុវជនដែលមកពីគ្រួសារក្រីក្រ និងគ្រួសារងាយរងហានិភ័យនៅតែបន្តអាចមកចុះឈ្មោះចូលរៀន និងទទួលបានប្រាក់ឧបត្ថម្ភដដែល។
![](https://www.kampucheathmey.com/wp-content/uploads/2024/01/២-45-1024x768.jpg)
គូសបញ្ជាក់ផងដែរថា កម្មវិធីបណ្តុះបណ្តាលថ្នាក់ជាតិស្តីពី ការបណ្តុះបណ្តាលជំនាញវិជ្ជាជីវៈ និងបច្ចេកទេស១,៥ លាននាក់ដល់យុវជនមកពីគ្រួសារក្រីក្រ និងគ្រួសារងាយរងហានិភ័យដែលបានបើកជាផ្លូវការកាលពីខែវិច្ឆិកា ឆ្នាំ២០២៣នោះ បានបោះជំហ៊ានមួយដំណាក់កាលទៀតហើយពោលគឺកាលពីថ្ងៃទី១៥ ខែមករា ឆ្នាំ២០២៤ កន្លងទៅថ្មីៗនេះក្រសួងការងារ និងបណ្តុះបណ្តាលវិជ្ជាជីវៈបានប្រកាសបើកបវេសនកាលការបណ្តុះបណ្តាលជំនាញវិជ្ជាជីវៈវគ្គដំបូង។ គិតត្រឹមថ្ងៃទី២២ មករា ២០២៤ នេះ មានយុវជនចំនួន១៩៨០៦នាក់ ក្នុងនោះមាន៦៧៣ថ្នាក់បណ្តុះបណ្តាលនៅទូទាំងប្រទេស៕
![](https://www.kampucheathmey.com/wp-content/uploads/2024/01/៥-19-768x1024.jpg)
-
សន្តិសុខសង្គម១ សប្តាហ៍ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
សន្តិសុខសង្គម១ សប្តាហ៍ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម១ សប្តាហ៍ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៧ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ១ សប្តាហ៍ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+៥ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
សេដ្ឋកិច្ច៤ ថ្ងៃ ago
ការវិនិយោគរបស់ក្រុមហ៊ុនជប៉ុន កំពុងជួយរុញឱ្យកំណើនសេដ្ឋកិច្ចកម្ពុជាកាន់តែងើបឡើងបន្ថែមទៀត
-
ព័ត៌មានជាតិ២ ថ្ងៃ ago
អ្នកនាំពាក្យទទូចដល់អ្នកប្រើបណ្តាញសង្គមបញ្ឈប់ចែកចាយជាបន្ទាន់ និងលុបចេញរាល់មាតិកាដែលពាក់ព័ន្ធឃាតកម្មឃោរឃៅ