Connect with us

ព័ត៌មានជាតិ

​កសិករឃុំទន្លេបិទ ​កំពុងត្រូវប៉ាន់​តម្លៃស្រូវឡើងថ្លៃ​

បានផុស

នៅ

​នៅដំណាច់ខែមករា ឆ្នាំ២០២៤នេះ កសិករក្នុងឃុំទន្លេបិទ ខេត្តត្បូងឃ្មុំ ​កំពុងប្រមូលផលស្រូវ លើផ្ទៃ​ដីជិត ៥០០ ហិកតា ខណៈទិន្នផលក្នុង១ហិកតា ចាប់ពី៦តោន ទៅ៧តោន ស្របពេលដែលទីផ្សារស្រូវកំពុងហក់ឡើងក្នុង១ គីឡូក្រាមតម្លៃ ១ ៤០០ រៀល។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ផាន់ រ៉េត អាយុ៦១ឆ្នាំ រស់នៅភូមិដូនម៉ៅលើ ឃុំទន្លេបិទ បានបញ្ជាក់ឲ្យដឹងថា កសិករ បាន​ដាំ​ពូជស្រូវមាន៤​ប្រភេទ រួមមាន ពូជ៥១, ៥៤, MO១៨ និងពូជដៃថឺម ព្រោះពូជស្រូវទាំងនេះ មាន​គុណ​ភាពល្អ បាយទន់ឆ្ងាញ់ មានក្លិនក្រអូបល្អ កាដាំប្រើរយៈពេលតែ៣ខែដូចគ្នា កសិករអាច​ប្រមូល​ផលបានហើយ ជាមួយនឹងទិន្នផលខ្ពស់១ហិកតា អាច​ទួល​ផលពី៦តោនទៅ៧តោនឯណោះ។

ការចំណាយរាប់ទាំងការភ្ជួររាស់ ថ្លៃពូជស្រូវ ការច្រូតកាត់ ដាក់ជី បាញ់ថ្នាំកម្ចាត់សត្វល្អិត ថ្លៃប្រេង ត្រូវចំណាយអស់ជាង៤លានរៀល ទូទាត់រួចកសិករទទួលប្រាក់ចំណូលបាន ៣ លានរៀលដែរក្នុងដី១ហិកតា។

ឆ្នាំនេះស្រូវឲ្យផលល្អដូចឆ្នាំទៅដែរ តែតម្លៃឆ្នាំនេះ ក៏ខ្ពស់ជាងឆ្នាំទៅដែរ គឺដើមដៃនេះតម្លៃ១ ៤០០ រៀល ក្នុង១គីឡូក្រាម ឆ្នាំទៅតម្លៃតែ១ពាន់១រយរៀលទេ ក្នុង១គីឡូក្រាម។

ជាក់ស្តែងប៉ុន្មានថ្ងៃនេះ រាងចុះតម្លៃបន្តិចវិញ ក្នុង១ឆ្នាំកសិករអាចផលិតស្រូវបាន ៣ ដង បើមានទឹក ខណៈឆ្នាំនេះ អាចខ្វះទឹក កសិករអាចធ្វើបានតែ២ដងទេ ទៅតាមកត្តាជាក់ស្តែង។ ទីផ្សារស្រូវមិនពិបាកលក់ទេ តែតម្លៃឡើងចុះមិនថេរទេ  សូមឲ្យក្រសួងពាក់ព័ន្ធជួយរកទីផ្សារល្អ កសិករសប្បាយក្នុងការផលិតស្រូវផង។

លោក ភិន ឈុន មេឃុំទន្លេបិទ បានឲ្យដឹងថា កសិករដាំស្រូវ មាន៧ភូមិគឺ ភូមិទួលគរ ទួលខ្សាច់ ព្រែកជីក ដូនម៉ៅលើ ដូនម៉ៅក្រោម ទន្លេបិទ និងភមិយាយស លើផ្ទៃដីជិត៥០០ហិកតា ខណៈឆ្នាំទៅទទួលបានផលជាង ៣ ពាន់តោន ហើយ​ផលស្រូវឆ្នាំ២០២៤នេះ ប្រហែលមិនខុសគ្នាទេ ដោយពិនិត្យតាមស្ថានភាពជាក់ស្តែង ព្រោះភូមិសាស្ត្រដីស្រែ ពិសេសដីតាមមាត់បឹងមានជីវជាតិល្អណាស់ កម្រិតជីវភាពប្រជាពលរដ្ឋរស់ដោយសមរម្យ ថ្លៃថ្នូរ មិនពិបាកនោះទេ៕

អត្ថបទ៖ សាន វិឡែម

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ២៨ នាទី មុន

អ្នកវិទ្យាសាស្រ្តរកឃើញថ្នាំ ជួយអ្នកខ្ជិលហាត់ប្រាណ ឲ្យឡើងសាច់ដុំដូចគេដូចឯង

ព័ត៌មានជាតិ៣៥ នាទី មុន

រដ្ឋបាលខេត្តបាត់ដំបងត្រៀមរៀបចំព្រឹត្តិការណ៍សង្ក្រាន្តរយៈពេល ៥ ថ្ងៃ

ព័ត៌មានអន្ដរជាតិ៦ ម៉ោង មុន

អតីតសេដ្ឋិនីវៀតណាម Truong My Lan ត្រូវបានរដ្ឋអាជ្ញាស្នើកាត់ទោសប្រហារជីវិត

ព័ត៌មានអន្ដរជាតិ១០ ម៉ោង មុន

ស្ត្រីវៀតណាមដែលបានលក់ផ្លែពុទ្រាក្នុងតម្លៃថ្លៃទៅឱ្យភ្ញៀវទេសចរម្នាក់ ត្រូវរងការព្រមានពីអាជ្ញាធរ

ព័ត៌មានជាតិ១០ ម៉ោង មុន

ក្រសួង​ការងារ និង​បណ្តុះបណ្តាល​វិជ្ជាជីវៈ បើក​វគ្គ​បណ្តុះបណ្តាល​លើ​ជំនាញ​ផ្នែក​កំបោរ​ក្នុង​វិស័យ​សំណង់

Sokha Hotels

ព័ត៌មានពេញនិយម