ព័ត៌មានជាតិ

លោក ស៊ុន ចាន់ថុល នឹងធ្វើដំណើរទៅអាមេរិកគោះទ្វារទាក់ទាញវិនិយោគិនអាមេរិកមកកម្ពុជា

បានផុស

៤ សប្តាហ៍ មុន

នៅ

ថ្ងៃសុក្រ ២៣ កុម្ភៈ ២០២៤

ដោយ

លោក ស៊ុន ចាន់ បានបង្ហាញពីគោលបំណងទាក់ទាញវិនិយោគិនអាមេរិកមកកម្ពុជា ក្នុងពេលដែលលោកប្រកាសនឹងធ្វើដំណើរទៅគោះទ្វារអ្នកវិនិយោគក្នុងទឹកដីប្រទេសមហាអំណាចសេដ្ឋកិច្ចលេខ ១ អាមេរិកក្នុងពេលឆាប់ៗខាងមុខនេះ។

នៅក្នុងជំនួបសម្ដែងការគួរសម និងពិភាក្សាការងារជាមួយលោក Devin Barta ប្រធានសភាពាណិជ្ជកម្មអាមេរិកនៅកម្ពុជា (AmCham Cambodia) លោកឧបនាយករដ្ឋមន្ត្រីបានជម្រាបជូនព័ត៌មានដល់គណៈប្រតិភូអំពីគម្រោងគោះទ្វាវិនិយោគរបស់ក្រុមប្រឹក្សាអភិវឌ្ឍន៍កម្ពុជាទៅកាន់ទឹកដីសហរដ្ឋអាមេរិក ដើម្បីធ្វើយ៉ាងណាអាចឱ្យកម្ពុជាទាក់ទាញបន្ថែមទៀតវិនិយោគិនរបស់អាមេរិក ចូលមកវិនិយោគបន្ថែមលើក្រុមហ៊ុនដែលកំពុងមានប្រតិបត្តិការស្រាប់នៅកម្ពុជា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដោយឡែកទាក់ទងការវិនិយោគនៅកម្ពុជា លោក ស៊ុន ចាន់ថុល ដែលកំពុងដឹកនាំជាអនុប្រធានទី១ ក្រុមប្រឹក្សាអភិវឌ្ឍន៍កម្ពុជាផងនោះបានជម្រាបដល់លោក Devin Barta ប្រធានសភាពាណិជ្ជកម្មអាមេរិកនៅកម្ពុជាអំពីទស្សនវិស័យរបស់ក្រុមប្រឹក្សាអភិវឌ្ឍន៍កម្ពុជាលើការលើកកម្ពស់ប្រព័ន្ធបច្ចេកវិទ្យា ដោយមានការធ្វើទំនើបកម្មប្រព័ន្ធចុះបញ្ជីគម្រោងវិនិយោគមានលក្ខណៈសម្បត្តិគ្រប់គ្រាន់(QIP) ក្នុងគោលដៅសម្រួលដល់វិនិយោគិនក្នុងការស្នើសុំគម្រោងវិនិយោគតាមរយៈប្រព័ន្ធអនឡាញឱ្យបានកាន់តែប្រសើរ។

សភាពាណិជ្ជកម្មអាមេរិកនៅកម្ពុជាបង្កើតឡើងក្នុងឆ្នាំ១៩៩៦ គឺជាអង្គការឯករាជ្យមិនស្វែងរកប្រាក់ចំណេញ ដែលមានសមាជិកប្រមាណ ២៤០ ក្រុមហ៊ុន ដែលក្នុងនោះមានក្រុមហ៊ុនពីសហរដ្ឋអាមេរិក និងព្រះរាជាណាចក្រកម្ពុជាជាសមាជិកផងដែរ៕