ព័ត៌មានជាតិ
ក្រសួងអប់រំ បណ្ដុះបណ្ដាល ការប្រើប្រាស់មគ្គុទ្ទេសក៍ជំនួយអេឡិចត្រូនិក នៅបន្ទាយមានជ័យ
នាយកដ្ឋានបច្ចេកវិទ្យាព័ត៌មាន នៃក្រសួងអប់រំ យុវជន និងកីឡា បានរៀបចំកម្មវិធីបើកវគ្គបណ្ដុះបណ្ដាល ស្ដីពី “ការប្រើប្រាស់មគ្គុទ្ទេសក៍ជំនួយអេឡិចត្រូនិក សៀវភៅសិក្សាគោលបច្ចេកវិទ្យាព័ត៌មាន និងសារគមនាគមន៍ ថ្នាក់ទី១១” ជូនដល់លោកគ្រូ អ្នកគ្រូ និងសិស្សានុសិស្ស នៃវិទ្យាល័យភ្នំស្រុក ស្រុកភ្នំស្រុក ខេត្តបន្ទាយមានជ័យ នាថ្ងៃទី២៤ ខែកុម្ភៈ ឆ្នាំ២០២៤ នេះ។
កម្មវិធីនេះ រៀបចំក្រោមអធិបតីភាព លោក សេរី ជំនះ រដ្ឋលេខាធិការក្រសួងអប់រំ យុវជន និងកីឡា ព្រមទាំងមានការអមដំណើរចូលរួមពី លោក សុក ថា ប្រធាននាយកដ្ឋានបច្ចេកវិទ្យាព័ត៌មាន លោក ឈូ ប៊ុនរឿង ប្រធានមន្ទីរអប់រំ យុវជន និងកីឡា ខេត្តបន្ទាយមានជ័យ និងមានការចូលរួមពីលោកអភិបាល នៃគណៈអភិបាលស្រុកភ្នំស្រុក គណៈគ្រប់គ្រង លោកគ្រូ អ្នកគ្រូ និងសិស្សានុសិស្ស នៃវិទ្យាល័យភ្នំស្រុក សរុបចំនួន ៧៨នាក់។
វគ្គបណ្ដុះបណ្ដាលនេះ រៀបចំឡើងក្នុងគោលបំណងបំប៉នសមត្ថភាពគ្រូបង្រៀន ICT និងសិស្សានុសិស្សទៅលើ ការប្រើប្រាស់ថ្នាលអប់រំសាលាឌីជីថល (sala.moeys.gov.kh) និងការប្រើប្រាស់មគ្គុទ្ទេសក៍ជំនួយអេឡិចត្រូនិក ជំនួយដល់ការបង្រៀន មុខវិជ្ជាបច្ចេកវិទ្យាព័ត៌មាន និងសារគមនាគមន៍ ថ្នាក់ទី១០ និងទី១១។
មគ្គទេសក៍ជំនួយនេះ និងចូលរួមចំណែកក្នុងការបង្រៀន និងរៀន មានភាពងាយស្រួល ទទួលបានលទ្ធផលល្អ និងសម្របទៅតាមវិធីសាស្ត្របង្រៀនថ្មី របស់ក្រសួងអប់រំ យុវជន និងកីឡា។ វគ្គបណ្ដុះបណ្ដាលនេះរៀបចំឡើង ក្រោមជំនួយឧបត្ថម្ភពី អង្គការសេវាកម្មអភិវឌ្ឍន៍លីចតេនស្ទីន (Liechtenstein Development Service- LED)។
ថ្លែងសន្ទរកថាក្នុងពិធីបើកវគ្គបណ្ដុះបណ្ដាល លោក សេរី ជំនះ រដ្ឋលេខាធិការ ក្រសួងអប់រំ យុវជន និងកីឡា និងជាប្រធានក្រុមការងារថ្នាក់ជាតិ ចុះជួយស្រុកភ្នំស្រុក បានធ្វើការវាយតម្លៃខ្ពស់ដល់លោកគ្រូ អ្នកគ្រូ និងគណៈគ្របគ្រងវិទ្យាល័យភ្នំស្រុក ដែលមានទំនាក់ទំនងល្អ និងគៀងគរមាតាបិតាសិស្ស សហគមន៍ទ្រទ្រង់សាលារៀន ក្នុងការចូលរួមអភិវឌ្ឍសាលារៀន ដែលជាលទ្ធផល វិទ្យាល័យភ្នំស្រុកមានអត្រាសិស្សប្រឡងជាប់សញ្ញាបត្រមធ្យមសិក្សាទុតិយភូមិខ្ពស់ និងមានសិស្សទទួលបាននិទ្ទេស A ក្នុងសម័យប្រឡងឆ្នាំ២០២៣ នាពេលកន្លងមកថ្មីៗនេះ។
លោកបានធ្វើការផ្ដាំផ្ញើ និងលើកទឹកចិត្តឱ្យគណៈគ្រប់គ្រងសាលា បន្តសហការយ៉ាងស្អិតល្មួតជាមួយសហគមន៍ទ្រទ្រង់សាលា ដើម្បីអភិវឌ្ឍវិទ្យាល័យភ្នំស្រុក ឱ្យសម្រេចបាននូវសូចនាករទាំង៨២ របស់ស្តង់ដារសាលាមធ្យមសិក្សាគំរូ របស់ក្រសួងអប់រំ យុវជន និងកីឡា៕
-
ព័ត៌មានជាតិ៥ ថ្ងៃ agoពិធី “រៀបមង្គលការលេង” មួយគូ នៅវត្តបឹងត្រាវ ប្រមូលថវិកាសាងសង់វត្ត អបអរបុណ្យចូលឆ្នាំខ្មែរ
-
ព័ត៌មានជាតិ៣ ថ្ងៃ ago៦ថ្ងៃក្នុងព្រឹត្តិការណ៍ «នគរសង្ក្រាន្ត» មន្ទីរសុខាភិបាលរាជធានីភ្នំពេញ បានពិនិត្យ និងព្យាបាលជូនពលរដ្ឋជាង២ពាន់នាក់
-
ព័ត៌មានជាតិ៥ ថ្ងៃ agoកម្ពុជារឹតបន្តឹង និងទប់ស្កាត់សំណល់អេឡិចត្រូនិក ខណៈអាស៊ីអាគ្នេយ៍កំពុងក្លាយជាគោលដៅថ្មី
-
ព័ត៌មានអន្ដរជាតិ១ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានជាតិ៥ ថ្ងៃ agoបដិសេធមិនឱ្យ សម រង្ស៊ី ចូលរួមការជួបជុំសមាគមខ្មែរនៅប៉ារីស គឺដើម្បីបញ្ចៀសការភ្ជាប់ជាមួយបុគ្គលនេះកំពុងជាប់ទោស
-
ព័ត៌មានជាតិ៧ ថ្ងៃ ago៣ ថ្ងៃចូលឆ្នាំថ្មី ខេត្តក្រចេះទទួលទេសចរមកកម្សាន្តប្រមាណ ៦៩ ៩៦២ នាក់ ខណៈព្រែកកាំពីជាគោលដៅទាក់ទាញបំផុត
-
ព័ត៌មានអន្ដរជាតិ៦ ថ្ងៃ agoវិនិយោគិនបរទេសដកខ្លួនពីទីផ្សារថៃ ខណៈវិបត្តិថាមពលគំរាមកំហែងសេដ្ឋកិច្ច
-
ព័ត៌មានអន្ដរជាតិ៤ ថ្ងៃ agoអាមេរិក រឹបយកកប៉ាល់ដឹកទំនិញអ៊ីរ៉ង់ នៅឈូងសមុទ្រអូម៉ង់ ខណៈទីក្រុងតេហេរ៉ង់ គំរាមសងសឹក