ព័ត៌មានជាតិ
កសិករឃុំជាំក្រវៀន ប្រមូលផលគ្រាប់ស្វាយចន្ទីបានជាង២.០០០ តោន
ក្រៅពីដំណាំម្រេច កៅស៊ូ កសិករឃុំជាំក្រវៀន ស្រុកមេមត់ ខេត្តត្បូងឃុំបានដាំស្វាយចន្ទីប្រមាណជាង២ពាន់ហិកតា នៅដើមខែមីនា ឆ្នាំ២០២៤នេះ កសិករចាប់ប្រមូលផលជាបណ្តើរៗហើយ ស្វាយចន្ទីឆ្នាំនេះឲ្យផលដូចឆ្នាំទៅដែរ ដោយអាកាសធាតុមិនសូវមានអំណោយផលល្អ មិនសូវមានភ្លៀង ជាហេតុបណ្តាលឲ្យស្វាយចន្ទីមិនទទួលបានផលល្អនោះទេ រយៈពេល៣ឆ្នាំជាប់ៗគ្នាមកហើយ ដូចគ្នានេះដែរ តម្លៃវិញក្នុង១គីឡូក្រាមជាង៤ពាន់រៀលក៏មិនប្រែប្រួលដែរ។
លោកស្រី ណយ ស្រី ម្ចាស់ចំការស្វាយចន្ទីនៅក្នុងភូមិសាទុំ ឃុំ ជាំក្រវៀន ស្រុកមេមត់ ខេត្តត្បូងឃ្មុំ បានឲ្យដឹងថា ឆ្នាំនេះ ស្វាយចន្ទីឲ្យផលផដូចឆ្នាំទៅតែតម្លៃទីទីផ្សាក៏ដូចឆ្នាំទៅដែរ ការប្រមូលផលដើមដៃនេះ កសិករលក់បាន១គីឡូក្រាម លក់ទាំងនៅក្នុងភូមិ ក៏ដូចក្នុងចំការលក់បានតម្លៃ៤.៦០០ រៀល។
លោកស្រីបានឲ្យដឹងទៀតថា ចំពោះទីផ្សារគ្រាប់ស្វាយច័ន្ទី មានទីផ្សារច្បាស់លាស់ មានថៅកែគេចូលទិញដល់ចំការ ឬតាមភូមិតែម្ដង ហើយគេដឹកយកទៅលក់បន្តទៅឲ្យថៅកែធំៗនៅក្នុងស្រុក ហើយដឹកយកទៅលក់ឲ្យបន្តនៅតាមរោងចក្របកគ្រាប់ស្វាយចន្ទីក្នុងស្រុក និងឈ្មួញខ្លះដឹកយកទៅលក់ឲ្យប្រទេសជិតខាងផងដែរ។
លោក អ៊ួច យឿន មេឃុំជាំក្រវៀន បានឲ្យដឹងថា នៅក្នុងឃុំជាំក្រវៀនទាំងមូល មានចំនួន១៨ភូមិ កសិករដាំដំណាំស្វាយច័ន្ទីនៅលើផ្ទៃដី ២ពាន់ហិកតា បច្ចុប្បន្នកសិករកំពុងតែប្រមូលផលជាបណ្ដើរៗហើយ រយៈពេល៣ឆ្នាំមកហើយ ស្វាយចន្ទីមិនសូវឲ្យផលទេ ដោយសារកត្តាអាកាសធាតុក្តៅពេក បណ្តាលឲ្យផ្កាក្រៀមគ្មានផ្លែតែម្តង ទិន្នផលក្នុង១ហិកតា បាន១តោនជាងតែប៉ុណ្ណោះ រីឯតម្លៃវិញ កសិកករលក់បាន១គីឡូក្រាមជាង៤ពាន់រៀល តម្លៃនេះ៣ឆ្នាំមកហើយ មានឈ្មួញចុះទិញដល់ចំការតែម្តង មិនចោទបញ្ហាទេទីផ្សារនោះ ពោលគឺស្រួលលក់ណាស់ ពួកគាត់អាចដោះស្រាយជីវភាពគ្រួសារបាន៕
អត្ថបទ៖ សាន វិឡែម
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង