ព័ត៌មានជាតិ
សិក្ខាកាមសាលា NTTI ជំនាញរចនាក្រាហ្វិចដោយកុំព្យូទ័រ ចុះកម្មសិក្សានៅក្រុមហ៊ុនឯកជនចំនួន ៣ សប្ដាហ៍
វិទ្យាស្ថានជាតិបណ្ដុះបណ្ដាលបច្ចេកទេស (NTTI) បានបញ្ជូនសិក្ខាកាមសិក្សាជំនាញផ្នែករចនាក្រាហ្វិចដោយកុំព្យូទ័រ នៃកម្មវិធីបណ្ដុះបណ្ដាលជំនាញវិជ្ជាជីវៈ និងបច្ចេកទេស ចុះកម្មសិក្សារយៈពេល ៣ សប្ដាហ៍ នៅក្រុមហ៊ុន TSPH Printing House ដើម្បីអនុវត្តផ្ទាល់ និងពង្រីកសមត្ថភាពលើជំនាញរបស់ខ្លួន។
ការចុះកម្មសិក្សានៅក្រុមហ៊ុនឯកជននេះ បន្ទាប់ពីសិក្ខាកាម នៃកម្មវិធីបណ្ដុះបណ្ដាលជំនាញវិជ្ជាជីវៈ និងបច្ចេកទេស ១,៥ លាននាក់ នៃវិទ្យាស្ថានជាតិបណ្ដុះបណ្ដាលបច្ចេកទេស បានសិក្សាទ្រឹស្ដីនៅក្នុងថ្នាក់ជាង ៣ ខែ មកហើយ ចាប់តាំងពីកម្មវិធីបណ្ដុះបណ្ដាលមួយនេះត្រូវបានបើកបវេសនកាលជាផ្លូវការ កាលពីថ្ងៃទី ១៥ ខែមករា ឆ្នាំ ២០២៤ កន្លងទៅ។
នាយកវិទ្យាស្ថានជាតិបណ្ដុះបណ្ដាលបច្ចេកទេស នៃក្រសួងការងារ និងបណ្ដុះបណ្ដាលវិជ្ជាជីវៈ លោក យ៉ោក សុទ្ធី បានលើកឡើងថា «ការចុះកម្មសិក្សានៅតាមក្រុមហ៊ុនឯកជន រោងចក្រ សហគ្រាស នេះ គឺមានសារៈសំខាន់ណាស់ ដើម្បីផ្សារភ្ជាប់មេរៀនដែលបានសិក្សានៅក្នុងថ្នាក់។ ការចុះកម្មសិក្សា គឺជាការអនុវត្តផ្ទាល់ ឃើញផ្ទាល់ នៃការដំណើរការ នៃក្រុមហ៊ុនឯកជននោះ ត្បិតនៅក្នុងសាលា ក៏មានរោងជាងដែរ តែយ៉ាងណាក៏ដោយមិនអាចបំពេញសេចក្ដីត្រូវការ និងបានឃើញជាក់ស្ដែងដូចការចុះកម្មសិក្សានៅក្រុមហ៊ុនឯកជននោះទេ»។
លោកនាយកវិទ្យាស្ថាន បានគូសបញ្ជាក់ថា វិទ្យាស្ថាន បានដាក់ចេញវិន័យតឹងរ៉ឹងចំពោះសិក្ខាកាមដែលត្រូវចុះកម្មសិក្សា ក្នុងនោះសិក្ខាកាមទាំងអស់ ត្រូវសរសេររបាយការណ៍របស់ខ្លួនអំពីការចុះកម្មសិក្សាដូចជា ទី១.សិក្ខាកាមសង្កេតឃើញអ្វីខ្លះ នៃដំណើរការក្រុមហ៊ុន, ទី២.សិក្ខាកាមធ្វើអ្វីខ្លះអំឡុងពេលចុះកម្មសិក្សា, ទី៣.សិក្ខាកាមពិនិត្យឃើញ នៃចង្វាក់ផលិតកម្មរបស់ក្រុមហ៊ុនបែបណា និងទី៤.សកម្មភាពប្រចាំថ្ងៃ នៃការចុះកម្មសិក្សារបស់សិក្ខាកាមផ្ទាល់ផងដែរ។
លោកបញ្ជាក់ថា សម្រាប់វិទ្យាស្ថានជាតិបណ្ដុះបណ្ដាលបច្ចេកទេស (NTTI) នឹងបន្តបញ្ជូនសិក្ខាកាមសិក្សាជំនាញផ្សេងៗ ទៀត របស់ខ្លួន ចុះកម្មសិក្សានៅក្រុមហ៊ុនឯកជនបន្តបន្ទាប់នាពេលខាងមុខទៀត។ វិទ្យាស្ថាន តែងតែខិតខំស្វែងរកដៃគូ ក៏ដូចជាក្រុមហ៊ុនឯកជន ដើម្បីអាចបញ្ជូនសិក្ខាកាមរបស់ខ្លួនចុះកម្មសិក្សានៅក្រុមហ៊ុនឯកជន ដើម្បីពង្រឹងសមត្ថភាពជំនាញរបស់សិក្ខាកាម។
ទន្ទឹមនឹងនេះ លោក ក៏បានអំពាវនាវឱ្យសិក្ខាកាមចុះកម្មសិក្សាជំនាញ ខិតខំក្រេបជញ្ជក់ចំណេះដឹង អង្កេត រៀនសូត្រ ពីការចុះកម្មសិក្សានៅក្រុមហ៊ុនឯកជន ពីព្រោះសិក្ខាកាមមានឱកាសជ្រើសរើសធ្វើការនៅក្រុមហ៊ុនឯកជននោះបន្ទាប់ពីចុះហាត់ការល្អ៕
រៀបចំលំហូរចរាចរណ៍ជាថ្មីផ្លូវតាមឆ្នេរពីឆ្នេរអូរឈើទាលទៅឆ្នេរអូរត្រេះ បញ្ចៀសការកកស្ទះចរាចរណ៍
អ្នកសរសេរកម្មវិធីផ្សាយមួយរូប ជាប់ពន្ធធនាគារ ៩ ឆ្នាំ ពីបទឆបោកអតីតសមាជិកក្រុម idol
សង្ក្រាន្តខេត្តបាត់ដំបង ពង្រីកតំបន់ត្រជាក់ចិត្តចាប់ពីគល់ស្ពាន ១៣ មករា ដល់ វិទ្យាល័យ នេត យ៉ង់
លោក Biden ថា លោក Netanyahu កំពុងសាងកំហុសនៅ ហ្គាហ្សា
ស្ថិរភាពនយោបាយសេដ្ឋកិច្ច និងការគាំទ្រវិស័យឯកជនជាកត្តាទាក់ទាញវិនិយោគិនបរទេសមកកម្ពុជា
កូនស្រីបង្កើត Brad Pitt បង្ហាញចេតនាប្រឆាំងកូនចិញ្ចឹម Pax Thien ចង់ឲ្យគ្រួសារជុំគ្នាវិញ
ការស្ទង់មតិ ៖ សង្ក្រាន្តឆ្នាំនេះ ប្រជាជន ថៃ រាងពិបាកចាយវាយ ព្រោះម្នាក់ៗសុទ្ធតែជាប់បំណុលគេច្រើន
អាកាសយានដ្ឋានចំនួន ០៨ ចុះបញ្ជីនៅកម្ពុជា មាន ៣ កំពុងដាក់ឲ្យដំណើការ
សម្ពាធទាបគ្របដណ្ដប់មកលើ ឈូងសមុទ្រកម្ពុជា នឹងធ្វើឱ្យមានភ្លៀងធ្លាក់ និងផ្គរ រន្ទះ
ស្អែក ថ្ងៃទី១០ ខែមេសា រូបសំណាកសេះសមុទ្ទ នឹងសម្ពោធជាផ្លូវការ
-
ជីវិតកម្សាន្ដ៦ ថ្ងៃ agoកូនស្រីបង្កើត Brad Pitt បង្ហាញចេតនាប្រឆាំងកូនចិញ្ចឹម Pax Thien ចង់ឲ្យគ្រួសារជុំគ្នាវិញ
-
ព័ត៌មានអន្ដរជាតិ២ ថ្ងៃ agoការស្ទង់មតិ ៖ សង្ក្រាន្តឆ្នាំនេះ ប្រជាជន ថៃ រាងពិបាកចាយវាយ ព្រោះម្នាក់ៗសុទ្ធតែជាប់បំណុលគេច្រើន
-
ព័ត៌មានជាតិ៣ ថ្ងៃ agoអាកាសយានដ្ឋានចំនួន ០៨ ចុះបញ្ជីនៅកម្ពុជា មាន ៣ កំពុងដាក់ឲ្យដំណើការ
-
ព័ត៌មានជាតិ៥ ថ្ងៃ agoសម្ពាធទាបគ្របដណ្ដប់មកលើ ឈូងសមុទ្រកម្ពុជា នឹងធ្វើឱ្យមានភ្លៀងធ្លាក់ និងផ្គរ រន្ទះ
-
ព័ត៌មានជាតិ១៩ ម៉ោង agoស្អែក ថ្ងៃទី១០ ខែមេសា រូបសំណាកសេះសមុទ្ទ នឹងសម្ពោធជាផ្លូវការ
-
ព័ត៌មានអន្ដរជាតិ៣ ថ្ងៃ agoកូនក្រមុំ ចិន ត្រូវភ្ញៀវប្រុសៗចាប់សម្រាតសំលៀកបំពាក់ ដោយយកលេសថាជាប្រពៃណីបុរាណ
-
ជីវិតកម្សាន្ដ២ ថ្ងៃ agoកូនស្រីពៅតារាហុងកុង Michael បង្ហោះរូបអាក្រាតកាយសារជាថ្មី
-
ព័ត៌មានអន្ដរជាតិ២ ថ្ងៃ agoខេត្តថៃ ជាប់ដងទន្លេមេគង្គ ប្រកាសអាសន្ន ក្រោយអាស៊ីត ៣០តោន ធ្លាយចូលទន្លេនៅឡាវ