ព័ត៌មានជាតិ

និស្សិត-សិក្ខាកាម ចំនួន ០៨ នាក់ ចុះអនុវត្តការងារជាក់ស្ដែងជាមួយ នគរបាលចរាចរណ៍សណ្ដាប់ធ្នាប់ ក្នុងការរៀបចំតាមផ្សារ ចិញ្ចើមផ្លូវ ទ្រូងផ្លូវ

បានផុស

២ ខែ មុន

នៅ

ថ្ងៃពុធ ២៨ ឧសភា ២០២៥

ដោយ

នគរបាលសណ្ដាប់ធ្នាប់រាជធានីភ្នំពេញ ចុះដឹកនាំនិស្សិត និងសិក្ខាកាមចំនួន ០៨ នាក់ ដើម្បីអនុវត្តជាក់ស្ដែងក្នុងការរៀបចំសណ្ដាប់ធ្នាប់សាធារណៈ តាមផ្សារ ចិញ្ចើមផ្លូវ និងទ្រូងផ្លូវ ជុំវិញផ្សារអូឡាំពិក និងផ្លូវ ២១៧ ចាប់ពីមុខស្ទឹងមានជ័យ រហូតដល់ច្រមុះជ្រូកផ្លូវវេងស្រេង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កាលពីព្រឹកថ្ងៃទី ២៧ និងថ្ងៃទី ២៨ ខែឧសភា ឆ្នាំ ២០២៥ នគរបាលសណ្ដាប់ធ្នាប់រាជធានីភ្នំពេញ សហការជាមួយ អាជ្ញាធរពាក់ព័ន្ធ ដើម្បីឲ្យនិស្សិត និងសិក្ខាកាម មកពីបណ្ឌិត្យសភា វគ្គបរិញ្ញាបត្រវិទ្យាសាស្ត្រនគរបាលជំនាន់ទី ១២ ជំនាញសណ្ដាប់ធ្នាប់សាធារណៈ ដើម្បីអនុវត្តជាក់ស្ដែងលើការរៀបចំសណ្ដាប់ធ្នាប់។

លោក លី លាងឆេង នាយការិយាល័យចរាចរណ៍សណ្ដាប់ធ្នាប់រាជធានីភ្នំពេញ បានឲ្យដឹងថា ដោយសង្កេតឃើញអាជីវករមួយចំនួនមិនទាន់យល់ដឹងអំពីសណ្ដាប់ធ្នាប់សាធារណៈ បានលក់ដូររំលោភលើចំណីផ្លូវ ធ្វើឲ្យមានការកកស្ទះចរាចរណ៍ពេលពលរដ្ឋឆ្លងកាត់ ក្នុងនោះ កម្លាំងនគរបាលចរាចរណ៍សណ្ដាប់ធ្នាប់ចុះរយៈពេល ០២ ថ្ងៃ ចាប់ពីថ្ងៃទី ២៧ និងថ្ងៃទី ២៨ ដោយរៀបចំពីចំណុចជុំវិញផ្សារអូឡាំពិក និងផ្លូវ ២១៧ ចាប់ពីមុខស្ទឹងមានជ័យ រហូតដល់ច្រមុះជ្រូកផ្លូវវេងស្រេង។

នគរបាលបានបញ្ជាក់ថា ចំពោះការចុះរៀបចំនេះដែរ ក៏មាននិស្សិត និងសិក្ខាកាម មកពីបណ្ឌិត្យសភា វគ្គបរិញ្ញាបត្រវិទ្យាសាស្ត្រនគរបាលជំនាន់ទី ១២ ជំនាញសណ្ដាប់ធ្នាប់សាធារណៈ ចំនួន ០៨ នាក់ ដែលបានចុះស្តារសិក្សាអនុវត្តជាក់ស្ដែង ដើម្បីយកចំណេះជំនាញ បទពិសោធទាំងអស់នេះ ទៅប្រើប្រាស់ជាផលប្រយោជន៍ក្នុងសិក្សា និងពេលចេញពីសាលា មានបទពិសោធលើការងារតែម្ដង៕

អត្ថបទ ៖ រដ្ឋា