ព័ត៌មានជាតិ
ជិះឡើងស្ពានមុនីវង្សចាស់ប្រយ័ត្នធ្លាក់ចូលទន្លេ អាជ្ញាធររុះរើបង្កាន់ស្ពានចាស់ចោលហើយ
ភ្នំពេញ៖ ខណៈក្រុមការងារកំពុងជួសជុលរុះរើបង្កាន់ដៃស្ពានព្រះមុនីវង្សចាស់ បន្ទាប់ពីជួសជុលខឿនចិញ្ចើមស្ពានរួចមក អាជ្ញាធរខណ្ឌច្បារអំពៅសុំឲ្យអ្នកធ្វើដំណើបន្ថយល្បឿនការពារកុំឲ្យជួបគ្រោះថ្នាក់។
លោក គុយ គឹមហ៊ាង ប្រធានការិយាល័យ សាធារណៈការសាលាខណ្ឌច្បារអំពៅ បានប្រាប់កម្ពុជាថ្មីនៅព្រឹកថ្ងៃទី២៣ ខែកុម្ភៈនេះថា ក្រុមជាងជួសជុលស្ពានព្រះមុនីវង្សចាស់កំពុងរុះរើបង្កាន់ដៃស្ពានស្ពានចាស់ ដោយដាក់ជំនួសបង្កាន់ដៃស្ពានថ្មី ដោយចាប់ផ្តើមធ្វើការដាក់ចាប់ពីគល់ស្ពានត្រើយខាងកើតនៅប៉ែកខាងត្បូងនៃស្ពាន។
លោកបន្តថា ពេលនេះចិញ្ចើមខឿនស្ពានបានជួសជុលរួចរាល់ និងកំពុងបន្តធ្វើបង្កាន់ដៃស្ពានបន្ថែមទៀត។ មូលហេតុដែលតម្រូវឲ្យជួសជុលប្តូបង្កាន់ដៃស្ពានថ្មីនេះ ព្រោះបង្កាន់ដៃស្ពានចាស់រងការខូចខាត ដោយសារតែមានរថយន្តបើកបុកបង្កឲ្យបាក់ និងខ្លះទៀតវៀចសឹងគ្រប់កន្លែង។
បើតាមការបញ្ជាក់រស់ប្រធានការិយាល័យសាធារណៈការសាលាខណ្ឌច្បារអំពៅ ស្ពានព្រះមុនីវង្សចាស់កសាងឡើងតាំងពីឆ្នាំ១៩៦២មកម្ល៉េះ។ អីចឹងទេដែកបង្កាន់ដៃស្ពាន ក៏ត្រូវតែច្រេសសុីខូចសឹងអស់ទៅហើយ។
គួរបញ្ជាក់ថានៅពេលដែលក្រុមជាងកំពុងជួសជុលដាក់បង្កាន់ដៃស្ពានថ្មីនេះ បង្កាន់ស្ពានចាស់ត្រូវបានរុះរើចេញអស់ដាជំនួសដោយរបាំងដែកដែលគ្រាន់តែកំណត់សំគាល់ពីការដ្ឋាន។ ប៉ុន្តែបើយានយន្តគ្រប់ប្រភេទបើករេចង្កូតទៅបុកគឺអាចធ្លាក់ទៅក្នុងទឹកព្រោះគ្មានបង្កាន់ដៃស្ពានទប់នោះទេ។ ដូច្នេះសុំមានការប្រុងប្រយត្ន័រហូតដល់ពេលដាក់បង្កាន់ដៃថ្មីរួចទាំងស្រុង៕
អត្ថបទ៖ នរា
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង