ព័ត៌មានជាតិ
ឯកឧត្ដម ហ៊ុន ម៉ានី ៖ «បើខ្មែរ មិនគិតពីអនាគតរីកចម្រើនដោយខ្លួនឯងនោះ គ្មានបរទេសណាមកគិតជំនួសយើងទេ»
ឯកឧត្ដម ហ៊ុន ម៉ានី ឧបនាយករដ្ឋមន្ត្រី និងជារដ្ឋមន្ត្រីក្រសួងមុខងារសាធារណៈ សង្កត់ធ្ងន់ថា «បើខ្មែរ មិនគិតពីអនាគតរីកចម្រើនដោយខ្លួនឯងនោះ គ្មានបរទេសណាមកគិតជំនួសយើងទេ»។
នៅរសៀលថ្ងៃទី ២៧ ខែមេសា ឆ្នាំ ២០២៤ នេះ តាមរយៈទំព័រហ្វេសប៊ុក ឯកឧត្ដម ហ៊ុន ម៉ានី បានលើកឡើងថា សូមចូលរួមអបអរសាទរ ពិព័រណ៍រថយន្ត លើកទី ១ នៅកម្ពុជា ដែលបង្ហាញពីភាពចម្រុះ នៃវិស័យយានយន្តនៅកម្ពុជា។ ក្នុងរយៈពេលប៉ុន្មានឆ្នាំចុងក្រោយនេះ វិស័យយានយន្តនៅកម្ពុជា មានការរីកចម្រើនគួរឲ្យកត់សម្គាល់។ កំណើន នៃក្រុមហ៊ុននាំចូល និងក្រុមហ៊ុនដំឡើងរថយន្តជាបន្តបន្ទាប់ បានបង្ហាញពីការខិតខំប្រឹងប្រែងរបស់រាជរដ្ឋាភិបាល រួមទាំងការដាក់ចេញគោលនយោបាយនានា ដើម្បីលើកស្ទួយវិស័យឯកជន និងលើកកម្ពស់បរិយាកាសវិនិយោគ ដើម្បីបង្កើនប្រសិទ្ធភាព លើកកម្ពស់ផលិតកម្ម បង្កើតការងារ និងលើកស្ទួយជីវភាពប្រជាពលរដ្ឋខ្មែរ។
ឯកឧត្ដម ហ៊ុន ម៉ានី លើកឡើងបន្តថា បន្ថែមលើបរិយាកាសអំណោយផល នៃគោលនយោបាយនានា និងការយកចិត្តទុកដាក់លើផ្នែកឯកជន ពីសំណាក់ រាជរដ្ឋាភិបាលកម្ពុជា ការរៀបចំពិព័រណ៍រថយន្ត នាថ្ងៃនេះ ជាផ្នែកមួយយ៉ាងសំខាន់ នៃការចូលរួមចំណែករបស់ផ្នែកឯកជន ក្នុងការបង្ហាញឲ្យកាន់តែច្បាស់ពីសក្ដានុពល នៃសេដ្ឋកិច្ចកម្ពុជា ជាពិសេសការរីកចម្រើន នៃវិស័យយានយន្តនៅកម្ពុជា។ ឯកឧត្ដម សង្ឃឹមថា គំនិតផ្ដួចផ្ដើម នៃការរៀបចំពិព័រណ៍រថយន្តនេះ នឹងបន្តកើនមានឡើងជាប្រចាំ និងជាបន្តបន្ទាប់។
ឯកឧត្ដម ហ៊ុន ម៉ានី លើកឡើងបន្តទៀតថា ថ្ងៃនេះ និយាយពីសក្ដានុពលសេដ្ឋកិច្ចរបស់កម្ពុជាក្នុងវិស័យយានយន្តក៏ពិតមែន តែ ឯកឧត្ដម សូមយកឱកាសនេះ លើកឡើងនូវការគិតគូរ និងចក្ខុវិស័យវែងឆ្ងាយ ដែលខ្មែរជាអ្នកគិតគូរពីអនាគតរបស់ខ្មែរដោយខ្លួនឯងចំពោះអនាគតសេដ្ឋកិច្ច សង្គម ពាណិជ្ជកម្ម ទាក់ទាញការវិនិយោគយ៉ាងច្រើនឥតគណនា និងផលប្រយោជន៍នានាដែលបម្រើដល់ប្រជាពលរដ្ឋខ្មែរក្នុងការអភិវឌ្ឍកសិកម្ម ធារាសាស្ត្រ វារីវប្បកម្ម ទេសចរ ក៏ដូចជាបង្កើតជាប្រព័ន្ធរំដោះទឹកជំនន់ជាដើម។
ឯកឧត្ដមឧបនាយករដ្ឋមន្ត្រី បន្ថែមថា ក្នុងនាមជាកូនខ្មែរ ឯកឧត្ដម គាំទ្រយ៉ាងពេញទំហឹងលើគម្រោង«ព្រែកជីកហ្វូណនតេជោ» ដែលបានផ្ដួចផ្ដើមគំនិតដោយ សម្ដេចតេជោ ក្នុងរាជរដ្ឋាភិបាលនីតិកាលទី ៦ និងបន្តអនុវត្តប្រកបដោយថាមពល ដោយ សម្ដេចធិបតី នាយករដ្ឋមន្ត្រី ក្នុងនីតិកាលទី ៧។
ឯកឧត្ដមឧបនាយករដ្ឋមន្ត្រី បន្ថែមទៀតថា កម្ពុជា មានបំណងស្មោះត្រង់ ក្នុងការគិតគូរពីនិរន្តរភាពយូរអង្វែង លើការរីកចម្រើន នៃអនាគតជូនប្រជាពលរដ្ឋខ្មែរ។ បើខ្មែរ មិនគិតពីអនាគតរីកចម្រើនដោយខ្លួនឯងនោះ គ្មានបរទេសណាមកគិតជំនួសទេ៕
អត្ថបទ ៖ ពិសី
មន្ត្រីជាន់ខ្ពស់ ប.ស.ស ជំរុញអ្នកធ្វើការតាមផ្ទះចុះឈ្មោះចូលជាសមាជិក ប.ស.ស បន្ថែម ដើម្បីទទួលបានការគាំពារពីសង្គម
អ្នកនាំពាក្យ ៖ គិតត្រឹមម៉ោងនេះពុំទាន់មានព័ត៌មានថាពលករខ្មែររងគ្រោះ ដោយគ្រោះរញ្ជួយដីនៅថៃនៅឡើយទេ
UN បង្កើនការឆ្លើយតបចំពោះការរញ្ជួយដីដ៏សាហាវនៅមីយ៉ាន់ម៉ា និងថៃ
គិតគូរហ្មត់ចត់ប្រព័ន្ធរំដោះទឹក នៅព្រលានតេជោ បង្ការការជន់លិចពីការប្រែប្រួលអាកាសធាតុ
បុរសម្នាក់ ត្រូវបានប៉ុស្តិ៍នគរបាលរដ្ឋបាលសង្កាត់យក្សឡោមចាប់ខ្លួន ក្រោយមកដាក់ពាក្យបណ្តឹងឱ្យជួយរកថ្នាំញៀន
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
ការខូចខាតបឋម ព្រោះគ្រោះរញ្ជួយដីដ៏ខ្លាំងក្លាដែលវាយប្រហារអាស៊ីអាគ្នេយ៍
នាយករដ្ឋមន្ត្រីថៃ ដាក់ចេញបទបញ្ជាបន្ទាន់ដើម្បីគ្រប់គ្រង់គ្រោះរញ្ជួយដី
របាយការណ៍ចុងក្រោយបំផុតអំពីការបំផ្លិចបំផ្លាញ និងរងគ្រោះ ព្រោះការរញ្ជួយដីនៅអាស៊ីអាគ្នេយ៍
-
ព័ត៌មានអន្ដរជាតិ១៩ ម៉ោង agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម២ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ១ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
កីឡា១ សប្តាហ៍ agoកញ្ញា សាមឿន ញ៉ែង ជួយឲ្យក្រុមបាល់ទះវិទ្យាល័យកោះញែក យកឈ្នះ ក្រុមវិទ្យាល័យ ហ៊ុនសែន មណ្ឌលគិរី
-
ព័ត៌មានអន្ដរជាតិ៥ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៣ ថ្ងៃ agoតើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?