ព័ត៌មានជាតិ

ឯកឧត្ដម ហ៊ុន ម៉ានី ៖ ការងារកែទម្រង់រដ្ឋបាលសាធារណៈ មិនមែនជារឿងងាយស្រួលនោះទេ

បានផុស

៣៣ នាទី មុន

នៅ

ថ្ងៃសៅរ៍ ២៧ មេសា ២០២៤

ដោយ

ឯកឧត្ដម ហ៊ុន ម៉ានី ឧបនាយករដ្ឋមន្ត្រី រដ្ឋមន្ត្រីក្រសួងមុខងារសាធារណៈ និងជាប្រធានគណៈកម្មាធិការ លើកឡើងថា ការងារកែទម្រង់រដ្ឋបាលសាធារណៈ មិនមែនជារឿងងាយស្រួលនោះទេ អាចផ្ដល់ផលជះជាវិជ្ជមាន និងអវិជ្ជមាន ដោយកត្តាណាមួយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការលើកឡើងនេះ ក្នុងឱកាស ឯកឧត្ដម ហ៊ុន ម៉ានី បានដឹកនាំកិច្ចប្រជុំអន្តរក្រសួងស្ដីពី«ការពិនិត្យពិភាក្សា អំពីដំណើរការ នៃការត្រួតពិនិត្យឡើងវិញ និងវិភាគមុខងារ និងរចនាសម្ព័ន្ធក្រសួង-ស្ថាប័ន» នៅសាលាភូមិន្ទរដ្ឋបាល កាលពីរសៀលថ្ងៃទី ២៦ ខែមេសា ឆ្នាំ ២០២៤ ម្សិលមិញ។

នាឱកាសនោះ ឯកឧត្ដម ហ៊ុន ម៉ានី បានលើកឡើងថា «ការងារកែទម្រង់ មិនមែនជារឿងងាយស្រួលនោះទេ ព្រមទាំងអាចផ្ដល់ផលជះជាវិជ្ជមាន និងអវិជ្ជមាន ដោយកត្តាណាមួយ»។

ឯកឧត្ដម ហ៊ុន ម៉ានី លើកឡើងបន្តថា តែអ្វីដែលសំខាន់ និងចាំបាច់បំផុតនោះ គឺការកែទម្រង់ដែលធានានូវការផ្តល់ផលប្រយោជន៍រួមជាវិជ្ជមាន ប្រកបដោយប្រសិទ្ធភាពសម្រាប់ជាតិ និងប្រជាជន ស្របតាមបរិបទបច្ចុប្បន្នផង និងដើម្បីធានាភាពធន់ នៃរដ្ឋបាលសាធារណៈក្នុងនិរន្តរភាពយូរអង្វែងផង។

ឯកឧត្ដម ហ៊ុន ម៉ានី លើកឡើងបន្តទៀតថា ការងារកែទម្រង់ ទាមទារទស្សនវិស័យ និងឆន្ទៈនយោបាយខ្ពស់ នៃតួអង្គដឹកនាំ ហើយត្រូវការឲ្យមានការចូលរួមទាំងអស់គ្នាក្នុងការប្ដេជ្ញាចិត្តប្រកបដោយភាពស្មោះត្រង់ និងការលះបង់ខ្ពស់។ ឯកឧត្ដម សូមយកឱកាសនេះ អរគុណដល់ ឯកឧត្ដម លោកជំទាវ ក៏ដូចជាក្រុមការងារអន្តរក្រសួង នៃគណៈកម្មាធិការកែទម្រង់រដ្ឋបាលសាធារណៈ ដែលបានចូលរួមមតិយោបល់ ត្រង់ទៅត្រង់មក ដែលជាធាតុចូលដ៏សំខាន់លើការធ្វើវឌ្ឍនភាពឯកសារ។

ឯកឧត្ដម ហ៊ុន ម៉ានី បន្ថែមថា កិច្ចប្រជុំរបស់គណៈកម្មាធិការកែទម្រង់រដ្ឋបាលសាធារណៈ កាលពីរសៀលម្សិលមិញនេះ បានបង្ហាញយ៉ាងច្បាស់នូវការគិតគូរពិចារណាលើអនាគតរបស់កម្ពុជា ស្របតាមទស្សនវិស័យរបស់ សម្ដេចធិបតី នាយករដ្ឋមន្ត្រី លើការងារកែទម្រង់រដ្ឋបាលសាធារណៈ និងការរៀបចំឲ្យបានស្អាត និងមានរបៀបរៀបរយ។

ទន្ទឹមនឹងនេះ ឯកឧត្ដម ក៏សូមអរគុណដល់ក្រុមការងារបច្ចេកទេសរបស់ក្រសួងមុខងារសាធារណៈគ្រប់ៗ រូប ដែលបានសិក្សា ស្រាវជ្រាវ ពិភាក្សា និងផលិតបានជាឯកសារ នៃសេចក្ដីព្រាងដ៏មានសារៈសំខាន់។

ឯកឧត្ដមឧបនាយករដ្ឋមន្ត្រី បន្ថែមទៀតថា រដ្ឋបាលសាធារណៈ ទំនើប និងប្រកបដោយសមត្ថភាព ស្ថាប័នមានសមិទ្ធកម្មប្រកបដោយគុណភាព មានវិន័យ សីលធម៌ វិជ្ជាជីវៈ ប្រសិទ្ធភាព និងស័ក្ដិសិទ្ធិភាព នឹងក្លាយជាកេរដំណែលដ៏ផូរផង់មួយសម្រាប់បន្សល់ទុកជូនអ្នកជំនាន់ក្រោយទាំងអស់គ្នា៕

អត្ថបទ ៖ ពិសី

Up Next

ស្អែកនេះ ក្រសួងការងារនឹងប្រារព្ធខួបអនុស្សាវរីយ៍លើកទី១៣៨ នៃទិវាពលកម្មអន្តរជាតិក្រោមអធិបតីភាពសម្តេចធិបតី

Don't Miss

មន្ត្រី ប.ស.ស បង្ហាញពីភាពខុសគ្នា នៃការប្រើបណ្ណរវាងបុគ្គលស្វ័យនិយោជន៍ និងអ្នកក្នុងបន្ទុកជាមន្ត្រីរាជការ

ជីវិតកម្សាន្ដ៣ ថ្ងៃ ago

ពេជ្រ ចរណៃ រក្សាបានរាង និងសម្រស់ស្អាត មិនចាញ់តារាបរទេស

ព័ត៌មានជាតិ៥ ថ្ងៃ ago

គេហទំព័រ Weather៖ សប្តាហ៍នេះ កម្ពុជា នឹងក្តៅខ្លាំង ឈានដល់កម្រិតគ្រោះថ្នាក់ ៤០អង្សាសេ

ព័ត៌មានជាតិ៤ ថ្ងៃ ago

កម្ពុជានឹងធ្លាក់ភ្លៀង ៤០% នាដើមរដូវវស្សាឆ្នាំនេះ ខណៈក្រសួងប្រកាសឱ្យប្រុងប្រយ័ត្នបាតុភូត ផ្គរ រន្ទះ និងខ្យល់កន្ត្រាក់

ព័ត៌មានជាតិ៥ ថ្ងៃ ago

តុលាការ បញ្ជាឱ្យចាប់ខ្លួនជនត្រូវចោទ ចោម ខ្វាន់ ពីបទរំលោភលើទំនុកចិត្តអ្នកដទៃ

សេចក្ដីជូនដំណឹង៤ ថ្ងៃ ago

អ្នកឧកញ៉ា ឡេង ណាវ៉ាត្រា បញ្ជាក់ច្បាស់ៗការដោះដូរ ផ្ទះយកដី គឺសម្រាប់តែអតិថិជនស្ម័គ្រចិត្ត ដែលពួកគាត់មានតម្រូវការចាំបាច់ចំណែកគម្រោង បុរី នៅតែប្រកាន់គោលជំហរបញ្ចប់ការដោះស្រាយជូនអតិថិជនទាំងស្រុងដដែល