Connect with us

ព័ត៌មានជាតិ

ក្រសួងបីជួបប្រជុំលើកដំបូង បានព្រមព្រៀងដាក់ចេញគោលការណ៍សំខាន់ៗចំនួន៤ ដើម្បីជួយពលរដ្ឋ

បានផុស

នៅ

ក្រសួងកសិកម្ម រុក្ខាប្រមាញ់ និងនេសាទ ក្រសួងធនធានទឹក និងឧតុនិយម និងក្រសួងអភិវឌ្ឍន៍ជនបទ បានជួបប្រជុំគ្នាជាលើកដំបូង នៅថ្ងៃទី០៦ ខែឧសភា នៅទីស្ដីការក្រសួងកសិកម្ម។ បន្ទាប់ពីបានស្តាប់បទបង្ហាញពីមន្ត្រីជំនាញមកពីក្រសួងទាំង៣ ព្រមទាំងឆ្លងកាត់ការពិភាក្សាយ៉ាងផុលផុស លោករដ្ឋមន្ត្រីទាំង៣រូប ជាសហប្រធានអង្គប្រជុំបានព្រមព្រៀងជាគោលការណ៍នូវចំណុចសំខាន់ចំនួន៤។ នេះបើតាមសេចក្តីប្រកាសព័ត៌មានរួម ស្តីពី កិច្ចប្រជុំត្រីភាគី អំពី “ការងារកសិកម្ម អភិវឌ្ឍន៍ជនបទ និងធនធានទឹក”។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមសេចក្ដីប្រកាសព័ត៌មានដដែល កិច្ចព្រមព្រៀងជាគោលការណ៍នូវចំណុចសំខាន់ចំនួន៤  រួមមាន៖ទី១. កំណត់គោលដៅយុទ្ធសាស្ត្រដែលជាអាទិភាពរួមរបស់ក្រសួងទាំង៣ ដោយដាក់កម្លាំងនិងធនធានរួមគ្នាដើម្បី សហការអនុវត្តឱ្យបានជោគជ័យ។ ទី២. ប្រឹក្សាយោបល់ជាមួយគ្នាតាមជំនាញនិងវិស័យរៀងៗខ្លួនឱ្យបានទៀងទាត់និងជាប់លាប់ ដើម្បីបង្ការនិងទម្លុះ នូវភាពរាំងស្ទះទាំងឡាយដើម្បីឈានទៅសម្រេចបាននូវគោលដៅដែលបានកំណត់។

ឯទី៣. ផ្សារភ្ជាប់គម្រោងនិងកម្មវិធីគោលនយោបាយដែលពាក់ព័ន្ធនឹងសហគមន៍របស់ក្រសួងទាំង៣ ដូចជា សហគមន៍កសិកម្មទំនើបរបស់ក្រសួងកសិកម្ម សហគមន៍កសិករប្រើប្រាស់ទឹករបស់ក្រសួងធនធានទឹក និង គម្រោងភូមិគំរូរបស់ក្រសួងអភិវឌ្ឍន៍ជនបទ ធ្វើយ៉ាងណាជួយដល់ប្រជាពលរដ្ឋនៅតាមមូលដ្ឋានឱ្យទទួលបាន អត្ថប្រយោជន៍ជាអតិបរមា និងទី៤. ឯកភាពជាគោលការណ៍បង្កើតក្រុមការងារអន្តរក្រសួង ដើម្បីធ្វើការរួមគ្នាជាប់លាប់ និងដាក់ចេញនូវរបបប្រជុំ ទៀងទាត់រៀងរាល់៣ខែម្តង ដើម្បីតាមដានការងារដែលបានដាក់ចេញ និងកំណត់ផែនការងារបន្ត។

រូបថតលោក ឌិត ទីណា រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ។

ដោយឡែក ក្នុងកិច្ចប្រជុំដដែល លោក ឌិត ទីណា រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ មានបានចាត់ទុកកិច្ចប្រជុំដែលក្រសួងទាំង៣ បានជួបគ្នានៅថ្ងៃចន្ទ ថាមានសារៈសំខាន់ ដើម្បីឱ្យថ្នាក់ដឹកនាំក៏ដូចជាមន្ត្រីជំនាញនៃក្រសួងទាំង៣ បានយល់អំពីយុទ្ធសាស្ត្រនិងការងារ អាទិភាពរបស់ក្រសួងនីមួយៗ ហើយប្រមូលផ្តុំធនធាននិងបច្ចេកទេស សម្រាប់អនុវត្តការងារ បម្រើប្រជាជនឱ្យបាន លទ្ធផលកាន់តែប្រសើរ។ តាមរយៈកិច្ចប្រជុំនេះ លោករដ្ឋមន្ត្រី ឌិត ទីណា មានសុទិដ្ឋិនិយមថា ក្រសួងទាំង៣ នឹងចាប់ផ្តើមបង្កើនកិច្ចសហការរវាងគ្នាឱ្យកាន់តែរលូន ដើម្បីជួយលើកកម្ពស់ជីវភាពប្រជាជនឱ្យមានបាន ផ្តល់ផល ចំណេញដល់កសិករ និងមានប្រសិទ្ធភាពសេដ្ឋកិច្ចដល់ទីជនបទ។

ចំណែកលោក ថោ ជេដ្ឋា រដ្ឋមន្ត្រីក្រសួងធនធានទឹក និងឧតុនិយម បានគូសបញ្ជាក់អំពីគោលនយោបាយទឹករបស់ កម្ពុជាដែលត្រូវបម្រើដល់អន្តរវិស័យ។ យ៉ាងណាក៏ដោយ លោករដ្ឋមន្ត្រី ថោ ជេដ្ឋា អះអាងថា ការផ្គត់ផ្គង់ទឹក សម្រាប់វិស័យកសិកម្មក៏ជាអាទិភាពមួយរបស់ក្រសួងផងដែរ ហើយក្រសួងធនធានទឹក និងឧតុនិយម នឹងសហការ ជាមួយក្រសួងកសិកម្ម រុក្ខាប្រមាញ់ និងនេសាទ ដើម្បីដោះស្រាយបញ្ហាទឹកជូនដល់ប្រជាកសិករ តាមរយៈការអភិវឌ្ឍ ប្រព័ន្ធធារាសាស្ត្រនៅតាមភូមិសាស្ត្រដែលប្រឈមនឹងការខ្វះទឹក ឬរងគ្រោះដោយទឹកជំនន់ជាប់ជាប្រចាំ។

ដោយឡែក សម្រាប់លោក ឆាយ ឫទ្ធិសែន រដ្ឋមន្ត្រីក្រសួងអភិវឌ្ឍន៍ជនបទ បានសម្តែងការគាំទ្រចំពោះការលើក ឡើងរបស់សហប្រធានអង្គប្រជុំទាំង២រូប និងបានប្តេជ្ញាថា ក្រសួងអភិវឌ្ឍន៍ជនបទត្រៀមខ្លួនរួចជាស្រេច ដើម្បីសហការ ជាមួយក្រសួងកសិកម្ម រុក្ខាប្រមាញ់ និងនេសាទ ព្រមទាំងក្រសួងធនធានទឹក និងឧតុនិយម ដើម្បីអភិវឌ្ឍហេដ្ឋា រចនាសម្ព័ន្ធចាំបាច់នានា ដើម្បីឈានទៅសម្រេចឱ្យបាននូវគោលនយោបាយអាទិភាពដែលដាក់ចេញដោយរាជរដ្ឋាភិបាល អាណត្តិទី៧៕

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ១៣ នាទី មុន

ក្នុងឆ្នាំនេះ អៀរឡង់ ផ្តល់ជំនួយ៨០ម៉ឺនអ៊ឺរ៉ូ សម្រាប់សកម្មភាពកម្ចាត់មីនរបស់អង្គការហេឡូត្រាស្តនៅកម្ពុជា

ព័ត៌មានជាតិ២៨ នាទី មុន

សារធាតុញៀន និងសារធាតុគីមីជាង ៤តោន ត្រូវបានដុតកម្ទេចនៅថ្ងៃទី១៤ ខែមិថុនានេះ

ជីវិតកម្សាន្ដ១ ម៉ោង មុន

រឿង “The Tale of Rose” ចេញ ៥ វគ្គដំបូង Liu Yifei ប្ដូរសំលៀកបំពាក់រហូតដល់ ៣៥ ឈុត

ព័ត៌មានជាតិ២ ម៉ោង មុន

អភិបាលរងរាជធានី គំរាមបញ្ឈប់លែងឲ្យដេញថ្លៃចំពោះក្រុមហ៊ុនដែលអនុវត្តធ្វើឲ្យពលរដ្ឋថ្នាំងថ្នាក់និងឈឺចាប់

សេដ្ឋកិច្ច២ ម៉ោង មុន

កម្ពុជាមានវឌ្ឍនភាពល្អប្រសើរក្នុងការពង្រឹងតម្លាភាពថវិកា យោងតាមរបាយការណ៍របស់      ស្ថាប័នអន្តរជាតិ

កីឡា២១ ម៉ោង មុន

ជើង​ខ្លាំង​រុស្ស៊ី​ខ្សែក្រវាត់​ច្រើន Alexandr សង្ឃឹមឈ្នះ ធឿន ធារ៉ា ២០០%

ព័ត៌មានជាតិ៣ ម៉ោង មុន

ណែនាំឲ្យស្គាល់ក្រុមហ៊ុន​អាកាសចរណ៍​ទាំង ៣១ ក្រុមហ៊ុន ​​មានជើង​ហោះហើរ​​ត្រង់​មក​ប្រទេស​កម្ពុជា

ព័ត៌មានជាតិ១៨ ម៉ោង មុន

សមត្ថកិច្ចនៃអគ្គស្នងការដ្ឋាននគរបាលជាតិ ឃាត់ខ្លួនជនសង្ស័យពីរនាក់ ពាក់ព័ន្ធបទល្មើសសម្អាតប្រាក់

ព័ត៌មានជាតិ១៧ ម៉ោង មុន

លោក​ ទៀ សីហា ជំរុញឱ្យរដ្ឋបាលខេត្តសៀមរាបរៀបចំវេទិកាសាធារណៈ ដើម្បីឱ្យពលរដ្ឋបង្ហាញពីទុក្ខលំបាក

ព័ត៌មានជាតិ២១ ម៉ោង មុន

ថ្នាល​បណ្តុះ​កូន​ឈើ​ថ្នាក់​តំបន់​ដំបូង​បំផុត បំពាក់​​ប្រព័ន្ធ​ស្រោចស្រពស្វ័យប្រវត្តិ​​ ទាញ​ថាមពល​ពន្លឺព្រះអាទិត្យ

Sokha Hotels

ព័ត៌មានពេញនិយម