ព័ត៌មានជាតិ
អាកាសធាតុធម្មតាវិញ ក្រសួងអប់រំ បញ្ជាឱ្យគ្រឹះស្ថានសិក្សា អនុវត្តម៉ោងចេញពីរៀនម៉ោង១១ និងចូលរៀនម៉ោង១ ដូចដើម
បន្ទាប់ពីអាកាសធាតុនៅកម្ពុជាត្រឡប់មកស្ថិតក្នុងសីតុណ្ហភាព៣០ ទៅ ៣៥ អង្សារសេ ពោលគឺលែងក្ដៅកម្រិត៤០អង្សារសេដូចមុន ក្រសួងអប់រំ យុវជន និងកីឡា បានបញ្ជាឱ្យគ្រឹះស្ថានសិក្សា អនុវត្តម៉ោងចេញពីរៀននៅម៉ោង១១ និងចូលរៀនវិញនៅម៉ោង១ រសៀល ដូចដើមឡើងវិញ។ នេះបើតាមលិខិតរបស់ក្រសួងអប់រំ ដែលចេញនៅថ្ងៃទី០៧ ខែមេសា នេះ។
គួររំលឹកជូនថា កាលពីចុងខែមេសា នាយករដ្ឋមន្ត្រីកម្ពុជា សម្ដេចធិបតី ហ៊ុន ម៉ាណែត បានបញ្ជាឱ្យក្រសួងអប់រំ កែប្រែម៉ោងចេញ និងចូលរៀន ដើម្បីបញ្ចៀសហានិភ័យផ្នែកសុខភាពលើកុមារ ក្នុងពេលដែលអាកាសធាតុកំពុងក្ដៅខ្លាំងនៅអំឡុងម៉ោង១០ព្រឹក ទៅដល់២រសៀល។
ភ្លាមៗ អនុវត្តន៍តាមបទបញ្ជា ឧបនាយករដ្ឋមន្ត្រី រដ្ឋមន្ត្រីក្រសួងអប់រំ នៅថ្ងៃទី៣០ ខែមេសា បានបញ្ជាឱ្យគ្រប់គ្រឹះស្ថានសិក្សានៅទូទាំងប្រទេសកម្ពុជា កែម៉ោងចេញចូលរៀន ដើម្បីបញ្ចៀស បង្ការទប់ស្កាត់ហានិភ័យ និងចៀសវាងជំងឺផ្សេងៗ ដែលអាចប៉ះពាល់ដល់សុខភាព ការរៀនសូត្ររបស់សិស្សានុសិស្ស និងការបំពេញការងាររបស់លោកគ្រូ អ្នកគ្រូ។ ក្នុងនោះ បានបញ្ជាឱ្យគណៈគ្រប់គ្រងគ្រឹះស្ថានសិក្សាទាំងអស់ ពិនិត្យស្ថានភាពជាក់ស្តែង និងចាត់ចែងអនុវត្ត ដូចជា នៅពេលព្រឹក ចូលរៀននៅម៉ោង ៧:០០ ចេញម៉ោង ១០:០០ព្រឹក ចំណែកនៅពេលរសៀល ចូលរៀននៅម៉ោង ១៤:០០ ចេញម៉ោង ១៧:០០ល្ងាច។ ក្នុងនោះក្នុងមួយម៉ោងសិក្សា លោកគ្រូ អ្នកគ្រូត្រូវឱ្យសិស្សឈប់សម្រាក ឬចេញលេងរយៈពេល ១៥ នាទី។ បន្ថែមពីនេះ គ្រឹះស្ថានសិក្សាត្រូវត្រៀមទឹកសម្រាប់គ្រូបង្រៀន និងសិស្សប្រើប្រាស់ និងណែនាំសិស្សឱ្យយកទឹកឆ្អិនពីផ្ទះមកទទួលទាន ចំណែកក្នុងករណីសីតុណ្ហភាពឡើងខ្លាំងលើសពីការគ្រប់គ្រង គ្រឹះស្ថានសិក្សាមានសិទ្ធិក្នុងការសម្រេចជាក់ស្តែងអនុវត្តតាមគោលការណ៍ដែលមានស្រាប់វិញ នៅពេលផុតរដូវក្តៅ។
ជាការកត់សម្គាល់ ចូលមកដល់ដើមខែឧសភា អាកាសធាតុនៅក្នុងប្រទេសកម្ពុជា ហាក់ថមថយកម្ដៅជាងខែមេសា ដែលក្នុងនោះតំបន់រាជធានីភ្នំពេញ កម្ដៅស្ថិតក្នុងសីតុណ្ហភាពក្រោម៣៦អង្សារសេ ដែលជាសញ្ញាល្អបើធៀបនឹងខែមេសា ដែលកម្ដៅក្ដៅរហូតដល់៤០អង្សារសេ។ ជាមួយគ្នានេះ នៅដើមខែឧសភា នៅរាជធានីភ្នំពេញ និងបណ្ដាខេត្តមួយចំនួននៅកម្ពុជា បានមានភ្លៀងធ្លាក់ជាបន្តបន្ទាប់ ក្នុងកម្រិតពីបង្គួរទៅខ្លាំង៕
-
ព័ត៌មានជាតិ៦ ថ្ងៃ ago
ស្ថានភាពធាតុអាកាសនៅកម្ពុជា ចាប់ថ្ងៃទី២ ដល់ថ្ងៃទី៤ ខែឧសភា ឆ្នាំ២០២៤
-
ព័ត៌មានជាតិ៦ ថ្ងៃ ago
ក្នុងករណីក្ដៅខ្លាំងលើស៤០អង្សារ សម្ដេចធិបតី ណែនាំឱ្យគណៈគ្រប់គ្រងសាលាផ្អាកការសិក្សាបន្ទាន់
-
សេដ្ឋកិច្ច១ ថ្ងៃ ago
ធនាគារ SinoPac ទិញយកគ្រឹះស្ថានមីក្រូហិរញ្ញវត្ថុអម្រឹតក្នុងទឹកប្រាក់ជាង៥០០លានដុល្លារ
-
ជីវិតកម្សាន្ដ២ ថ្ងៃ ago
ក្រោយលែងលះ តារាហុងកុង Roger សល់ទ្រព្យ ១១ លានដុល្លារ ខណៈអតីតភរិយាចុះចេញតែខ្លួន
-
ព័ត៌មានជាតិ៥ ថ្ងៃ ago
ប្រភពមន្រ្តីព្រលាន៖ មានភ្ញៀវជិះពេញ សម្ពោធជើងហោះហើររបស់ Air Asia Cambodia ទៅសៀមរាប
-
ព័ត៌មានអន្ដរជាតិ៦ ថ្ងៃ ago
ផ្ទុះរោងចក្រឈើនៅវៀតណាម ផ្តាច់ជីវិតមនុស្ស ៦នាក់
-
ព័ត៌មានជាតិ៥ ថ្ងៃ ago
សម្ដេចតេជោ ចោទសួរទៅកាន់វិទ្យុមួយថា តើល្ងង់មែនទេ ដែលវាយប្រហារភរិយាសម្ដេចធិបតី?
-
ជីវិតកម្សាន្ដ៥ ថ្ងៃ ago
តារាចម្រៀងហុងកុង Steven Cheung ធ្លាក់ខ្លួនខ្លាំង សូម្បីលុយបង់ភ្លើងក៏គ្មានផង