ព័ត៌មានជាតិ

ខឹងជនបរទេសគប់បែកកញ្ចក់ហាងយកច្រវ៉ាក់ដែកដេញវាយបែកក្បាល

បានផុស

៥ years មុន

នៅ

ថ្ងៃព្រហស្បតិ៍ ២៥ កុម្ភៈ ២០២១

ដោយ

បុរសបរទេសជាជនជាតិរុស្ស៊ីម្នាក់ត្រូវបានអ្នកធ្វើការក្នុងហាងthe tendoor យកច្រវ៉ាក់ដែកវាយបណ្ដាលឲ្យបែកក្បាលហូរឈាម ព្រោះតែបុរសជនបរទេសរូបនោះយកដបស្រាបៀរគប់បណ្តាលឲ្យបំបែកកញ្ចក់ហាង។

មន្ត្រីប៉ុស្តិនគរបាលរដ្ឋបាលផ្សារកណ្តាលទី១ នៃអធិការដ្ឋាននគរបាលខណ្ឌដូនពេញបានឲ្យដឹងថាករណីហិង្សាដោយចេតនាយកច្រវ៉ាក់វាយបណ្តាលឲ្យបែកក្បាលនោះបង្កឡើងដោយឈ្មោះ. គឹម សាន ភេទប្រុស អាយុ២៦ឆ្នាំ មុខរបរបុគ្គលិកភោជនីដ្ឋាន the tendoor ជនជាតិខ្មែរ ស្នាក់ផ្ទះ១៦៩ ផ្លូវព្រះស៊ីសុវត្តិ ភូមិ១ សង្កាត់ផ្សារកណ្តាលទី១ ខណ្ឌដូនពេញ។ ចំណែកជនរងគ្រោះមិនស្គាល់អត្តសញ្ញាណទេ ជាជនជាតិរុស្ស៊ីត្រូវបានមិត្តភក្តិដឹកយកទៅព្យាបាលនៅមន្ទីរពេទ្យកាល់ម៉ែត្រ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រភពព័ត៌មានដដែលបានបន្តទៀតថាកាលពីថ្ងៃទី២៥ ខែកុម្ភៈឆ្នាំ២០២១ វេលាម៉ោង០៤និង៤០នាទីជនរងគ្រោះ បានយកដបស្រាបៀរ គប់ទៅហាង the tendoor ដែលជាកន្លែងជនសង្ស័យ ធ្វើការនិងស្នាក់នៅបណ្តាលឲ្យបែកកញ្ចក់ខាងមុខហាង ភ្លាមនោះជនសង្ស័យបានយកច្រវ៉ាក់ដេញវាយជនរងគ្រោះមកដល់មុខផ្ទះលេខ ២Eoផ្លូវព្រះស៊ីសុវត្តិកែង១១៨ភូមិ២សង្កាត់ផ្សារកណ្តាលទី១ខណ្ឌដូនពេញ បណ្តាលឲ្យបែកក្បាលផ្នែកខាងឆ្វេងក៏ត្រូវបានកម្លាំងសមត្ថកិច្ចមូលដ្ឋានឃាត់ខ្លួនជនសង្ស័យរូបនោះតែម្តង។

បច្ចុប្បន្នជនរងគ្រោះត្រូវបានមិត្តភ័ក្ដិដឹកយកទៅព្យាបាលនៅមន្ទីរពេទ្យកាល់ម៉ែត្រដើម្បីព្យាបាលរបួស៕

អត្ថបទ ៖ រស្មី