ព័ត៌មានជាតិ
ផែនការនាំចេញម្រេចកម្ពុជា ទៅទីផ្សារអារ៉ាប់មិនទាន់ចេញដោយសារការចរចារតម្លៃ
ផែនការនាំចេញម្រេចកម្ពុជាទៅកាន់ទីផ្សារអារ៉ាប់នៅមិនទាន់លេចចេញជារូបរាងនៅឡើយទេ ដោយសារការចរចារតម្លៃមិនត្រូវគ្នារវាងក្រុមហ៊ុននាំចេញ។
លោក ម៉ាក នី ប្រធានសហព័ន្ធម្រេច និងគ្រឿងទេសកម្ពុជា បានឱ្យដឹងថា ផែនការនាំម្រេចចេញទៅកាន់ទីផ្សារអារ៉ាប់ មិនទាន់មានក្រុមហ៊ុនណាមួយអាចនាំចេញទៅបាននោះទេ ដោយសារការចរចារតម្លៃ មិនទាន់ត្រូវរ៉ូវគ្នា។
លោក ម៉ាក នី ថ្លែងថា៖ «អត់មានក្រុមហ៊ុនណានាំទៅបានទេ ដោយសារតម្លៃចរចារអត់ទាន់ត្រូវគ្នា យើងអត់ដឹងថាអាចនាំចេញបានពេលណាទេ តែសំខាន់រឿងតម្លៃបើគេឱ្យយើងចំណេញទើបយើងនាំចេញបាន»។
លោក ម៉ាក នីបានឱ្យដឹងថា ក្នុង១ឆ្នាំកម្ពុជាប្រមូលផលម្រេចបានក្នុងរង្វង់ ១,៧-២ ម៉ឺនតោនលើផ្ទៃដីជាង ៦ ពាន់ហិកតា ប៉ុន្តែនៅឆ្នាំនេះ ទិន្នផលអាចធ្លាក់ចុះ ៥០ ភាគរយដោយសារអាកាសធាតុ។ សម្រាប់តម្រូវការក្នុងស្រុកមានត្រឹមប្រមាណ ១ ពាន់តោន សល់ពីនោះ គឺនាំចេញទាំងអស់។
យោងតាមរបាយការណ៍របស់ក្រសួងកសិកម្ម រុក្ខាប្រមាញ់ និងនេសាទ ឱ្យដឹងថា ចន្លោះពីខែមករា ដល់ខែធ្នូ ឆ្នាំ ២០២៣ កម្ពុជាបាននាំចេញកសិផល ៨ ៤៤៩ ៤១៤,៣៦ តោន ធ្លាក់ចុះ ១,៩ ភាគរយបើធៀបនឹងឆ្នាំ២ ០២២ ក្នុងនោះការនាំចេញម្រេចមានចំនួន ៦ ១៥២,៨៣ តោន ធ្លាក់ចុះចំនួន ២៦,៧៦ ភាគរយ៕
អត្ថបទ៖ ឡេង ដេត
-
ព័ត៌មានអន្ដរជាតិ៥ ថ្ងៃ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
ព័ត៌មានអន្ដរជាតិ៦ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានអន្ដរជាតិ៥ ថ្ងៃ agoវិមានក្រឹមឡាំង៖ ពូទីន ត្រៀមជួបហ្សេលេនស្គី ទាល់តែមានការចុះហត្ថលេខាលើកិច្ចព្រមព្រៀងសន្តិភាព
-
ព័ត៌មានជាតិ៥ ថ្ងៃ agoទេសចរគួរដឹងអ្វីខ្លះ ពេលទៅកម្សាន្តតំបន់អេកូទេសចរណ៍រ៉ាមសារសម្រស់កោះហានក្នុងខេត្តស្ទឹងត្រែង?
-
ព័ត៌មានជាតិ១ សប្តាហ៍ agoមន្រ្តីបរិស្ថានស្នើពលរដ្ឋកុំបរិភោគត្រីងាប់ និងផ្អាកប្រើប្រាស់ទឹកព្រែកត្រែង នៅស្រុករតនៈមណ្ឌល ខេត្តបាត់ដំបង
-
ព័ត៌មានជាតិ៤ ថ្ងៃ agoតំណាងអយ្យការសម្រេចចោទប្រកាន់លោកផ្កាយបីនិងលោកផ្កាយពីរ រួមអ្នកពាក់ព័ន្ធ៤នាក់ផ្សេងទៀត
-
សន្តិសុខសង្គម៤ ថ្ងៃ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ
-
ព័ត៌មានជាតិ១ ថ្ងៃ agoអាជ្ញាធរទាត់ចោលព័ត៌មានដែលផ្សាយថា ថៃបានឈ្លានពានចូលទឹកដីខ្មែរនៅខេត្តប៉ៃលិន