ព័ត៌មានជាតិ

ផែនការនាំចេញម្រេចកម្ពុជា ទៅទីផ្សារអារ៉ាប់មិនទាន់ចេញដោយសារការចរចារតម្លៃ

បានផុស

២ years មុន

នៅ

ថ្ងៃចន្ទ ២០ ឧសភា ២០២៤

ដោយ

ផែនការនាំចេញម្រេចកម្ពុជាទៅកាន់ទីផ្សារអារ៉ាប់នៅមិនទាន់លេចចេញជារូបរាងនៅឡើយទេ ដោយសារការចរចារតម្លៃមិនត្រូវគ្នារវាងក្រុមហ៊ុននាំចេញ។

លោក ម៉ាក នី ប្រធានសហព័ន្ធម្រេច និងគ្រឿងទេសកម្ពុជា បានឱ្យដឹងថា ផែនការនាំម្រេចចេញទៅកាន់ទីផ្សារអារ៉ាប់ មិនទាន់មានក្រុមហ៊ុនណាមួយអាចនាំចេញទៅបាននោះទេ ដោយសារការចរចារតម្លៃ មិនទាន់ត្រូវរ៉ូវគ្នា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ម៉ាក នី ថ្លែងថា៖ «អត់មានក្រុមហ៊ុនណានាំទៅបានទេ ដោយសារតម្លៃចរចារអត់ទាន់ត្រូវគ្នា យើងអត់ដឹងថាអាចនាំចេញបានពេលណាទេ តែសំខាន់រឿងតម្លៃបើគេឱ្យយើងចំណេញទើបយើងនាំចេញបាន»។

លោក ម៉ាក នីបានឱ្យដឹងថា ក្នុង១ឆ្នាំកម្ពុជាប្រមូលផលម្រេចបានក្នុងរង្វង់ ១,៧-២ ម៉ឺនតោនលើផ្ទៃដីជាង ៦ ពាន់ហិកតា ប៉ុន្តែនៅឆ្នាំនេះ ទិន្នផលអាចធ្លាក់ចុះ ៥០ ភាគរយដោយសារអាកាសធាតុ។ សម្រាប់តម្រូវការក្នុងស្រុកមានត្រឹមប្រមាណ ១ ពាន់តោន សល់ពីនោះ គឺនាំចេញទាំងអស់។

យោងតាមរបាយការណ៍របស់ក្រសួងកសិកម្ម រុក្ខាប្រមាញ់ និងនេសាទ ឱ្យដឹងថា ចន្លោះពីខែមករា ដល់ខែធ្នូ ឆ្នាំ ២០២៣ កម្ពុជាបាននាំចេញកសិផល ៨ ៤៤៩ ៤១៤,៣៦ តោន ធ្លាក់ចុះ ១,៩ ភាគរយបើធៀបនឹងឆ្នាំ២ ០២២ ក្នុងនោះការនាំចេញម្រេចមានចំនួន ៦ ១៥២,៨៣ តោន ធ្លាក់ចុះចំនួន ២៦,៧៦ ភាគរយ៕