ព័ត៌មានជាតិ
រដ្ឋបាលស្រុករលាប្អៀរ ចុះអប់រំ ណែនាំពលរដ្ឋទប់ស្កាត់ការរីករាលដាលជំងឺកូវីដ១៩កុំឲ្យឆ្លងចូលសហគមន៍
រដ្ឋបាលស្រុករលាប្អៀរ នៅព្រឹកថ្ងៃទី២៥ ខែកុម្ភៈ ឆ្នាំ២០២១ បានចាត់តាំងមន្ត្រីមួយចំនួន ចុះអប់រំផ្សព្វផ្សាយពីវិធានការ ការពារកូវីដ១៩ នៅតាមទីប្រជុំជនចំនួន៣ទីតាំងដើម្បីទប់ស្កាត់កុំឲ្យឆ្លងចូលក្នុងសហគមន៍ ។
លោក យ៉ង់ សៅវុទ្ធី អភិបាលស្រុករលាប្អៀរបានឲ្យដឹងថា នៅក្នុងថ្ងៃទី២៥នេះ រដ្ឋបាលស្រុកបានចាត់តាំងមន្ត្រីមួយចំនួនចុះអប់រំប្រជាពលរដ្ឋនៅតាមទីប្រជុំជន ដើម្បីទប់ស្កាត់ជំងឺកូវីដ១៩ កុំឲ្យឆ្លងចូលក្នុងសហគមន៍ ក្នុងនោះគឺ១.ផ្សារពង្រ ដឹកនាំដោយលោក សេង វិចិត្រ អភិបាលរងស្រុក ដោយមានការចូលរួមផ្តល់កិត្តិយសពីសំណាក់លោក ជំទាវ កែ ច័ន្ទមុនី អ្នកតំណាងរាស្ត្រ និងលោក អ៊ូ ជួបកុសល ប្រធានមន្ទីរសេដ្ឋកិច្ច និងហិរញ្ញវត្ថុខេត្តនិងអាជ្ញាធរឃុំភូមិប៉ុស្តិ៍រដ្ឋបាល កម្លាំងប្រជាការពារសហភាពសហព័ន្ធយុវជនកម្ពុជាស្រុក និងមន្ត្រីក្នុងឃុំផងដែរ។

២.ផ្សារព្រៃខ្មែរ ដឹកនាំដោយលោក អភិបាលស្រុក និងលោកស្រី ឈឹម សុផល អភិបាលរងស្រុក ដោយមានការចូលរួមពីលោក ហ៊ិន សុវណ្ណនី អនុប្រធានមន្ទីរសេដ្ឋកិច្ច និងហិរញ្ញវត្ថុខេត្ត អាជ្ញាធរឃុំភូមិ ប៉ុស្តិ៍រដ្ឋបាល សហភាពសហព័ន្ធយុវជនកម្ពុជាស្រុក ឃុំ បងប្អូនប្រជាការពារ ផងដែរ ។
៣.ដឹកនាំដោយលោកស្រី អោក សុភារី អភិបាលរងស្រុក អាជ្ញាធរឃុំក្រាំងលាវ ឃុំព្រៃមូល មណ្ឌល សុខភាព ប៉ុស្តិ៍រដ្ឋបាលឃុំ បានចុះពិនិត្យពលករមកពីកូរ៉េ នៅឃុំក្រាំងលាវ និងប្រជាពលរដ្ឋមកពីភ្នំពេញ នៅឃុំព្រៃមូល លទ្ធផលបានធ្វើការចត្តាឡីស័ករួចហើយ ។

ក្នុងខណៈនោះក្រុមបានផ្សព្វផ្សាយឲ្យពលករ និងប្រជាពលរដ្ឋ ដែលពាក់ព័ន្ធត្រូវអនុវត្តតាមវិធានការណ៍របស់ក្រសួងសុខាភិបាល នៅដាច់ដោយឡែករយៈពេល១៤ថ្ងៃ និងធ្វើអនាម័យខ្លួនប្រាណឲ្យបានល្អប្រសើរ ។
៤. ផ្សារស្មែត ដឹកនាំដោយលោក ផុន សីហា នាយករងរដ្ឋបាលស្រុក ដោយមានការចូលរួមពីលោក យី ភួន មេឃុំស្វាយជ្រុំ អាជ្ញាធរឃុំភូមិ ប៉ុស្តិ៍រដ្ឋបាល សហភាពសហព័ន្ធយុវជនកម្ពុជាស្រុក ឃុំ និងបងប្អូនប្រជាការពារ ផងដែរ ។

នៅក្នុងសកម្មភាពនេះក្រុមការងារបានចែកម៉ាស់ និងបានណែនាំប្រជាពលរដ្ឋពីរបៀបលាងដៃនឹងសាប៊ូ បាញ់អាកុល តាមវិធានការណែនាំរបស់ក្រសួងសុខាភិបាលដើម្បីឲ្យប្រជាពលរដ្ឋបានយល់ដឹងនិងចូលរួមទាំងអស់គ្នា ក្នុងការទប់ស្កាត់ជំងឺកូវីដ កុំឲ្យឆ្លងរាលដាលចូលក្នុងសហគមន៍៕
អត្ថបទ ៖ ឈៀងថារិទ្ធ










-
ព័ត៌មានជាតិ១ សប្តាហ៍ agoពិធី “រៀបមង្គលការលេង” មួយគូ នៅវត្តបឹងត្រាវ ប្រមូលថវិកាសាងសង់វត្ត អបអរបុណ្យចូលឆ្នាំខ្មែរ
-
ព័ត៌មានជាតិ៦ ថ្ងៃ ago៦ថ្ងៃក្នុងព្រឹត្តិការណ៍ «នគរសង្ក្រាន្ត» មន្ទីរសុខាភិបាលរាជធានីភ្នំពេញ បានពិនិត្យ និងព្យាបាលជូនពលរដ្ឋជាង២ពាន់នាក់
-
ព័ត៌មានអន្ដរជាតិ៣ ថ្ងៃ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
ព័ត៌មានអន្ដរជាតិ៤ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានជាតិ១ សប្តាហ៍ agoកម្ពុជារឹតបន្តឹង និងទប់ស្កាត់សំណល់អេឡិចត្រូនិក ខណៈអាស៊ីអាគ្នេយ៍កំពុងក្លាយជាគោលដៅថ្មី
-
ព័ត៌មានអន្ដរជាតិ៣ ថ្ងៃ agoវិមានក្រឹមឡាំង៖ ពូទីន ត្រៀមជួបហ្សេលេនស្គី ទាល់តែមានការចុះហត្ថលេខាលើកិច្ចព្រមព្រៀងសន្តិភាព
-
ព័ត៌មានជាតិ៧ ថ្ងៃ agoបដិសេធមិនឱ្យ សម រង្ស៊ី ចូលរួមការជួបជុំសមាគមខ្មែរនៅប៉ារីស គឺដើម្បីបញ្ចៀសការភ្ជាប់ជាមួយបុគ្គលនេះកំពុងជាប់ទោស
-
សន្តិសុខសង្គម២ ថ្ងៃ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ


