Connect with us

ព័ត៌មានជាតិ

រដ្ឋមន្ត្រីសុខាភិបាលស្នើ IAEA ជួយពង្រឹងសមត្ថភាពព្យាបាលជំងឺមហារីកនៅកម្ពុជា

បានផុស

នៅ

សាស្ត្រាចារ្យ ឈាង រ៉ា រដ្ឋមន្ត្រី ក្រសួងសុខាភិបាល បានស្នើ ទីភ្នាក់ងារថាមពលបរមាណូអន្តរជាតិ (IAEA) ជួយពង្រឹង និងពង្រីកសមត្ថភាពស្រាវជ្រាវធ្វើរោគវិនិច្ឆ័យ និងព្យាបាលជំងឺមហារីកជូនប្រជាជនកម្ពុជា ដើម្បីឈានទៅសម្រេចបាននូវការគ្របដណ្តប់សុខភាពជាសកល។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅក្នុងជួបប្រជុំ និងពិភាក្សាការងារទ្វេភាគី ជាមួយ លោកស្រីវេជ្ជបណ្ឌិត Lisa Stevens នាយិកាកម្មវិធីមហារីក នៃទីភ្នាក់ងារថាមពលបរមាណូអន្តរជាតិ នាពីថ្ងៃទី២៩ ខែឧសភា ឆ្នាំ២០២៤ នេះ នៅក្រៅមហាសន្និបាតសុខភាពពិភពលោក លើកទី៧៧ នៅប្រទេសស្វីស លោករដ្ឋមន្ត្រី បានស្នើសុំឱ្យ ទីភ្នាក់ងារថាមពលបរមាណូអន្តរជាតិ ពិនិត្យ និងសម្រេចអនុម័តលើគម្រោងនានា ដែលក្រសួងសុខាភិបាលកម្ពុជា គ្រោងនឹងដាក់ស្នើទីភ្នាក់ងារថាមពលបរមាណូអន្តរជាតិ នាពេលឆាប់ៗខាងមុខនេះ និងបានអំពាវនាវ ដល់ដៃគូអភិវឌ្ឍន៍ទាំងអស់ តាមរយៈទីភ្នាក់ងារថាមពលបរមាណូអន្តរជាតិ ជួយគាំទ្រក្រសួងសុខាភិបាល ក្នុងការអភិវឌ្ឍ និងដំណើរការ មន្ទីរពេទ្យហ្លួងម៉ែ ដែលជាមន្ទីរពេទ្យជាតិឯកទេសផ្នែកជំងឺមហារីក ឱ្យមានសមត្ថភាពបច្ចេកទេសខ្ពស់ដូចបណ្តាប្រទេសជឿនលឿននានា។

សាស្ត្រាចារ្យរដ្ឋមន្ត្រី បានថ្លែងអំណរគុណដល់ ទីភ្នាក់ងារថាមពលបរមាណូអន្តរជាតិ ដែលបានយកចិត្តទុកដាក់ជួយកម្ពុជា ពង្រឹងសមត្ថភាពកាន់តែប្រសើរឡើងក្នុងការព្យាបាលជំងឺមហារីក និងនុយក្លេអ៊ែរផ្នែកវេជ្ជសាស្ត្រ ព្រមទាំងបានចូលរួមចំណែកក្នុងការបង្កើតមជ្ឈមណ្ឌលជាតិជំងឺមហារីកដែលត្រូវបានសម្ពោធ កាលពីខែមករា ឆ្នាំ២០១៨ កន្លងទៅ នៅមន្ទីរពេទ្យកាល់ម៉ែត។

លោកស្រីវេជ្ជបណ្ឌិត Lisa Stevens នាយិកាកម្មវិធីមហារីក នៃទីភ្នាក់ងារថាមពលបរមាណូអន្តរជាតិ បានបញ្ជាក់ថា ក្រុមការងារបច្ចេកទេស របស់ទីភ្នាក់ងារថាមពលបរមាណូអន្តរជាតិ (IAEA) បានអញ្ជើញមកធ្វើការសិក្សាឈ្វេងយល់ និងផ្តល់ជូនការវាយតម្លៃអំពីសមត្ថភាពទាំងមធ្យោបាយ និងធនធានមនុស្ស និងសមត្ថភាព នៃការគ្រប់គ្រងជំងឺមហារីកនៅកម្ពុជាលើកទី២ កាលពីអំឡុងខែមីនា ឆ្នាំ២០២៣ ស្របពេលដែលវិស័យសុខាភិបាលកម្ពុជា បាន និងកំពុងយកចិត្តទុកដាក់ខ្ពស់បំផុត ចំពោះសេវាសុខាភិបាលផ្នែកបង្ការ និងព្យាបាលជំងឺមហារីក ដែលកំពុងតែមានការកើនឡើងគួរឱ្យកត់សម្គាល់ក្នុងរយៈពេលចុងក្រោយនេះ៕

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

សន្តិសុខសង្គម២៦ នាទី មុន

គ្រឿងញៀន១៤៥គីឡូក្រាមត្រូវបានបង្ក្រាប និងឃាត់ខ្លួនឧក្រិដ្ឋជន៥នាក់

ព័ត៌មានជាតិ៤២ នាទី មុន

ក្រសួងព័ត៌មាន និងក្រសួងទេសចរណ៍ ចាប់ដៃគ្នា ដើម្បីផ្សាយពីវិស័យទេសចរណ៍កម្ពុជាឱ្យសម្បូរបែបជាងមុន

ព័ត៌មានជាតិ២ ម៉ោង មុន

ប័ណ្ណ​សម្គាល់​ជលយាន​ចំនួន​៩៨​ប័ណ្ណ ត្រូវ​បាន​ប្រគល់​ជូន​ព​ល​រដ្ឋ​ស្រុក​កោះកុង

ព័ត៌មានអន្ដរជាតិ២ ម៉ោង មុន

​ភាព​តាន​តឹង​លើ​បញ្ហា​ដំឡើង​ពន្ធ​របស់​អឺរ៉ុប​ បង្ក​កង្វល់​​​នៃ​ «សង្រ្គាម​ពាណិជ្ជកម្ម​អឺរ៉ុប​-ចិន​»

ព័ត៌មានជាតិ២ ម៉ោង មុន

ន.ប.ប.ប បំភ្លឺថា  ឃើញស្ងាត់ៗមិនមែនមិនធ្វើការទេ ហេតុដែលស្ងាត់ៗពេលស៊ើបការ ព្រោះខ្លាចបាត់តម្រុយជនល្មើស

ព័ត៌មានជាតិ៦ ម៉ោង មុន

ក.ប.ប រកឃើញថាឈ្មួញនាំចូលផ្លែទុរេនពីប្រទេសជិតខាង និងមានជ្រលក់ថ្នាំ ហើយលក់បន្លំថាជាទុរេនក្នុងស្រុក

ព័ត៌មានជាតិ៤ ម៉ោង មុន

ក្នុងឆ្នាំ២០២៤៖ ឧកញ៉ា អ្នកឧកញ៉ា ៤នាក់ ត្រូវដកហូតគោរមងារ ក្រោយរកស៊ីបោកប្រាស់ និងបាញ់ប្រហារពលរដ្ឋ

ព័ត៌មានជាតិ៨ ម៉ោង មុន

រាជ​ដំណាក់​ព្រះមហាក្សត្រ​ខ្មែរ ​លើ​កំពូលភ្នំ​បូកគោ រង់ចាំអនុញ្ញាតពីព្រះបរមរាជវាំង ​ជួសជុលតាម​គំរូ​ដើម​ឡើង​វិញ

ព័ត៌មានជាតិ៦ ម៉ោង មុន

ដំណាំកសិកម្មជាង ១ ម៉ឺនហិកតា កំពុងរងការវាយប្រហារពីសត្វដង្កូវហ្វូង

សេចក្ដីជូនដំណឹង៩ ម៉ោង មុន

តើអ្នកយល់យ៉ាងណាចំពោះក្រុមហ៊ុនផាសអ៊ែប (PassApp) បានធ្វើរឿងមួយនេះ???

Sokha Hotels

ព័ត៌មានពេញនិយម