Connect with us

ព័ត៌មានជាតិ

អ្នកនាំពាក្យ៖ ៧ថ្ងៃក្រោយ សម្ដេចធិបតី ចេញបញ្ជា ការបង្ក្រាបក្មេងទំនើងកាន់តែមានប្រសិទ្ធភាព

បានផុស

នៅ

បញ្ជាដ៏ម៉ឺងម៉ាត់របស់សម្ដេចធិបតី ហ៊ុន ម៉ាណែត នាយករដ្ឋមន្រ្តីកម្ពុជា ឱ្យអាជ្ញាធរគ្រប់រាជធានី-ខេត្ត បង្កើនការយកចិត្តទុកដាក់បង្ក្រាបក្រុមក្មេងទំនើងនៅគ្រប់មូលដ្ឋាន បានធ្វើឱ្យលទ្ធផលនៃកិច្ចប្រតិបត្តិការរបស់កម្លាំងនគរបាលជាតិ នៃក្រសួងមហាផ្ទៃ ដែលបាននឹងកំពុងអនុវត្តយ៉ាងសកម្មលើការងារនេះចាប់តាំងពីដើមនីតិកាលទី៧ នៃរដ្ឋសភាមកនោះ កាន់តែមានប្រសិទ្ធភាពខ្ពស់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ទូច សុខៈ អ្នកនាំពាក្យរងក្រសួងមហាផ្ទៃ បានឱ្យដឹងថា ក្នុងរយៈពេល ៧ថ្ងៃ បន្ទាប់ការចេញបញ្ជាដ៏មុតស្រួចរបស់សម្ដេចមហាបវរធិបតី នាយករដ្ឋមន្រ្តី កម្លាំងនគបាលជាតិ ចាប់ពីកម្រិតអគ្គស្នងការដ្ឋាន រហូតដល់ប៉ុស្តិ៍នគរបាលឃុំ សង្កាត់ ទូទាំងប្រទេស បានបង្ក្រាបក្រុមក្មេងទំនើងចំនួន ៦៥ករណី ឃាត់ខ្លួនយុវជនសរុបចំនួន ២២៣នាក់ កើនខ្ពស់ជិត ២ដង ធៀបនឹងកិច្ចប្រតិបត្តិការកន្លងទៅ។

បើតាមអ្នកនាំពាក្យរងដដែល ស្របតាមគោលនយោបាយរាជរដ្ឋាភិបាល និងអនុសាសន៍ ដ៏ខ្ពង់ខ្ពស់របស់សម្ដេចធិបតី លោក ស សុខា ឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃ បានដៅយកបញ្ហាក្មេងទំនើង ជាកិច្ចការអាទិភាពមួយក្នុងចំណោមអាទិភាព៦ ដែលត្រូវយកចិត្តទុកដាក់ដោះស្រាយ ចាប់ពីដើមនីតិកាលទី៧ រួមទាំងការពង្រឹងការអនុវត្តគោលនយោបាយភូមិ-ឃុំ-សង្កាត់មានសុវត្ថិភាព។

លោក ទូច សុខៈ បានបញ្ជាក់ថា ក្រុមក្មេងទំនើងទាំងនោះនឹងប្រឈមុខវិធានការរដ្ឋបាល និងវិធានការច្បាប់។ វិធានការរដ្ឋបាល គឺការអប់រំ ណែនាំ និងធ្វើកិច្ចសន្យាមុនអនុញ្ញាតឱ្យត្រឡប់ទៅផ្ទះ សម្រាប់ករណីស្រាលៗ។ ប៉ុន្តែបើត្រូវបានរកឃើញពាក់ព័ន្ធបទល្មើសព្រហ្មទណ្ឌ នឹងត្រូវកសាងសំណុំរឿងបញ្ជូនទៅតុលាការ។

គួរកត់សម្គាល់ថា ក្នុងចំណោមករណីក្មេងទំនើងទូទាំងប្រទេស រាជធានីភ្នំពេញ មានករណីនេះច្រើនជាងគេ។ សម្រាប់រាជធានីភ្នំពេញ ក្នុងកិច្ចប្រតិបត្តការរយៈពេល ៧ថ្ងៃ មកនេះ លោក ស សុខា បានណែនាំឱ្យស្នងការដ្ឋានរាជធានីភ្នំពេញ ធ្វើតេស្តទឹកមូត្រលើក្រុមក្មេងទំនើងដែលឃាត់ខ្លួនបានសរុប ដោយជាលទ្ធផលបានរកឃើញថាជាង ៥០ភាគរយ មានសាធាតុញៀនក្នុងខ្លួន៕

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ៦ នាទី មុន

តុលាការ​រុស្ស៊ី កាត់ទោស​អ្នកកាសែត​អាមេរិក​ម្នាក់​ឲ្យជាប់គុក​១៦ឆ្នាំ ពីបទចារកម្ម

ព័ត៌មានជាតិ២៤ នាទី មុន

ជំរុញ​គាំទ្រ​ផលិតផល​ខ្មែរ សហគ្រាស​ចំនួន ១៤ អាច​នាំ​​គ្រាប់​ស្វាយ​ចន្ទី​កែច្នៃរួច ​តាំងលក់​តាម​ផ្សារទំនើបល្បីៗ​

ព័ត៌មានជាតិ១ ម៉ោង មុន

តាមគោលដៅស្រុកមួយចំនួន ក្នុង​ខេត្ត​បាត់ដំបង កសិករកំពុងភ្ជួរដីចម្ការរង់​ចាំទឹកភ្លៀង

ព័ត៌មានអន្ដរជាតិ១ ម៉ោង មុន

ស្លាប់​១១​នាក់ បាត់ខ្លួន៣០នាក់ ក្នុង​ហេតុការណ៍​បាក់​ស្ពាន​នៅ​ចិន​ព្រោះ​ភ្លៀង​ធ្លាក់​ខ្លាំង

ព័ត៌មានជាតិ២ ម៉ោង មុន

ជាឃោសនិកមួយរូបត្រូវស្វែងយល់ និងឆ្លើយតបឲ្យទាន់ពេលវេលាចំពោះពត៌មានក្លែងក្លាយ

Sokha Hotels

ព័ត៌មានពេញនិយម