Connect with us

ព័ត៌មានជាតិ

លោក ឯម សុខសុវណ្ណ ពីគ្រូបង្រៀនគណិតវិទ្យា ក្លាយជាប្រធានគណបក្សដើម្បីកម្ពុជា

បានផុស

នៅ

អតីតគ្រូបង្រៀនមុខវិជ្ជាគណិតវិទ្យាប្រមាណ៨ឆ្នាំ នៅក្នុងវិទ្យាល័យចំណោះទូទៅ និងបច្ចេកទេសបាវិត ខេត្តស្វាយរៀង លោក ឯម សុខសុវណ្ណ ក្លាយជាប្រធានគណបក្សដើម្បីកម្ពុជា។

រូបថត លោក ឯម សុខសុវណ្ណ​ ក្នុងសមាជជាលើកដំបូងរបស់គណបក្សដើម្បីកម្ពុជា កាលពីថ្ងៃទី០៩ ខែមិថុនា ឆ្នាំ២០២៤។ រូបថតដកស្រង់ពីគណនីហ្វេសប៊ុករបស់លោក។
សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ឯម សុខសុវណ្ណ ចាប់ផ្ដើមអាជីពជាគ្រូប​ង្រៀននៅឆ្នាំ២០១១ ហើយបន្តបម្រើការងារក្នុងអាជីពនេះ រហូតដល់ឆ្នាំ២០១៩ ទើបលោកលាឈប់លែងបម្រើការងារក្រោមមូលហេតុរងសម្ពាធពីថ្នាក់ដឹកនាំ បញ្ហាអយុត្តិធម៌ និងគ្មានតម្លាភាព ប៉ុន្តែនាយកសាលាបដិសេដថា លោក​ ឯម សុខសុវណ្ណ លាឈប់ព្រោះតែមូលហេតុមិនមកបង្រៀនសិស្សច្រើនដង។ ក្នុងពេលបម្រើការងារជាគ្រូបង្រៀន លោក ឯម សុខសុវណ្ណ ក៏ប្រឡូកក្នុងឆាកនយោបាយជាមួយអតីតគណបក្សសង្គ្រោះជាតិ បក្សដែលត្រូវបានតុលាការរំលាយនៅឆ្នាំ២០១៧។ លោក ឯម សុខសុវណ្ណ ក៏ធ្លាប់ចូលរៀនថ្នាក់បណ្ឌិត នៅសាកលវិទ្យាល័យខេមរៈ ក្នុងរាជធានីភ្នំពេញ។

ចំណេរក្រោយមក នៅថ្ងៃទី១៤ ខែកុម្ភៈ ឆ្នាំ២០២១ លោក ឯម សុខសុវណ្ណ ប្រកាសជាសាធារណៈនៅលើគណនីហ្វេសប៊ុកថា លោកចូលរួមជីវភាពនយោបាយជាមួយគណបក្សយុវជនកម្ពុជា ដែលមានលោក ពេជ្រ ស្រស់ ជាប្រធានបក្ស។ ក្នុងឆាកនយោបាយក្រោមដំបូលបក្សយុវជនកម្ពុជា លោក ឯម សុខសុវណ្ណ ទទួលបានតំណែងជាន់ខ្ពស់មួយជា ប្រធាននាយកដ្ឋានកិច្ចការនយោបាយ និងជាអគ្គលេខាធិការគណបក្សយុវជនកម្ពុជា។  ក្នុងពេលបោះឆ្នោតជ្រើសរើសតំណាងរាស្រ្តនីតិកាលទី៧ ឆ្នាំ២០២៣ លោក ឈរឈ្មោះជាតំណាងរាស្ត្រនៅមណ្ឌលស្វាយរៀង។ ក្រោយការព្រឹត្តិការណ៍បោះឆ្នោតជ្រើសរើសតំណាងរាស្ត្រនាថ្ងៃទី២៣ ខែកក្កដា មួយថ្ងៃ ពោលនៅថ្ងៃទី២៤ ខែកក្កដា លោក បង្ហោះលិខិតលាឈប់ពីតំណែងនានា នៅក្នុងគណបក្សយុវជនកម្ពុជា។

រូបថត លោក ឯម សុខសុវណ្ណ (ខាងឆ្វេង)ជាមួយលោក ពេជ្រ ស្រស់ (ខាងស្ដាំ) កាលចូលរួមជាមួយគណបក្សយុវជនកម្ពុជាជាលើកដំបូង។

ជាង១ខែ បន្ទាប់ពីចាកចេញពីបក្សយុវជនកម្ពុជា លោក ឯម សុខសុវណ្ណ ស្នើសុំទៅកាន់រដ្ឋមន្ត្រីក្រសួងមហាផ្ទៃ បង្កើតគណបក្សថ្មីមួយ​ ឈ្មោះថា គណបក្សអាយ៉ងខ្មែរ ប៉ុន្តែសំណើរត្រូវបានបដិសេធពីសំណាក់លោករដ្ឋមន្ត្រី។ រំលងជាង៣សប្ដាហ៍ក្រោយមក លោក ឯម សុខសុវណ្ណ ស្នើសុំទៅរដ្ឋមន្ត្រីក្រសួងមហាផ្ទៃ បង្កើតគណបក្សម្ដងទៀត ដោយដាក់ឈ្មោះថា គណបក្សខ្ញុំបម្រើខ្មែរ ប៉ុន្តែនៅតែរដ្ឋមន្ត្រីក្រសួងមហាផ្ទៃបដិសេដម្ដងទៀត។ ចំពោះមូលហេតុនៃការបដិសេដទាំងពីរលើកនេះ អ្នកនាំពាក្យរងក្រសួងមហាផ្ទៃ ទម្លាយឱ្យដឹងថា គឺព្រោះតែបញ្ហាឈ្មោះគណបក្ស ទើបក្រសួងមិនអនុញ្ញាតឱ្យបង្កើត។

ទោះរងបរាជ័យចំពោះសំណើរបង្កើតគណបក្សចំនួន២ដងទៅហើយក្ដី ក៏លោក ឯម សុខសុវណ្ណ មិនបោះបង់បំណងបង្កើតគណបក្សឡើយ ដោយនៅថ្ងៃទី១៦ ខែ តុលា ឆ្នាំ២០២៣ លោក បានស្នើទៅប្រមុខក្រសួងមហាផ្ទៃ បង្កើតគណបក្សឈ្មោះថា ដើម្បីកម្ពុជា ហើយនៅថ្ងៃទី២៧ ខែតុលា លោកឧបនាយករដ្ឋមន្ត្រី រដ្ឋមន្ត្រីមហាផ្ទៃ អនុញ្ញាតឱ្យបង្កើតគណបក្សនេះជាផ្លូវការណ៍។ គណបក្សនេះ ក៏ត្រូវក្រសួងមហាផ្ទៃ ចុះឈ្មោះទៅក្នុងបញ្ជីរគណបក្សនយោបាយនៅក្រសួងមហាផ្ទៃនាថ្ងៃទី០៩ ខែឧសភា ឆ្នាំ២០២៤។

រូបថត ក្នុងអង្គសមាជជាលើកដំបូងបង្អស់របស់គណបក្សដើម្បីកម្ពុជា កាលពីថ្ងៃទី៩ ខែមិថុនា កន្លងទៅ។ រូបថតដកស្រង់ពីគណនីហ្វេសប៊ុក លោក ឯម សុខសុវណ្ណ។

១ខែបន្ទាប់ពីក្លាយជាបក្សនយោបាយស្របច្បាប់នៅកម្ពុជា ជាក់ស្ដែងនៅថ្ងៃទី០៩ ខែមិថុនា បក្សនេះ រៀបចំសមាជជាលើកដំបូងបង្អស់ ដោយអង្គសមាជ សម្រេចផ្ដល់សេចក្ដីទុកចិត្តឱ្យលោក ឯម សុខសុវណ្ណ ធ្វើជាប្រធានបក្សថ្មីសន្លាងមួយនេះ៕

ដោយ៖ ង៉ិល ណារ៉ាត់

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

សន្តិសុខសង្គម៦ ម៉ោង មុន

ដើមក្ងោក​មួយ​ដើមធំ បាក់​សង្កត់​លើ​រថយន្ត​មួយ​គ្រឿង​ ខណៈ​មេឃ​ធ្លាក់​ភ្លៀង​មួយ​មេ​ធំ ​លាយឡំ​ខ្យល់​កន្ត្រាក់

ព័ត៌មានជាតិ៩ ម៉ោង មុន

លោក ហេង សួរ ៖ រាជរដ្ឋាភិបាលកម្ពុជា ខិតខំប្រឹង​ប្រែង​ធ្វើឱ្យប្រសើរឡើងក្នុងវិស័យ​ការងារ សន្តិសុខ​សង្គម​ និង​បណ្ដុះបណ្ដាល​វិជ្ជាជីវៈ​នៅកម្ពុជា

ព័ត៌មានជាតិ១០ ម៉ោង មុន

សម្ដេចធិបតី លើកទឹកដល់អភិបាលខេត្តស្វយ័តពិសេសជេជូរបស់កូរ៉េ បន្តចាប់ដៃជាមួយកម្ពុជា ដើម្បីពង្រីកការវិនិយោគ

ព័ត៌មានជាតិ១០ ម៉ោង មុន

ក្រសួងសុខាភិបាល ព្រមានពីការកើនឡើងនូវជំងឺផ្តាសាយ និងកូវីដ-១៩ និងឱ្យពលរដ្ឋយកចិត្តទុកដាក់

ព័ត៌មានជាតិ១២ ម៉ោង មុន

 ដើម្បីលើកកម្ពស់ជីវភាពរស់នៅរបស់ពលរដ្ឋកម្ពុជា ADB បន្តពង្រឹងកិច្ចសហប្រតិបត្តិការលើវិស័យអាទិភាព ជាមួយរដ្ឋាភិបាល

ព័ត៌មានជាតិ១៣ ម៉ោង មុន

អ្នកជំនាញឡាន ប្រាប់មូលហេតុដែលម្ចាស់ឡានតូចៗ មិនគួរប្រថុយបើកឡានកាត់ទឹក

សន្តិសុខសង្គម១៣ ម៉ោង មុន

ម្ចាស់ហាងមួយនៅឆ្នេរអូរឈើទាលលក់ស្រាបៀរ​មួយកេស៧២ដុល្លារ អាជ្ញាធរខេត្តឲ្យជំនាញពិនិត្យ

ព័ត៌មានអន្ដរជាតិ២២ ម៉ោង មុន

កូនប្រុសលោក បៃដិន ចារឈ្មោះក្នុងប្រវត្តិសាស្រ្តអាមេរិក ក្រោយមានទោសពាក់ព័ន្ធការកាន់កាប់អាវុធ

ព័ត៌មានជាតិ២១ ម៉ោង មុន

កសិករដាំត្រប់ស្រួយ ត្អូញត្អែរពីការធ្លាក់ថ្លៃខ្លាំងស្ទើររកទីផ្សារមិនបាន

ព័ត៌មានអន្ដរជាតិ២១ ម៉ោង មុន

ច្បាស់ការណ៍! អនុប្រធានាធិបតី​ម៉ាឡាវី បាត់បង់​​ជីវិត​​ក្នុង​ហេតុការណ៍​ធ្លាក់​យន្តហោះ

Sokha Hotels

ព័ត៌មានពេញនិយម