Connect with us

ព័ត៌មានជាតិ

ខេត្ត​តាកែវ​ មាន​​មជ្ឈមណ្ឌល​បច្ចេកវិទ្យា​សហគមន៍​​ដំបូងគេ​ ​បង្កើតនៅតាមវិទ្យាល័យ​រដ្ឋ

បានផុស

នៅ

លោក ជា វ៉ាន់​ដេត រដ្ឋមន្ត្រី​ក្រសួង​ប្រៃសណីយ៍និងទូរគមនាគមន៍ (ក.ប.ទ.) បាន​មាន​ប្រសាសន៍​​ថា ការបង្កើតមជ្ឈមណ្ឌល​បច្ចេកវិទ្យា​សហគមន៍ (ម.ប.ស.) នៅ​តាម​វិទ្យាល័យ​សាធារណៈស​បញ្ជាក់​ពី​ចក្ខុ​វិស័យ​វែង​ឆ្ងាយ​ក្នុង​ដែន​សមត្ថកិច្ច​របស់​ក្រសួង​លើ​វិស័យ​បច្ចេកវិទ្យា​គមនាគមន៍ និង​ព័ត៌មាន ដើម្បី​បំពេញ​បេសកកម្ម​លើ​កិច្ចការ​បរិវត្ត​កម្ម​ឌីជីថល​បម្រើ​ដល់​ការអប់រំ។

លោក​បាន​លើក​ឡើង​បែប​នេះ នៅ​ក្នុង​ពិធី​សម្ពោធ​ដាក់​ដំណើរ​​ការ​​មជ្ឈមណ្ឌល​បច្ចេកវិទ្យា​សហគមន៍នៅ​​វិទ្យាល័យ ហ៊ុន សែន ១ មិថុនា ក្នុង​ឃុំ​ពារាម ស្រុក​បាទី ខេត្ត​តាកែវ កាលពី​​ថ្ងៃ​ទី​២៤ ខែ​មិថុនា ម្សិល​មិញនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ជា វ៉ាន់ដេត បាន​ឡើង​ថា តម្រូវ​ការចាំបាច់​នៅ​ក្នុងការបង្កើត​មជ្ឈមណ្ឌល​បច្ចេកវិទ្យា​សហគមន៍នៅ​តាមវិទ្យាល័យ​សាធារណៈ​បញ្ជាក់​ពីចក្ខុវិស័យវែងឆ្ងាយក្នុងដែនសមត្ថកិច្ចរបស់​ក្រសួង ​លើ​វិស័យបច្ចេកវិទ្យាគមនាគមន៍ និងព័ត៌មាន។ ជា​ពិសេស ​ដើម្បី​បំពេញ​បេសកកម្ម​លើកិច្ចការ​បរិវត្តកម្មឌីជីថលបម្រើដល់ការអប់រំ ដែល​នឹងរួមចំណែកដល់​ការអភិវឌ្ឍមូលធនមនុស្សឌីជីថល ទាំង​ក្នុង​វិស័យសាធារណៈ និង​ឯកជន​ក្នុងការរៀបចំឱ្យមានប្រព័ន្ធអេកូឡូស៊ីឌីជីថលមួយ ដែលរឹងមាំ និង​អំណោយ​ផលដល់​ការធ្វើ​បរិវត្តកម្មឌីជីថល​លើ​គ្រប់វិស័យ​ទូទាំង​ប្រទេស។

លោក​រដ្ឋមន្ត្រី ក៏​មាន​សុទិដ្ឋិនិយម​ដែរ​ថា នៅពេល​ដំណើរការបានពេញលេញ មជ្ឈមណ្ឌល​បច្ចេកវិទ្យា​សហគមន៍នឹង​ក្លាយជា​សមិទ្ធផល​ថ្មីដ៏មានសារៈសំខាន់ ដែល​គាំទ្រដល់​ដំណើរអភិវឌ្ឍន៍​ការអប់រំឌីជីថល​ប្រកបដោយស្មារតីបុរេសកម្ម និង​គំនិត​បើក​ទូលាយ​ក្នុងការបំពេញ​បេសកកម្មលើ​កិច្ចការបរិវត្តកម្មរដ្ឋាភិបាលឌីជីថល សំដៅរួមចំណែកដល់ការអនុវត្តប្រកបដោយប្រសិទ្ធភាព ចំពោះគោលដៅយុទ្ធសាស្ត្រដែលកំណត់ក្នុងគោលនយោបាយរដ្ឋាភិបាលឌីជីថលកម្ពុជា ២០២២-២០៣៥ និង​មុំមួយ​នៃយុទ្ធសាស្រ្តបញ្ចកោណ-ដំណាក់កាលទី១ របស់រាជរដ្ឋាភិបាល ដើម្បីឆ្ពោះទៅសម្រេចចក្ខុវិស័យកម្ពុជា ឆ្នាំ២០៥០»។

​លោក​ស្រី ហ៊ាន ប៉ូលីណេ អនុរដ្ឋលេខាធិការក្រសួងប្រៃសណីយនិងទូរគមនាគមន៍​បានបញ្ជាក់ជូនថា មជ្ឈមណ្ឌល​បច្ចេកវិទ្យា​សហគមន៍នៅវិទ្យាល័យ ហ៊ុន សែន ១ មិថុនា មានមុខងារចម្បងចំនួន ៤ គឺ៖ (១) ផ្តល់បន្ទប់កុំព្យូទ័រ (Computer Lab) សម្រាប់បណ្តុះបណ្តាលជំនាញបច្ចេកវិទ្យាឌីជីថល ផ្តល់​ការអប់រំ​តាមប្រព័ន្ធ​បង្រៀន​ពីចម្ងាយ​ដល់​សិស្សវិទ្យាល័យសាធារណៈ និង​ជា​សាលប្រជុំ ព្រមទាំង​ជា​សាលបណ្តុះបណ្តាល​គ្រូបង្រៀនតាមប្រព័ន្ធបង្រៀនពីចម្ងាយ​(២) ផ្តល់បន្ទប់បណ្តុះបណ្តាល (Training Room) សម្រាប់​បណ្តុះបណ្តាល​ជំនាញបច្ចេកវិទ្យាឌីជីថលដល់អាជ្ញាធរមូលដ្ឋាន និងប្រជាពលរដ្ឋក្នុងសហគមន៍ ដែលមានបំណងចង់ប្រើប្រាស់ប្រព័ន្ធបច្ចេកវិទ្យាក្នុងគោលដៅផ្សេងៗ

(៣) ផ្តល់ទីតាំងជាប៉ុស្តិ៍ប្រៃសណីយ៍ (Post Office) សម្រាប់ផ្តល់សេវាទទួល និងផ្ញើកញ្ចប់ឥវ៉ាន់ ព្រមទាំងផ្តល់សេវាផ្សេងៗដល់ពាណិជ្ជករ អាជីវករ និងប្រជាជននៅសហគមន៍ និង(៤) ផ្តល់បន្ទប់អ៊ីនធឺណិតកាហ្វេ (Internet Café) សម្រាប់ប្រជាជននៅសហគមន៍អាចចូលប្រើប្រាស់ដើម្បីស្វែងរកព័ត៌មានពាក់ព័ន្ធនឹងកសិកម្ម អាជីវកម្ម និងព័ត៌មានផ្សេងទៀតពាក់ព័ន្ធនឹងតម្រូវការជាក់ស្តែងរបស់ប្រជាជននៅតាមសហគមន៍នីមួយៗ។

មជ្ឈមណ្ឌល​បច្ចេកវិទ្យា​សហគមន៍​នៅវិទ្យាល័យ ហ៊ុន សែន ១ មិថុនា គឺជាសមិទ្ធផល​ដែលសម្រេចបានដំបូងគេបង្អស់ក្នុងចំណោមគម្រោងនៃការបង្កើត​មជ្ឈមណ្ឌល​បច្ចេកវិទ្យា​សហគមន៍នៅតាម​វិទ្យាល័យសាធារណៈ ក្នុង​ព្រះរាជាណាចក្រកម្ពុជា​ ដែល​ផ្ដើមចេញពីខេត្តតាកែវ ជាគម្រោងក្នុងដំណាក់កាលទី១ ហើយ​ក្រុមការងារ​ទទួលបន្ទុកគ្រោងនឹង​ចុះសិក្សាកំណត់យកទីតាំងអាទិភាពជាបន្ដបន្ទាប់ដើម្បីសាងសង់ មជ្ឈមណ្ឌល​បច្ចេកវិទ្យា​សហគមន៍នៅតាមវិទ្យាល័យ​សាធារណៈ ក្នុងខេត្តផ្សេងៗបន្ថែមទៀតនាពេលខាងមុខ៕

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ១ ម៉ោង មុន

ធនាគារ​ពិភព​លោក​ បន្ថយ​ការ​ព្យាករ​​​កំណើន​សេដ្ឋកិច្ច​ថៃ​ មកត្រឹម​ ២,៤ ភាគរយ​ ដោយ​កំសោយ​ផ្នែក​នាំចេញ​  

ព័ត៌មានជាតិ២ ម៉ោង មុន

ព្រលានសៀមរាប ទទួលជើងហោះហើរមួយថ្ងៃ ១៤-១៩ ជេីង ខណៈជើងហោះហើរមក​ពីថៃច្រើនជាងគេ

ព័ត៌មានជាតិ២ ម៉ោង មុន

លោក ស ថេត បញ្ជាឱ្យរឹតបន្តឹងច្បាប់ចរាចរណ៍ ខណៈ៦ខែ ឆ្នាំ២០២៤ គ្រោះថ្នាក់កើតឡើងជាង ១ពាន់ករណី

ព័ត៌មានជាតិ២ ម៉ោង មុន

ដូរអភិបាលខេត្តថ្មី, រដ្ឋមន្ត្រីមហាផ្ទៃ ប្រាប់ឱ្យខេត្តព្រះសីហនុ បង្ក្រាបការឆបោកតាមអនឡាញ និងអំពើជួញដូរមនុស្ស

កីឡា២ ម៉ោង មុន

ប្រធាន UEFA ថា EURO នារី ឆ្នាំ២០២៥ នឹងក្លាយជាព្រឹត្ដិការណ៍ធំបំផុត

ព័ត៌មានអន្ដរជាតិ៥ ម៉ោង មុន

ធ្លាក់ភ្លៀងមួយម៉ោង ទីក្រុងហូជីមិញ ត្រូវទឹកជន់លិច ល្ហាចល្ហឹម

ព័ត៌មានជាតិ១៩ ម៉ោង មុន

កូនប្រុសលោកបណ្ឌិត គី សេរីវឌ្ឍន៍ ទទួលបានមេដាយមាស ពីការប្រឡងវិទ្យាសាស្ត្រ វ៉ាន់ដា អូឡាំព្យាដ ២០២៤

សន្តិសុខសង្គម២៣ ម៉ោង មុន

បុរសអ្នកតខ្សែភ្លើងភ្ជាប់រ៉ឺម៉កដើម្បីការពារសត្វកណ្ដុរឡើងស៊ីបន្លែ តែត្រូវឆក់ក្មេងប្រុសម្នាក់ស្លាប់ចូលខ្លួនសារភាពកំហុស

ព័ត៌មានអន្ដរជាតិ២២ ម៉ោង មុន

ព្យុះសង្ឃរា Beryl ដ៏កាចសាហាវ បង្កការបំផ្លិចបំផ្លាញធំធេង នៅ ការ៉ាប៊ីន

ព័ត៌មានអន្ដរជាតិ៤ ម៉ោង មុន

ហេសបូឡា បាញ់​ស្រោច​រ៉ុកកែត​​ដូច​ភ្លៀង​ធ្លាក់ ក្រោយ​អ៊ីស្រាអែល​សម្លាប់​មេ​បញ្ជាការ​ម្នាក់

Sokha Hotels

ព័ត៌មានពេញនិយម