ព័ត៌មានជាតិ

ស្ថានទូតកម្ពុជា ប្រាប់ឲ្យប្រជាពលរដ្ឋខ្មែររស់នៅវៀតណាម ប្រុងប្រយ័ត្នពីខ្យល់ពុល ដែលគ្រោះថ្នាក់ដល់សុខភាព

បានផុស

៥ years មុន

នៅ

ថ្ងៃពុធ ៣ មីនា ២០២១

ដោយ

ស្ថានឯកអគ្គរាជទូតកម្ពុជា ប្រចាំសាធារណរដ្ឋសង្គមនិយមវៀតណាម នៅថ្ងៃទី០៣ ខែមីនា ឆ្នាំ២០២១នេះ បានប្រាប់ឲ្យប្រជាពលរដ្ឋខ្មែរ ដែលកំពុងរស់នៅប្រទេសវៀតណាម ប្រុងប្រយ័ត្នចំពោះខ្យល់ពុល ដែលមានលាយកំទិចល្អិតៗជាប្រភេទលោហៈ ដែលអាចគ្រោះថ្នាក់ ធ្ងន់ធ្ងរដល់សុខភាពមនុស្ស។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ស្ថានទូតបានបញ្ជាក់យ៉ាងនេះថា “sunh vietnam News ចេញផ្សាយថ្ងៃទី៣ ខែមីនា ឆ្នាំ២០២១ ស្ថានឯកអគ្គរាជទូតនៃព្រះរាជាណាចក្រកម្ពុជាប្រចាំវៀតណាម សូមជម្រាបជូននិស្សិត សិក្ខាកាម យោធា-នគរបាល និងបងប្អូនប្រជាពលរដ្ឋខ្មែរ កំពុងសិក្សា ស្នាក់នៅ ឬមានវត្តមានក្នុងប្រទេសវៀតណាម ពិសេសនៅភាគខាងជើង មេត្តាជ្រាបថា ចាប់ពីថ្ងៃទី១ ដល់ថ្ងៃទី៦ ខែមីនា ឆ្នាំ២០២១ នៅភាគខាងជើងឈៀងខាងកើត និងតំបន់ដីសណ្ដទន្លេ Hong វៀតណាម ប្រឈមនឹងខ្យល់ពុល មានលាយជាមួយនឹងកំទេចល្អិតៗបំផុត ដែលជាប្រភេទលោហៈធ្ងន់ គ្រោះថ្នាក់ខ្លាំងណាស់ដល់សុខភាពមនុស្ស។ វាអាចផ្ដុំ និងជ្រៀតចូលដល់កូនថង់តូចៗ (alveoli) នៃសួត និងក្នុងសរសៃឈាម អាចបង្កឲ្យមានជំងឺមហារីក ឬប៉ះពាល់ដល់ DNA និងនាំឲ្យមានបម្រែបម្រួលសេណេទីក”។

បើតាមស្ថានឯកអគ្គរាជទូតកម្ពុជា អំឡុងពេលស្ថានភាពអាក្រក់ និងគុណភាពខ្យល់មិនល្អ អ្នកជំនាញបរិស្ថានណែនាំឲ្យជៀសវាងការចេញក្រៅ, បិទបង្អួចនៅពេលព្រឹក និងត្រូវប្រើម៉ាស់ការពារធូលីពេលចេញក្រៅ ត្រូវលាងសំអាតរន្ធច្រមុះនឹងទឹកអំបិល៕

ដោយ ៖ កោះកែវ