ព័ត៌មានជាតិ

ក្រោយការបោះបង្គោលព្រំដែន ពលរដ្ឋខេត្តត្បូងឃ្មុំ ទទួលផលប្រយោជន៍ច្រើនជាងមុន

បានផុស

២ years មុន

នៅ

ថ្ងៃព្រហស្បតិ៍ ៥ វិច្ឆិកា ២០២០

ដោយ

វីដេអូមួយ មានរយៈពេលប្រមាណ១៦នាទី ត្រូវបានអង្គភាពព័ត៌មាន និងប្រតិកម្មរហ័ស នៃទីស្ដីការគណៈរដ្ឋមន្ត្រី ផលិត ហើយត្រូវបានផ្សព្វផ្សាយជាផ្លូវការ នាថ្ងៃទី៤ ខែវិច្ឆិកា ឆ្នាំ២០២០ ។

វីដេអូពិសេសនេះ បានបង្ហាញអំពីភាពផ្ទុយស្រឡះពីការឃោសនា ញុះញង់ អុជអាលពីសំណាក់ជនជ្រុលនិយមមួយចំនួន ដែលថា កម្ពុជាបានបាត់បង់ទឹកដី ក្នុងខេត្តត្បូងឃ្មុំ ដោយសារតែការបោះបង្គោលខណ្ឌសីមាព្រំដែន តាមពិតបង្គោលព្រំដែនទាំងអស់ ដែលបានបោះរួចតាមបណ្ដោយព្រំដែនកម្ពុជា- វៀតណាម សុទ្ធតែត្រូវបានធ្វើឡើងដោយរក្សាបានទាំងស្រុងនូវអធិបតេយ្យភាពជាតិ និងបូរណភាពទឹកដីខ្មែរ ដោយគ្មានការបាត់បង់ឡើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ម៉្យាងវិញទៀត ក្នុងរយៈពេល២ថ្ងៃមកនេះ ពួកក្រុមប្រឆាំងនៅតែបន្តធ្វើយុទ្ធនាការបំពុល និងបំភ័ន្តសាធារណមតិជាថ្មីទៀត បន្ទាប់ពីរដ្ឋសភា បានអនុម័តយល់ព្រមលើពិធីសារខណ្ឌសីមា និងបោះបង្គោលព្រំដែនគោករវាងកម្ពុជា និងវៀតណាម ដែលការចោទប្រកាន់ និងមួលបង្កាច់របស់អ្នកប្រឆាំង គឺជាចេតនាទុច្ចរិត ធ្វើឱ្យប៉ះពាល់ដល់កិច្ចខិតខំប្រឹងប្រែងរបស់រាជរដ្ឋាភិបាល ក្នុងការកសាងខ្សែព្រំដែនជាមួយប្រទេសជិតខាង ឱ្យទៅជាព្រំដែន មិត្តភាព សហប្រតិបត្តិការ និងការអភិវឌ្ឍ ជាមួយនឹងធានាយ៉ាងម៉ឺងម៉ាត់ថា នឹងមិនឱ្យបាត់បង់ទឹកដី សូម្បីតែមួយម៉ែត្រក្រឡា ឡើយ៕

អទ្ថបទ ៖ កោះកែវ