ព័ត៌មានជាតិ

ផ្លូវជាតិលេខ៧ ផ្តល់អត្ថប្រយោជន៍ទាំងសេដ្ឋកិច្ចជាតិ និងការធ្វើដំណើររបស់ពលរដ្ឋ

បានផុស

២ years មុន

នៅ

ថ្ងៃពុធ ២១ សីហា ២០២៤

ដោយ

តាមក្រសួងសាធារណការ និងដឹកជញ្ជូន បានគូសបញ្ជាក់ឱ្យដឹងថា បច្ចុប្បន្នសមិទ្ធផលគម្រោងផ្លូវជាតិលេខ៧ បាននឹងកំពុងផ្តល់នូវអត្ថប្រយោជន៍យ៉ាងធំធេង ទៅដល់សេដ្ឋកិច្ចជាតិ និងការធ្វើដំណើរជាប្រចាំរបស់ប្រជាពលរដ្ឋ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដើម្បីសម្រួលដល់ការធ្វើដំណើរទៅមកឱ្យកាន់តែមានភាពល្អប្រសើរ ផ្លូវជាតិលេខ ៧ បានចាប់ផ្តើមធ្វើការស្តារឡើងវិញ ដែលគិតមកដល់ពេលនេះសម្រេចវឌ្ឍនភាពបាន ៩៧% ហើយ នឹងបញ្ចប់ការសាងសង់ក្នុងខែសីហា ឆ្នាំ២០២៤។

គម្រោងផ្លូវជាតិលេខ៧ ត្រូវបានស្តារឡើងវិញទៅជាប្រភេទផ្លូវក្រាលកៅស៊ូAC មានប្រវែងសរុបប្រមាណ ១៩៨,១០ គីឡូម៉ែត្រ ដែលផ្តើមចេញពីចំណុចពីព្រំប្រទល់ ខេត្តត្បូងឃ្មុំ-ក្រចេះ (ស្ពានជ្រីវ) និងបញ្ចប់នៅព្រំប្រទល់ ខេត្តក្រចេះ-ស្ទឹងត្រែង(អូរច្រឡង់)។

ផ្លូវមួយខ្សែនេះ បានស្ដារឡើងវិញកាលពីថ្ងៃទី០១ ខែមិថុនា ឆ្នាំ២០១៨ រហូតមកដល់ពេលនេះក្រុមការងារសាងសង់ សម្រេចបាន ៩៧% និងបញ្ចប់ទាំងស្រុងនៅក្នុងខែសីហា ឆ្នាំ២០២៤។

ជាក់ស្តែង សមិទ្ធផលផ្លូវនេះបានកំពុងផ្តល់អត្ថប្រយោជន៍យ៉ាងធំធេងដល់សេដ្ឋកិច្ចជាតិ និងសេដ្ឋកិច្ចគ្រួសារ តាមរយៈការសម្រួលដល់ការធ្វើដំណើររបស់ប្រជាពលរដ្ឋ ភ្ញៀវទេសចរ និងការដឹកជញ្ជូនទំនិញ ឬកសិផលគ្រប់ប្រភេទ៕