ព័ត៌មានជាតិ

ផ្លូវបេតុងមួយខ្សែ ក្នុងភូមិតាឡី សង្កាត់ដង្កោ ស្ថាបនារួចរាល់ហើយ

បានផុស

១១ ខែ មុន

នៅ

ថ្ងៃព្រហស្បតិ៍ ១២ កញ្ញា ២០២៤

ដោយ

ផ្លូវបេតុងចាស់វស្សាមួយខ្សែ ដែលទ្រុឌទ្រោមជាយូរមកហើយ ពេលនេះប្រែក្លាយជាផ្លូវបេតុងថ្មីសន្លាង ដើម្បីទុកឲ្យប្រជាពលរដ្ឋប្រើប្រាស់ ធ្វើដំណើរ និងប្រកបជាអាជីវកម្មផ្សេង បានស្ថាបនារួចរាល់ហើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក សំ ញ៉ាវ ប្រធានសាធារណការខណ្ឌដង្កោ បានប្រាប់ឲ្យដឹងថា ដោយឃើញថាផ្លូវបេតុងចាស់វស្សាមួយខ្សែស្ថិតក្នុងភូមិតាឡី សង្កាត់ដង្កោ ខណ្ឌដង្កោ មានការទ្រុឌទ្រោម ជង្ហុកច្រើន សម្បុកមាន់ ពិបាកដល់ពលរដ្ឋធ្វើដំណើរឆ្លងកាត់ ក៏ដូចជាប្រកបរបរផ្សេងៗ ដោយមានការយកចិត្តទុកដាក់ពីអាជ្ញាធរ កម្លាំងជំនាញពាក់ព័ន្ធ ក៏ចុះពិនិត្យជាក់ស្ដែង និងបានដាក់គ្រឿងចក្រឈូសឆាយ កាយដាក់ប្រព័ន្ធលូ ស្ថាបនាផ្លូវខាងលើប្រែក្លាយជាផ្លូវបេតុងឆ្អឹងដែក ទុកសម្រាប់ពលរដ្ឋប្រើប្រាស់ប្រកបរបរផ្សេងៗ។

លោក សំ ញ៉ាវ បន្តថា ការស្ថាបនាផ្លូវបេតុងខាងលើនេះ មានប្រវែង ៨៤៦ ម៉ែត្រ ទទឹង ៦ ម៉ែត្រ ប្រើប្រាស់ថវិកាគម្រោងមូលនិធិអភិវឌ្ឍន៍របស់រដ្ឋបាលរាជធានីភ្នំពេញ ពេលនេះការស្ថាបនារួចរាល់ហើយ៕

អត្ថបទ ៖ សុខា