ព័ត៌មានជាតិ

មន្ត្រីជាន់ខ្ពស់ ប.ស.ស ជំរុញមន្ត្រីត្រូវមានភាពទន់ភ្លន់ តែម៉ឺងម៉ាត់ ឆ្លើយតបដោះស្រាយជូនអតិថិជនបានលឿន និងទាន់ពេលវេលា

បានផុស

២ years មុន

នៅ

ថ្ងៃពុធ ៦ វិច្ឆិកា ២០២៤

ដោយ

មន្ត្រីជាន់ខ្ពស់ នៃបេឡាជាតិសន្តិសុខសង្គម(ប.ស.ស.) បានជំរុញដល់នាយកដ្ឋានសេវាអតិថិជន និងទំនាក់ទំនងសាធារណៈ នៃ ប.ស.ស.ទាំងអស់ ត្រូវមានភាពទន់ភ្លន់ តែម៉ឺងម៉ាត់និងច្បាស់លាស់ ព្រមទាំងប្រកបដោយក្រមសីលធម៌វិជ្ជាជីវៈ ដើម្បីឆ្លើយតប និងដោះស្រាយរាល់បញ្ហាផ្សេងៗ ជូនអតិថិជនឱ្យបានលឿនរហ័ស និងទាន់ពេលវេលា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅក្នុងកិច្ចប្រជុំផ្ទៃក្នុង ស្ដីពីការបូកសរុបលទ្ធផលការងារសម្រេចបាន បញ្ហាប្រឈម និងទិសដៅអនុវត្តបន្ត របស់នាយកដ្ឋានសេវាអតិថិជន និងទំនាក់ទំនងសាធារណៈ នៃ ប.ស.ស.នៅស្នាក់ការកណ្តាលរាជធានីភ្នំពេញកាលពីថ្ងៃទី ០៥ វិច្ឆិកា លោកបណ្ឌិត ហេង សុផាន់ណារិទ្ធ អគ្គនាយករង ប.ស.ស. នៃក្រសួងការងារ និងបណ្ដុះបណ្ដាលវិជ្ជាជីវៈ ទទួលបន្ទុកនាយកដ្ឋានសេវាអតិថិជន និងទំនាក់ទំនងសាធារណៈ នៃបេឡាជាតិសន្តិសុខសង្គមបានលើកឡើងថា កិច្ចប្រជុំផ្ទៃក្នុងនាពេលនេះផ្ដោតទៅលើចំណុចសំខាន់ៗ មួយចំនួនរួមមាន ៖ (១). ត្រួតពិនិត្យ និងវាយតម្លៃលទ្ធផលការងារសម្រេចបានប្រចាំខែរបស់ការិយាល័យជំនាញទាំង ៤។ (២). ដំណោះស្រាយលើបញ្ហាប្រឈម។ (៣). និងលើកទិសដៅការងារសម្រាប់អនុវត្តបន្ត។

ក្នុងឱកាសនេះ លោកបណ្ឌិតអគ្គនាយករងទទួលបន្ទុក បានជំរុញបន្ថែមដល់ថ្នាក់ដឹកនាំ មន្ត្រី និងបុគ្គលិកទាំងអស់ នៃនាយកដ្ឋានសេវាអតិថិជន និងទំនាក់ទំនងសាធារណៈ ត្រូវតែបន្ដអនុវត្តទិសដៅការងារ និងបន្តការងាររបស់នាយកដ្ឋាន ដោយត្រូវខិតខំពង្រឹងការអនុវត្តច្បាប់ វិន័យការងារ និងត្រូវមានភាពទន់ភ្លន់ តែម៉ឺងម៉ាត់ ដោយផ្អែកលើទិដ្ឋភាពច្បាប់ច្បាស់លាស់ ជាពិសេសត្រូវរក្សាឱ្យបានជាដាច់ខាតនូវសាមគ្គីភាពផ្ទៃក្នុង៕

អត្ថបទ ៖ សំអឿន