ព័ត៌មានជាតិ
ជើងហោះហើរនៅអាកាសយានដ្ឋានសៀមរាបអង្គរ កើនឡើងពី ២០ ជើង ទៅ ៥០ ជើងក្នុងមួយថ្ងៃ
មន្ត្រីនៅអាកាសយានដ្ឋានអន្តរជាតិសៀមរាបអង្គរបានឲ្យកម្ពុជាថ្មីដឹងថា ជើងហោះហើរនៅអាកាសយានដ្ឋានអន្តរជាតិសៀមរាបអង្គរ មានការកើនឡើងពីជាង ២០ ជើង (រាប់ទាំងឡើងនិងចុះ) ទៅដល់ជាង ៥០ ជើង (រាប់ទាំងឡើងនិងចុះ) ក្នុងមួយថ្ងៃ។
លោក យឹម សានីរាន មន្ត្រីសម្របសម្រួលនៅអាកាសយានដ្ឋានសៀមរាបអង្គរបានប្រាប់កម្ពុជាថ្មីថា បើមើលតាមលក្ខណៈទូទៅមានការកើនឡើងច្រើនជាងមុន។
«មួយថ្ងៃអាចពី ២០ ទៅ ២៦ ជើង ទាំង Charter ទៀតអាចថ្ងៃខ្លះដល់ ២៨ ជើង។ តែបើរាប់ទាំងឡើងទាំងចុះអាចដល់ជាង ៥០ ដល់ ៥៦ ជើងក្នុងមួយថ្ងៃ។ បើប្រៀបធៀបពីមុនបានត្រឹម ៣០ ទៅ ៣៤ ជើងប៉ុណ្ណោះទាំងឡើងទាំងចុះក្នុងមួយថ្ងៃ»។
ខណៈជើងហោះហើរកើនឡើងច្រើន ភ្ញៀវធ្វើដំណើរក្នុងមួយថ្ងៃក៏មានកំណើនជាង ៥ ០០០ ទៅ ៦ ០០០ នាក់។ នេះបើតាមលោក យឹម សានីរាន។
ក្រុមហ៊ុនអាកាសចរណ៍សិង្ហបុរី និងក្រុមហ៊ុនអាកាសចរណ៍ Air Asia កម្ពុជា បានបង្កើនជើងហោះហើរពីប្រទេសសិង្ហបុរីមកអាកាសយានដ្ឋានអន្តរជាតិខេត្តសៀមរាប។ ដោយឡែកក្រុមហ៊ុនអាកាសចរណ៍ Air Asia កម្ពុជា ក៏បង្កើនជើងហោះហើរទៅភូកេតប្រទេសថៃ។
បើតាមមន្រ្តីអាកាសយានដ្ឋានអន្តរជាតិសៀមរាបអង្គរ នៅខែមករាដើមឆ្នាំ ២០២៥ នឹងមានការតភ្ជាប់ជើងហោះហើរទៅប្រទេសកូរ៉េ តាមរយៈក្រុមហ៊ុនអាកាសចរណ៍ Sky Angkor និងក្រុមហ៊ុនអាកាសចរណ៍ឥណ្ឌា indigo ក៏គ្រោងតភ្ជាប់ការហោះហើរមកអាកាសយានដ្ឋានសៀមរាបអង្គរ។
លោក យឹម សានីរាន បញ្ជាក់បន្ថែមថា ជារួមនៅប៉ុន្មានខែចុងក្រោយចាប់ពីខែកញ្ញាដល់ខែវិច្ឆិកា ស្ថានភាពនៃការធ្វើដំណើរតាមអាកាសយានដ្ឋានសៀមរាប មានសន្ទុះកើនឡើងខ្លាំង។ យ៉ាងណាមិញ ដោយសារពេលនេះជារដូវកាលវិស្សមកាលភ្ញៀវទេសចរដើរកម្សាន្តច្រើន លោកក៏មិនទាន់ហ៊ានវាយតម្លៃទៅមុខស្ថានភាពអាចនឹងមានការប្រែប្រួលយ៉ាងណានោះដែរ»។
ថ្មីៗនេះមានការស្ទង់មតិមួយ ដែលចុះផ្សាយដោយសារព័ត៌មានអូស្រ្តាលី SBS បង្ហាញថា ជនជាតិអូស្រ្តាលីបានជ្រើសរើសយកខេត្តសៀមរាប ជាគោលដៅទេសចរណ៍ជាមួយនឹងការស្ទង់មតិរហូតដល់ ៥២៩% នៃភ្ញៀវទេសចរសរុប។
ស្ថានភាពអាកាសធាតុ ភាពទាក់ទាញនៃភ្ញៀវទេសចរ ម្ហូបអាហារ និងវប្បធម៌ប្រពៃណីជាផ្នែកមួយដែលធ្វើឲ្យភ្ញៀវទេសចរអូស្រ្តាលីចង់មកទស្សនានៅប្រទេសកម្ពុជាសម្រាប់ឆ្នាំ ២០២៥។ នេះបើតាមរបាយការណ៍ស្ទង់មតិដដែលនេះ។
បើយោងតាមរបាយការណ៍របស់ក្រសួងទេសចរណ៍ ក្នុងរយៈពេល ៩ ខែដើមឆ្នាំ២០២៤ កម្ពុជាទទួលបានភ្ញៀវទេសចរអន្តរជាតិប្រមាណ ៤,៨ លាននាក់ ពោលមានការកើនឡើង ២២,២% បើធៀបនឹងឆ្នាំ ២០២៣។
-
ព័ត៌មានអន្ដរជាតិ៥ ថ្ងៃ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
ព័ត៌មានអន្ដរជាតិ៦ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានអន្ដរជាតិ៥ ថ្ងៃ agoវិមានក្រឹមឡាំង៖ ពូទីន ត្រៀមជួបហ្សេលេនស្គី ទាល់តែមានការចុះហត្ថលេខាលើកិច្ចព្រមព្រៀងសន្តិភាព
-
ព័ត៌មានជាតិ៥ ថ្ងៃ agoទេសចរគួរដឹងអ្វីខ្លះ ពេលទៅកម្សាន្តតំបន់អេកូទេសចរណ៍រ៉ាមសារសម្រស់កោះហានក្នុងខេត្តស្ទឹងត្រែង?
-
ព័ត៌មានជាតិ១ សប្តាហ៍ agoមន្រ្តីបរិស្ថានស្នើពលរដ្ឋកុំបរិភោគត្រីងាប់ និងផ្អាកប្រើប្រាស់ទឹកព្រែកត្រែង នៅស្រុករតនៈមណ្ឌល ខេត្តបាត់ដំបង
-
ព័ត៌មានជាតិ៤ ថ្ងៃ agoតំណាងអយ្យការសម្រេចចោទប្រកាន់លោកផ្កាយបីនិងលោកផ្កាយពីរ រួមអ្នកពាក់ព័ន្ធ៤នាក់ផ្សេងទៀត
-
សន្តិសុខសង្គម៤ ថ្ងៃ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ
-
ព័ត៌មានជាតិ១ ថ្ងៃ agoអាជ្ញាធរទាត់ចោលព័ត៌មានដែលផ្សាយថា ថៃបានឈ្លានពានចូលទឹកដីខ្មែរនៅខេត្តប៉ៃលិន