ព័ត៌មានជាតិ

ជនសង្ស័យ៤នាក់ សំងំលក់ថ្នាំញៀនផងនិងជក់ផង ត្រូវកម្លាំងអាវុធហត្ថឃាត់ខ្លួន

បានផុស

៥ years មុន

នៅ

ថ្ងៃសៅរ៍ ១៣ មីនា ២០២១

ដោយ

បន្ទាយមានជ័យ ៖ ជនសង្ស័យ៤នាក់ សំងំលក់ថ្នាំញៀនផងនិងជក់ផងនៅក្រុងប៉ោយប៉ែតត្រូវកម្លាំងអាវុធហត្ថ១ក្រុមដឹកនាំដោយលោកវរសេនីយ៍ត្រី នួន នីណារ៉ូ មេបញ្ជាការ មូលដ្ឋានកងរាជអាវុធហត្ថក្រុងប៉ោយប៉ែតចុះល្បាតការពារសន្តិសុខ រក្សាសណ្ដាប់ធ្នាប់ជូនប្រជាពលរដ្ឋក្នុងចំណុចភូមិបាលិលេយ្យ២ សង្កាត់ប៉ោយប៉ែត ក្រុងប៉ោយប៉ែត បានធ្វើការឃាត់ខ្លួនយុវជនម្នាក់ឈ្មោះវ៉ាត វណ្ណ ភេទប្រុស អាយុ២១ឆ្នាំ ដកហូតថ្នាំញៀនមេតំហ្វេតាមីនទឹកកកចំនួន១កូនថង់កិប ទម្ងន់០,៣១ក្រាម កាំបិតខ្វែវ១ ជំពាមកៅស៊ូ១ ហើយបញ្ជូនមកមូលដ្ឋានកងរាជអាវុធហត្ថក្រុងដើម្បីសួរនាំ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បន្ទាប់មកកម្លាំងបានធ្វើការឃាត់ខ្លួនជនសង្ស័យបានជាបន្តបន្ទាប់៣នាក់ថែមទៀត នៅចំណុចភូមិក្បាលស្ពាន១ជនសង្ស័យ ១ឈ្មោះជី ចាន់អយ ភេទប្រុស អាយុ២៣ឆ្នាំ រស់នៅភូមិបាលិលេយ្យ២ ដកហូតវត្ថុតាងថ្នាំញៀន២កូនថង់កិប ទម្ងន់០,៦១ក្រាម ២ឈ្មោះ ធឿន សុខម៉ុន ភេទប្រុស អាយុ១៨ឆ្នាំ រស់នៅភូមិក្បាលស្ពាន១ពាក់ព័ន្ធនឹងការជក់ថ្នាំញៀន ៣ឈ្មោះ រិន សុខហេង ភេទប្រុស អាយុ១៩ឆ្នាំ ដកហូតថ្នាំញៀនមេតំហ្វេតាមីនទឹកកក ចំនួន១កូនថង់កិប ទម្ងន់០,១៩ក្រាមនៅវេលាម៉ោង២និង៣០នាទីយប់ ឈានចូលថ្ងៃទី១៣ ខែមីនា ឆ្នាំ២០២១។

លោក នួន នីណារ៉ូ បានបញ្ជាក់ឲ្យដឹងបន្តទៀតថា ជនសង្ស័យទាំង៤នាក់ ត្រូវបានកម្លាំងជំនាញបទល្មើសគ្រឿងអាវុធហត្ថក្រុងសួរចម្លើយ និងធ្វើតេស្តទឹកនោម ដើម្បីរកសារធាតុញៀនឃើញថា ឈ្មោះជី ចាន់អយ និងឈ្មោះវ៉ាត វណ្ណ ពាក់ព័ន្ធលក់ថ្នាំញៀននិងជក់ ចំណែកឈ្មោះរិន សុខហេង និងឈ្មោះ ធឿន សុខម៉ុន ពាក់ព័ន្ធនិងការជក់គ្រឿងញៀនតែប៉ុណ្ណោះ។ ដោយផ្អែកលើវត្ថុតាង និងចម្លើយសារភាព ព្រមទាំងការធ្វើតេស្តទឹកនោម ជនសង្ស័យទាំង៤នាក់ រួមនឹងវត្ថុតាង ត្រូវបានកម្លាំងជំនាញអាវុធហត្ថក្រុង កសាងសំណុំរឿងបញ្ជូនមកការិយាល័យបទល្មើសគ្រឿងញៀនអាវុធហត្ថខេត្តចាត់ការបន្តជនសង្ស័យទាំង៤នាក់ ត្រូវបានកម្លាំងជំនាញអាវុធហត្ថខេត្តបញ្ជូនទៅតុលាការខេត្តចាត់ការតាមច្បាប់៕

ដោយ ៖ វ៉ាន់ ណាង