ព័ត៌មានជាតិ
រដ្ឋបាលខណ្ឌ ៧ មករា ជួសជុលផ្លូវខូចជង្ហុកសំបុកមាន់ក្នុងមូលដ្ឋាន
លោកអភិបាលខណ្ឌ ៧ មករា បានដឹកនាំមន្ត្រីជំនាញ ចុះត្រួតពិនិត្យទីតាំងការដ្ឋាន ជួសជុលជង្ហុកសំបុកមាន់ និងអ៊ុតកៅស៊ូឡើងវិញ នៅកំណាត់ផ្លូវ ១៦៩ មុខវិទ្យាល័យបាក់ទូក។

ជាក់ស្ដែងកាលពីថ្ងៃទី ១៥ ខែធ្នូ ឆ្នាំ ២០២៤ ម្សិលមិញ លោក ថេង សុថុល អភិបាល នៃគណៈអភិបាលខណ្ឌ ៧ មករា បានដឹកនាំមន្ត្រីជំនាញពាក់ព័ន្ធ ចុះត្រួតពិនិត្យមើលតាមការដ្ឋានកំពុងជួសជុលផ្លូវខូចជង្ហុកសំបុកមាន់ដែលត្រូវកាយដីខូចគុណភាពចេញ ដាក់ថ្មបង្ហាប់ និងអ៊ុតកៅស៊ូ ក្នុងគម្រោងរបស់រដ្ឋបាលខណ្ឌ ដើម្បីសង្កេតមើលថា ក្រុមហ៊ុនវិនិយោគ ធានាបានតាមលក្ខណៈបច្ចេកទេសត្រឹមត្រូវ និងមានគុណភាពស្តង់ដារ។

ក្នុងនោះដែរ លោក ថេង សុថុល បានប្រាប់ឲ្យដឹងថា ដោយមានការណែនាំពី លោក ឃួង ស្រេង អភិបាលរាជធានីភ្នំពេញ បានជំរុញឲ្យអាជ្ញាធរទាំង ១៤ ខណ្ឌ ក្នុងភូមិសាស្ត្ររាជធានីភ្នំពេញ យកចិត្តទុកដាក់ពីបញ្ហាផ្លូវខូច ប្រព័ន្ធលូបង្ហូរទឹកជាដើម។ ដូច្នេះ អាជ្ញាធរខណ្ឌ ៧ មករា បានសង្កេតឃើញថា កំណាត់ផ្លូវលេខ ១៦៩ មុខវិទ្យាល័យបាក់ទូក ចាប់ពីចំណុចក្ដាន់ ២ រហូតដល់ស្តុបនាងគង្ហីង ក្នុងមូលដ្ឋានខណ្ឌ ៧ មករា មានសភាពខូចខាត កៅស៊ូស្ដើងខូច ត្រូវបានរដ្ឋបាលខណ្ឌដាក់ក្នុងគម្រោងជួសជុលឡើងវិញ ដោយតាមស្ថានភាព ចំណុចខូចច្រើន អ៊ុតកៅស៊ូប្រភេទ AC ឡើងវិញ ចំណុចខូចបន្តិចបន្តួច ជួសជុលបែប សំបុកមាន់។

លោកអភិបាល បានបន្តទៀតថា សូមក្រុមហ៊ុនទទួលវិនិយោគ ត្រូវគិតគូរឲ្យបានខ្ពស់ពីផលប៉ះពាល់ដល់ពលរដ្ឋរស់នៅអមសងខាងកំណាត់ផ្លូវមានការដ្ឋាន។ ជាពិសេសត្រូវធ្វើតាមលក្ខណៈបច្ចេកទេសឲ្យបានត្រឹមត្រូវ។

ជាចុងក្រោយ លោកអភិបាល ក្នុងនាមជាអាជ្ញាធរមូលដ្ឋាន បានសំណូមពរដល់ពលរដ្ឋទាំងអស់គ្នា សូមចូលរួមទុកដាក់សំរាមឲ្យត្រឹមត្រូវ និងបញ្ចេញសំរាមតាមម៉ោងកំណត់ ជៀសវាងទុកដាក់គ្មានសណ្ដាប់ធ្នាប់ ពេលមានភ្លៀងធ្លាក់ហូរអណ្ដែតចូលប្រព័ន្ធលូ បង្កការកកស្ទះប្រព័ន្ធទឹក៕
អត្ថបទ ៖ សុភា







-
សេចក្ដីជូនដំណឹង១ សប្តាហ៍ ago
ការបើកឱ្យទស្សនាលើកដំបូងបង្អស់នូវសាលារៀនអន្តរជាតិ អាយុកាល ៣៥០ឆ្នាំ មកពីចក្រភពអង់គ្លេស
-
សន្តិសុខសង្គម១ ថ្ងៃ ago
ច្រករបៀងមួយចំនួនក្នុងភូមិសាស្ត្រខេត្តបាត់ដំបង បានបិទបណ្ដោះអាសន្ន
-
នយោបាយ៣ ថ្ងៃ ago
កម្ពុជានឹងមិនចរចាជាមួយថៃរឿងព្រំដែន៤កន្លែងដែលប្ដឹងទៅ ICJ ទេ
-
ព័ត៌មានជាតិ២ ថ្ងៃ ago
ក្រុមប្រឹក្សាសន្ដិសុខធ្លាប់ព្រមានដកថៃចេញពីអង្គការសហប្រជាជាតិក្រោយពីមិនទទួលស្គាល់សេចក្ដីសម្រេចរបស់ ICJ
-
ព័ត៌មានជាតិ១៧ ម៉ោង ago
លោក អ៊ី ឈាន យកអំណោយសម្តេចកិត្តិព្រឹទ្ធបណ្ឌិតជូនកងកម្លាំងតាមខ្សែព្រំដែន
-
ព័ត៌មានអន្ដរជាតិ៣ ថ្ងៃ ago
ថៃ កំពុងមានជម្លោះជាមួយអ្នកជិតខាង ជុំទិស
-
ព័ត៌មានអន្ដរជាតិ៣ ថ្ងៃ ago
ត្រី Oarfish បង្ហាញវត្តមាននៅប្រទេស អូស្រ្តាលី
-
ព័ត៌មានជាតិ៦ ថ្ងៃ ago
កម្ពុជា បន្តមានភ្លៀងធ្លាក់ជាមួយផ្គររន្ទះ និងខ្យល់កន្ត្រាក់ ខណៈកម្ដៅ៣៧°C