ព័ត៌មានជាតិ

សម្តេច ម៉ែន សំអន ៖ សន្តិភាព បានអនុញ្ញាតឲ្យសាសនាផ្សេងៗ នៅកម្ពុជា គោរពប្រតិបត្តិតាមជំនឿរៀងៗ ខ្លួន

បានផុស

១ year មុន

នៅ

ថ្ងៃសៅរ៍ ១៥ មីនា ២០២៥

ដោយ

សម្តេចកិត្តិសង្គហបណ្ឌិត ម៉ែន សំអន ឧត្តមប្រឹក្សាផ្ទាល់ព្រះមហាក្សត្រ និងជាប្រធានសមាគមនារីកម្ពុជា ដើម្បីសន្តិភាព និងអភិវឌ្ឍន៍ បានថ្លែងថា ប្រទេសមានសុខសន្តិភាព បានអនុញ្ញាតឲ្យសាសនាផ្សេងៗ នៅកម្ពុជា គោរពប្រតិបត្តិតាមជំនឿរៀងៗ ខ្លួន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សម្តេចកិត្តិសង្គហបណ្ឌិត ម៉ែន សំអន ថ្លែងបែបនេះ ខណៈពេលអញ្ជើញជួបសំណេះសំណាល និង ពិសាអាហារស្រាយបួសខែរ៉ាម៉ាឌន ឆ្នាំ ២០២៥ ជាមួយនារីឥស្លាមកម្ពុជា នៅមណ្ឌលម៉ូឌែន ៥ រាជធានភ្នំពេញ កាលពីរសៀលថ្ងៃទី ១៤ ខែមីនា ឆ្នាំ ២០២៥។

សម្តេចកិត្តិសង្គហបណ្ឌិត បានលើកឡើងថា រាជរដ្ឋាភិបាលកម្ពុជា បានយកចិត្តទុកដាក់ចំពោះសុខដុមនីកម្មសាសនា ដើម្បីធានាថា កម្ពុជា មិនមានជម្លោះជាតិសាសន៍ និងសាសនាឡើយ។

សម្តេចកិត្តិសង្គហបណ្ឌិត បានបន្តទៀតថា សង្គ្រាមដ៏សែនឈឺចាប់ក្នុងពេលអតីតកាលដែលបានក្លាយជាបទពិសោធ បន្សល់ទុកនូវមេរៀនសម្រាប់ប្រទេសកម្ពុជា ក៏ដូចជាតំបន់ខ្លះនៅលើពិភពលោកផងដែរ។ សុខដុមនីយកម្ម នៃជនជាតិ និងសាសនា គឺមានសារៈសំខាន់ខ្លាំងណាស់ សម្រាប់កិច្ចអភិវឌ្ឍន៍សង្គមកម្ពុជាបច្ចុប្បន្ន ដើម្បីរស់នៅជាមួយគ្នាប្រកបដោយភាពសុខសាន្ត ក្រោមម្លប់ នៃសុខសន្តិភាព និងបានអនុញ្ញាតឲ្យសាសនាផ្សេងៗ នៅកម្ពុជា គោរពប្រតិបត្តិតាមជំនឿរៀងៗ ខ្លួន។

សម្តេចកិត្តិសង្គហបណ្ឌិត ក៏បានជូនពរខ្មែរ-ឥស្លាមទូទាំងប្រទេសនៅក្នុងឱកាសបុណ្យស្រាយបួស នៃខែរ៉ាម៉ាឌននេះ សូមជួបតែសេចក្តីសុខចម្រើនគ្រប់ៗ គ្នា។ សម្តេច ក៏បានសុំពរពីព្រះអាល់ឡោះ សូមផ្តល់ភាពសុខសាន្ត និង ការរីកចម្រើនដល់ប្រជាពលរដ្ឋទាំងអស់គ្នា៕

អត្ថបទ ៖ វិមាន