ព័ត៌មានជាតិ

ពិធីក្រុងពាលីជួសជុលដំបូលវិហារ វត្តពោធិរុក្ខារាម ហៅវត្តកំពង់ត្រឡាចលើ នៅស្រុកកំពង់ត្រឡាច

បានផុស

១២ ខែ មុន

នៅ

ថ្ងៃព្រហស្បតិ៍ ៨ ឧសភា ២០២៥

ដោយ

នារសៀល ថ្ងៃព្រហស្បតិ៍ ១២កើត ខែពិសាខ ឆ្នាំម្សាញ់ សប្តស័ក ព.ស.២៥៦៨ ត្រូវនឹងថ្ងៃទី៨ ខែឧសភា ឆ្នាំ២០២៥ លោកបណ្ឌិត ហ៊ឺ វីរៈ អ្នកតំណាងរាស្ត្រមណ្ឌលខេត្តកំពង់ឆ្នាំង បាន អញ្ជើញ ជា អធិបតី ភាព ក្នុង ពិធីប្រុងពលីបើកការដ្ឋានជួសជុលដំបូលវិហារវត្តពោធិរុក្ខារាម ហៅវត្តកំពង់ត្រឡាចលើ ស្ថិត នៅ ភូមិ អ្នក តាហាង ឃុំកំពង់ត្រឡាច ស្រុកកំពង់ត្រឡាច ខេត្ត កំពង់ឆ្នាំង។

ពិធីក្រុងពាលីនេះ មានការអញ្ជើញចូលរួមពីលោក ជាង សិឡាសុមាឫទ្ធិវង្ស អនុរដ្ឋលេខាធិការ ក្រសួង វប្បធម៌ និង វិចិត្រសិល្បៈ និង មន្ត្រី រាជការ នៃនាយកដ្ឋាន គាំពារ និង អភិរក្ស សំណង់ បុរាណ ក្រសួង វប្បធម៌ និង វិចិត្រសិល្បៈ ព្រមទាំងឯកឧត្ដមលោកជំទាវ លោក លោកស្រី ជាក្រុមការងាររាជរដ្ឋាភិបាល ចុះមូលដ្ឋាន ស្រុកកំពង់ត្រឡាច សមាជិកក្រុមប្រឹក្សាខេត្ត កំពង់ឆ្នាំង លោក ប្រធានក្រុមប្រឹក្សា ស្រុកកំពង់ត្រឡាច លោកអភិបាល នៃ គណៈអភិបាល ស្រុក កំពង់ត្រឡាច លោក លោកស្រី មន្ត្រីរាជការ នៃមន្ទីរវប្បធម៌ និង វិចិត្រសិល្បៈ ខេត្តកំពង់ឆ្នាំង ព្រមទាំង លោកតា លោកយាយ ពុទ្ធបរិស័ទ ចំណុះជេីងវត្ត។

សូមបញ្ជាក់ផងដែរថា វត្តពោធិរុក្ខារាម ហៅវត្តកំពង់ត្រឡាចលេី ជាវត្តបុរាណមួយក្នុងចំណោមវត្ត បុរាណ ជាច្រើនក្នុងខេត្តកំពង់ឆ្នាំង ដែលមានព្រះវិហារមួយ កសាងឡើងរវាងដេីមសតវត្សរ៍ ទី២០ នៃគ.ស.។

នាពេលបច្ចុប្បន្ននេះ ព្រះវិហារមានសភាពចាស់ទ្រុឌទ្រោម ផ្នែកដំបូលជញ្ជាំងសសរ និង ជាពិសេស គំនូរ បុរាណ នៅក្នុងព្រះវិហារយ៉ាងខ្លាំង។ ក្រោមជំនួយឧបត្ថម្ភជួសជុល របស់ក្រសួងវប្បធម៌ និង វិចិត្រសិល្បៈ ក្នុងឆ្នាំ២០២៥នេះបានរៀបចំជួសជុលផ្នែកដំបូលព្រះវិហារ ឱ្យមានភាពរឹងមាំ ឡើង វិញ ដោយមន្ត្រីជំនាញនៃនាយកដ្ឋាន គាំពារ និង អភិរក្សសំណង់បុរាណ ដោយចាប់ផ្ដើម ពីសបា្តហ៍ ទី២ ខែឧសភា ឆ្នាំ២០២៥ រហូតដល់ចប់គម្រោង៕

អត្ថបទ ៖ លោក នាង សុវណ្ណតារ៉ា