ព័ត៌មានជាតិ

កងកម្លាំងវិស្វកម្មលេខ៧១៦ ទទួលបានឱសថសម្រាប់សង្គ្រោះសុខភាពពីរដ្ឋបាលខេត្តមណ្ឌលគិរី

បានផុស

១១ ខែ មុន

នៅ

ថ្ងៃព្រហស្បតិ៍ ១៥ ឧសភា ២០២៥

ដោយ

នៅថ្ងៃទី១៤ ខែឧសភា ឆ្នាំ២០២៥ កងកម្លាំងវិស្វកម្ម លេខ៧១៦ ដែលកំពុងបំពេញភារកិច្ចកសាងផ្លូវ ខ្សែបន្ទាត់ព្រំដែន ក្នុងភូមិសាស្រ្តស្រុកអូររាំងដែលជាគម្រោង «មូលនិធិកសាងហេដ្ឋារចនាសម្ព័ន្ធតាមព្រំដែនដោយផ្តោតលើការកសាងផ្លូវក្រវ៉ាតព្រំដែន» ទទួលបានចុះសួសុខទុកពីសំណាក់រដ្ឋបាលខេត្តមណ្ឌលគិរី។

ក្នុងការចុះសួសុខទុក្ខនេះដោយមានការចូលរួមពីសំណាក់អភិបាលរងខេត្តមណ្ឌលគិរី មន្ទីរសុខាភិបាល និងមន្រ្តីជាច្រើនអង្គភាពទៀត និងនាំយកសម្ភារៈនិងឱសថថ្នាំលាបស្បែកការពារមូស សត្វល្អិតសរុបចំនួន ២៩មុខ។

លោកស្រី វិន ស៉ីធួន អភិបាលរងខេត្តមណ្ឌលគិរីបានពាំនាំការផ្ញាំផ្ញើសាកសួរសុខទុក្ខពីសំណាក់លោក ថង សាវុន អភិបាលខេត្តមណ្ឌលគិរី ដែលជានិច្ចកាល លោក តែងតែគិតគូរចំពោះកងកម្លាំងដែលកំពុងឈរជើងបំពេញភារកិច្ចតាមព្រំដែន ជាពិសេស កងកម្លាំងវិស្វកម្ម ដែលកំពុងកសាងផ្លូវតាមខ្សែបន្ទាត់ព្រំដែន ក្នុងភូមិសាស្រ្តខេត្តមណ្ឌលគិរី។

លោកស្រី អភិបាលរងខេត្ត បានការកោតសរសើរ និងវាយតម្លៃខ្ពស់ចំពោះកម្លាំងវិស្វកម្ម ដែលបានលះបង់កម្លាំងកាយចិត្ត ពុះពារគ្រប់ឧបសគ្គ រួមចំណែកស្ថាបនាផ្លូវក្រវាត់ព្រំដែន ដែលជាផ្លូវយុទ្ធសាស្ត្រដ៏មានសារសំខាន់ ប្រកបដោយស្មារតីទទួលខុសត្រូវខ្ពស់។ លោកស្រី បានផ្តាំផ្ញើដល់កងកម្លាំងវិស្វកម្មទាំងអស់ ត្រូវថែទាំសុខភាពឲ្យបានល្អ ដែលបានចូលរួមចំណែកការពារសន្តិសុខ សណ្ដាប់ធ្នាប់ជូនប្រជាពលរដ្ឋឱ្យបានល្អប្រសើរ។

ជាមួយគ្នានេះផងដែរ លោក ឧត្តម សេនីយ៍ នង សុភក្រ្តា មេបញ្ជាការកងស្ថាបនា ថ្នល់លេខ ៧១៦ ក៏បានលើកឡើងនិងថ្លែងអំណរគុណដល់ថ្នាក់ដឹកនាំខេត្តមណ្ឌលគិរី ទាំងអស់ដែលតែងតែយកចិត្តទុកដាក់ និងចំណាយពេលវេលាដ៏មានតម្លៃ ក្នុងការចុះមកសួរសុខទុក្ខ និងផ្តល់ឱសថមួយចំនួន ដល់កងកម្លាំងវិស្វកម្ម ដែលកំពុងបំពេញភារកិច្ចកសាងផ្លូវក្រវាត់ព្រំដែន កម្ពុជា-វៀតណាម ក្នុងភូមិសាស្រ្តស្រុកអូររាំង ខេត្តមណ្ឌលគិរីនាពេលនេះ៕

អត្ថបទ ៖ រៀម សុខហេង